الرياض - واشنطن . 2009-5-20
الرياض - واشنطن . 2009-5-20
تنبيه: هذا الموضوع قديم. تم طرحه قبل 5473 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "السلام عليكم ورحمه الله وبركاته
أسعد الله صباح / مساء الجميع
نصائح من مبتعث سابق
1- بالنسبه للعفش بقدر الإمكان حالوا ماتكثرو لأنه من واشنطن الى مدينه الدراسه بتسوي لكم قلق ويبهذلكم لكن تقريبا الكل قفل شناطه وخلاص وعلى كذا مافي اي مشكله .
المهم من الرياض الى واشنطن مافي اي مشكله في العفش ومن واشنطن الى مدينه الدراسه العفش المسموح به حقيبتين كل حقيبه 50 باوند اي مايعادل 23 كيلو لكن خذوها
....
نصيحه / اذا كان الوزن زايد ادفع المبلغ المطلوب وخلاص ولاتبهذل نفسك وتشيل من شنطه و تحط بالثانيه ولا تشيل شنطه كبيره بيدك ولا عفش كثير كذا ماتخش الطائره وبتتأخر وتتبهذل تقريبا مسموح بــ شنطه 18 كيلو تـأخذها بيدك في الطائره وهذا اللي صار معاي كان معاي 3 شنط ودفعت 125 $ وخلاص لما وصلت مدينتي ما احتجت اي اغراض لان كل شي جايبه من السعوديه .
2- بالنسبه للرحله من الرياض حاول تكون الساعه 4.30 -5 في المطار علشان بتعبي الإبلكيشن وتشحن عفشك عني انا ماوصلت المطار الا 6 ص وخلصت اموري وافطرت انا واخوي وسواليف وماركبت الطائره الا 8.15 وفي الرحله بتكون فله وبسطه وسواليف وبتبقى ذكريات جمليه وبيمر الوقت بسرعه وخاصه اللي اول مره يسافر خارج المملكه ولاتنسون الاوراق والوثائق المهمه.
3- لما تهبط الطائره وتوقف بمطار دالاس بيأخذكم الباص الى صاله المطار وبعدها لما توصلوا الصاله يقابلكم موظفين الجمارك خلك واقف في الصف صح قبل الخط الاصفر وبينادي عليك ويأخذ الجواز ويسألك اسئله عاديه واذا ماجاوبت عادي وبيكتب لك المسار اللي تمشي معاه وغالبا بيكون B بعدها تطلع تأخذ عفشك من السير وفيه اكثر من سير بس انت بتعرف رحلتك اي سير بعدها بتمسك المسار وبيأخذون الجواز
وبتنتظر على حسب يمكن 2 او 3 او 4 ساعات الكل لازم يصبر ويكون واثق والوضع عادي يمكن يمر كلب حق التفتيش من عندك او من عند العفش عادي .
بعدها احتمال ينادونك ويطلبون الاي توني ويختمون اوراقك وخلاص ويمكن يسون معك تسجيل خاص يأخذونك على مكتب ويسألوك كم وزنك طولك لون عيونك اسئله عاديه جدا لاتقلق لأنهم يختاورا اختيار عشوائي من بين الجوزات ويسو تسجيل خاص بعدها تطلع على الصاله الخارجيه تلاقي موظف الملحقيه بعد ماتجتمعون يأخذوكم مجموعات على الفندق تقريبا اسمه كونفرت قريب من المطار 10 دقائق تقريبا فندق حلو ونظيف ومريح وبتنبسطوا كثير لان الفندق بيكون كله مبتعثين يوم الخميس الصباح يأخذكم السواق على الملحقيه محاضرات وتخلصو اوراقكم فيه بريك غداء لايفوتكم الغداء في السفاره قريبه مره من الملحقيه اسألوا موظفين الملحقيه وبيدلوكم وبعد الغداء تكملوا المحاظرات وبيرجعكم السواق الفندق بعدها اللي يبي يتمشى يسوي له مجموعه 7 او6 وتشوفون لكم سواق يدور فيكم المعالم المهمه في فرجنيا والبيت الابيض وتتصورا لأنها بتبقى ذكريات بعدين .
4- يوم الخميس بتناموا وتصحوا الجمعه ويأخذكم سواق الفندق على المطار حاول تكون قبل الرحله بــ3 ساعات في المطار لأنه الوضع بيختلف عليك كثير مطاراتهم غير مطارتنا وتشحن عفشك وتخش صاله المغادره بواباتهم كثير لكن اذا ماعرفت يدلوك هذا بالنسبه لمطار دالاس.
5- المال في البدايه اسمه مال نافذ يعني انت بتخسر في البدايه بطريقه ولا بأخرى وخاصه لما توصل مدينه الدراسه فندق وشغلات كثيره وهذا كله عادي اهم شي ترتاح نفسيا بعدها تستقر وتبقى ذكريات حلوه لازم تتعب في البدايه نفسيا ومعنويا لاتنهزم من البدايه وتقول خلاص لا بدايه كل شي مره والنهايه حلوه .
في الختام اتمنى من كل واحد يقرأ الموضوع يدعي لي في الرحله
دعوه خاصه
وهذي النصائح اهداء لأخواني واخواتي اعضاء المنتدى
والامور سهله جدا وحلوه ولاتخافوا
اتمنى لكم رحله سعيده
وتوصلوا بالسلامه
انتظر ردودكم بعد الرحله
عذرا كانت المشاركه متاخره نظرا للظروف
احساس مبتعث California - الله يوفقك ياشيخ دنيا واخره..7 "
من جد تعبت على ردك ربي يجزاك كل خير .. حقيقة معلومات بتفيدني انشالله لان سفرتي قريبة انشالله اسال الله لك التوفيق والسداد..
تحياتي.. - 7 "هلا والله فيك أخوي احساس مبتعث هلا بأهل California وخصوصاً أهل مدينة Thousand Oaksكيفك إن شاء الله تمام وكيف المعهد معكومشكور والله على الشرح والتوضيح الطيب والرائع وعسى الله يوفقك وينور دربكبس ممكن طلب ! أبي ايميلك اذا ممكن ... تحياتي لك.
- ماشاء الله عليك كفيت ووفيت7 "
الله يسخر لك طريقك وعيال الحلال يارب
ويسهل لك امورك كلها
فيه شئ تطلبه الملحقيه غير الاوراق اللي دايم تكون معنا
عشان ناخذها معانا مثلا صورة شخصية او اي شئ
- 7 "
الله يعطيك العافية اخوي زياد & احساس مبتعث
الله يوفقكم و يوفق الجميع و يسهل امورهم
ماقصرتوا
- 7 "هلا فيكم ياحبايب القلب
وشاكر لكم كلامكم الحلو
بالنسبه للصور الشخصيه الأفضل يكون معاكم عدد من الصور احتياطا بالنسبه للملحقيه تطلب صورتين فقط
اما الوثائق المهمه
الجواز - الاي توني - صوره بطاقه الاحوال - كرت العائله للمتزوج -قرار الابتعاث - اوراق القبول كامله ......
لا تنسون تأخذون نسخ لجميع الاوراق للاحتياط
حتى نسخه من تسديد السيفس والفيزا حتى يعوضكم فيها لما توصلون لمدينه الدراسه
ترسل النسخ لمشرفك .
غربه مبتعث امر برسلك على الخاص - إخوي إحساس مبتعث ماقصر لكن بالنسبه للشناط فالخطوط السعوديه تسمح بـ 32 كيلو للشنطه الوحده7 "
ومسموح لك بشنطتين فقط والمطارات الداخليه بأمريكا فأنا كنت على خطوط يونايتد فيسمحون بـ 50 باوند يعني تقريبا 25 كيلو
وأنا أخذو علي 250 دولار لإن شنطه حمولتها 55 باوند والثانيه 62 باوند
وترى بمطاراتهم الداخليه لايسمحون بإقتنائك السوائل بشنطتك مثل الكريمات والعطورات لإنهم راح يصادرونها منك
وأهم شي بالطياره بتعبون نموذجين يحتاجهم المطار وفيه نموذج بيقصونه المطار وبيدبسونه بجوازك قدام الفيزا
وأهم شي الأي توني i-20 لإنه هو بأمريكا يعتبر مثل جوازك وراح يختم عليه أمن المطار على الصفحه الرئيسيه منه
وأما الملحقيه فالصور الشخصيه مهمه وجميع أوراقك لازم يكون معاك منهم صور للأحتياط وبالنسبه لتعويض اللي على حسابهم الخاص لمى يلتحقون
فقالولي الملحقيه إنه تم إيقاف هالخدمه ولكن للأحتياط خلو كل شي معكم
والفندق اللي بيوديكم لمه باص الملحقيه سعر الغرفه فيه 86 دولار لليله الوحده سواء مبتعث وإلا على حسابك الخاص وممكن كل اثنين يتشاركون بغرفه
وهالأيام الجو ممطر في واشنطن مع بعض البروده للي ماتعودو على البرد والنهار مره طويل ولاتغرب الشمس إلا تقريبا 9 بالليل
وتوصلوووون بالسلامه يارب - الله يستر عليكم ياشباب ...7 "
تحية معطرة - الله يوفقكم .. وتووصلون بالسلامه يااارب7 "
1- فيش كهرب ( خاص لافياش امريكا )
2- توصيلة كهرب ( من 5 الى 10 متر )
3- محول كهرباء من 110 الى 220 ( كهرباء امريكا 110 فقط )
4- كيبورد خارجي او حروف الكيبورد باللغة العربية تحصلوه في مكتبة جرير او اي محل حاسب الى
( يمكن لاسمح الله يخرب الاب توب او ينسرق منك )
5- سي دي ( تعريب الوندز )
6- رخصة القيادة ( الرخصة الجديده )
7- جوال ثاني ( جميع الاجهزه في امريكا باللغة الاجليزية )
اممممممممممممممم ايش بعد .......... ايه ثوب + شماغ + طاقية + عقال .
بتوفيق .......