السلام عليكم الرحمن الرحيم
اهلن و شكرن بالجميع
معكم عبدالله<< البريطاني
19 سنه من الرياض اهوى جمع الخيول و ركوب الطوابع خخخخخخخخخخ
و اقدر الحياه الزوجيه
ندخل بالسالفه
هذي سالفتي و انا رايح للمقابله بالسفاره عشان استخراج التاشيره الى الولايات المتحده
موعدي يوم السبت الساعه 9 و خطاب الوزاره و الضمان المالي مثل مو عارفين مطلوبه
و ابوسعود هذا رجال طيب في الوزاره و قالي ازهلها ( ازهلها = خلها علي لا تهتم ) و اعرف اكثر من واحد كانت مقابللاتهم قبلي و يعطوني من النصايح
موعدي كان يوم السبت و انا من يوم الاربعاء مجهز الشماغ و الثوب لبسته يوم الجمعه و مريت على محلات العطورات يقالك باشتري و كل ما مريت من عطر قلت له جب هذا اشوف و اتعطر منه ...
ابو سعود ذا مكلمه يوم الجمعه الساعه 9 و 32 دقيقه مساء ( على حسب التوقيت المحلي للجوال) و قالي ابد بكره الساعه 7 و نص اكون في الوزاره و يكون الخطاب جاهز و تلحق على السفاره عشان المقابله ....
يوم السبت قمت الساعه 6 و رحت استنشق هواء <<< عشان يقولون هذا امريكي صدقي
و الساعه 7طلعت من البيت ادق سلف ما يشتغل معي الموتر ( ادق سلف = اشغل السياره ) البطاريه طايحه !!!
قلت ما لي الا وليد المعصقل ولد عمي و ادق عليه يطلع لي ( المكالمه محظوره) يعني الجوال مقطوع و ارسله كول مي و طلع الوالد صاحي و جاني الولد بسيارته عشان نسوي اشتراك لكن المشكله ما معنا اشتراك خخخخخخخخخخخخخخخخخخخ
و نحاول ندبر لنا من هنا و الا من هنا لو سلك راديو مو مشكله ... و انا بذكائي و قوة ذاكرتي اذكر ان حارس المدرسه اللي حول بيتنا معه اشتراك لانه دايم يشحن السيدرك حقته ( من سنتين ما غير بطاريته)
و ضبطنا السياره و قلت لوليد يجي معي من باب الفزعه قال عندي محاضر بعد شوي قلت المحاضره اهم من ولد عمك خخخخخخخخخخخخخ
و يركب معي و على طوووول على وزاره التعليم و اقول لوليد لا تنزل عشان ما نطفي السياره و نقعد بها مره ثانيه و مالك الا اللي يفطرك على حسابه اذا طلعنا وافق انه يقعد و رحت لخوينا ابوسعود و القاه نايم بالمكتب و قدامه جريده الرياضيه و الاقتصاديه و نظاراته فوق الجريده
انا يوم الشفت المنظر كذا قلت: شكل ما وراه خطاب وضمان مالي خخخخخخخخخخخ
من بااب الادب طقيت باب المكتب الرجال قام مفزوووع قلت له اجيب لك شاهي خخخخخخخخخخخخ لانه يوم قام مفزوع حسيت انه بيطيح فيني ضرب قال الخطاب معي لكن انتظر المدير يوقع عليها و المدير لسى ما داوم و انتظر هناك من الساعه 7ونص الى 9 حتى جا سعاده البيك و وقع عليها
و اطلع على السفاره على طوووووووول و المقابله الساعه 9 ....
و حنا في الطريق الدكتور وليد يعلمني شوي انقليش يقول لي
اذا قام ينافخ عليك اللي يسوي معك المقابله قله what r u feeling ( وش تحس به ؟؟ ) خخخخخ
و اذا رفضو طلبك قله don't more ( لا يكثر ) ...
وللحمد لله وصلنا لحي السفارات...عدينا التفتيش
عند مواقف السفاره فيه عسكري اساله ( العسكري كان يفطر بيتزا و ببسي خخخخ)
قلت له وين السفاره الامريكيه قال لي شق شعيب تلاقيها قدامك (شق الشعيب = خلك ماشي على طوول)
انا من الفهاوه قلت له لا والله مفطر قبل شوي (كانت عيوني بالبيتزا ) .... خخخخخخخخخ
و لقيت السفاره الامريكيه لكن لازم توقف السياره و تمشي حوول الـ 500 متر على رجولك و الساعه اللحين 9 و 20 دقيقه و ننزلنا انا و وليد و ما فيه و نمشي 120 و رابط الحزام عشان ما يعطوني مخالفه خخخخخخخخخخخخخخخخخخخخخخخخخ
وليد رافع ثوبه وانا ما اقدر لاني بكشخ فيه يعني صار هو سابقني و المقابله اصلن لي خخخخخخخخخ
و انا امشي حسيت ان راسي صار خفيف خخخخخخخخخخخخخخخخخخخخخ
قلت يمكن من السرعه قلت الجاذبيه و صار راسي خفيف << صار مغناطيس مو راس
و اكمل امشي شكيت بالوضع ليه راسي طالع خفيف و احط يدي على راسي و ما القى العقال ( العقال= مصنوع من ماده سوداء يستخدم لتثبيت الشماغ و غالبا ما يستخدم كسلاح خخخخخخ )
و التفت وراي و القى العقال يتمشى ( طالع كنه كفر كورولا امامي يتمشى ع خط سريع )
و انادي وليد عشان يجيب العقال و وليد ماشالله عليه لقيته واصل عند المدخل حق السفاره خخخخخ
راح يجيبه لي وانا جيت ادخل ... لقيت الباكستاني وأنتم تعرفونه عند الباب كبير من جد و شكله مو عربي بس يتكلم عربي شوي احس انه طيب بس احنا ظالمينه المهم
قالي هل دفعت رسوم التأشيره ؟
قلت بالتاكيد انا دفعتها <<<< عشان يفهم
قالي تفضل .... قلت يئبرني البك خيووو <<<<< احسبها جمله عنقليزيه خخخخخخخخخخخخخ
و ادخل مع 3 تفاتيش الأول فيه وحده الله يذكرها بالخير قلت من وين اروح قالت كلمات واجده اكثرها هون او هونيك المهم...
و كل يوم نقول اليوم <<<< وش جابها ذي
و انا مع التفتيش الثالث اسمع صوت مهوب غربي علي الا هو وليد يقردن السيكورتي عشان يدخله و آشر له اقوله خلاص رح و اكلم حق التفتيش اقوله برجع اخذ عقالي قال نو وي قلت له ثانكس خخخخ
يوم جت الساعه 10 و يدخلوني المقابله وأخذ رقم رقمي هو ...... هذا بعد ماشيكو ع اوراقي
دخلت على واحد قالي هلو وات از يور نيم ؟
قلت هلو ماي نيم از عبدالله <<< بغيت اقول و يدلعوني جورج دبليو بووش خخخخخخخخخخ
قال هو ار يو عبدالله قلت ام فاين ثانكس <<<<<<<< حسيت اني بطل انقليزي
سالني ليه انت لابس كذا يعني وين العقال خخخخخخخخخخخخخخخخخخخخخخخ
شك اني مطوع يعني ما راح يعطيني....المهم
قلت ( نو ، اي واز ا بلاك ون بت ات از وذ ماي فريند ) اختصرها لكم انا كنت بقول
( انا كنت لابس العقال لكنه اللحين مع خويي لاني ما اعرف وش معنى ولد عمي ) خخخخخخخخخ
الرجال خربت اخلاقه حس اني استهبل عليه قالي وين خويك ؟
قلت نو انتز هير ( ما دخل هنا ) ... قال ليه قلت ( ذا بيق مان ساي نو انتر ) انا من اللخمه ناسي اقول سيكورتي قلت بيق مان خخخخخخخخخخخخخخخخخخ
الرجال عطني على قد عقلي لكن ارتفع ضغطه و انا ودي ارجع الامور زي ما كانت خخخخخخ
قالي بالعربي ( اعطني استماره دراجاتك الثانويه )
يوم شفته يتكلم عربي استانست قلت له : الله الله هذا الوصل معي ... خخخخخخخخخخخخخ
ما فهم شي و انقلب وجهه احس انه بيقولي ما عندك امل تدرس في امريكا ..
و ينادي وحده ما ادري وش اسمها لكنها تشبه لزوجه بباي
و متحجبه بحجاب احمر (( ناقصها بساط و عصا و تقولي اختر اي ديره اذبك فيها ))
اخذها على الجنب و كلمها ما ادري وش قال لها
بغيت انقز عليهم و اقول لا يتناجى اثنان دون الثالث بس خفت يوصلوني للبيت بالدي اتش ال ( دي اتش ال = وسيله ارسال سريعه بين دول العالم الرابع خخخخخ )
جتني ام حجاب احمر و كلمتني شووي لكنها اخلاق و قدرنا نتفاهم لاكن اصحك تقولها نعم يعني "ممكن تعيدين ماسمعت وش قلتي"....
وبعد الأسأله والقروشه.....
و عطوني الورقه الصفراء ( الورقه الصفراء = ما راح نعطيك تاشيره لكن بطريقه مهذبه )
و انا في المقابله شايل هم وليد وين افطره .... واطلع من السفاره و ارسله كول مي
ويدق علي قلت له وينك ؟؟؟؟
قالي تعال عند العسكري"راعي البتزا" قاله بصوت واطي اللي عند مواقف السفاره انا قاعد معه خخخخخخخخخخخخخخخخ
يوم رحت له الا وهو فاطر معهم و قاعدين يشربون شاهي ....
انا ما رفع ضغطي الا ان العقال نسيناه عند العسكري لانه كان مع وليد و ما اخذه معه يوم مريته ..
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخ
والسلام عليكم ورحمه الله الرحيم
طبعا انا كتبت القصه من باب الفضاوه لاكن ماتتوقعون وشلون معاملتهم لي والله عن جد مهذبه وماتوقعت ابد ابد انها كذا
أنتضر تعليقاتكم...
طحياطو<< البريطاني
dody_ay@hotmail.com