ضرووووووووووري بخصوص ما بعد التذاكر ؟؟؟ الوقت ضيق جدا ... ارجوا التفاعل

السلام عليكم

اخواني الطلاب

انا والحمد لله خلصت كل اموري في يوم السبت (امس) واخذت قرار الابتعاث وامر الاركاب والتذاكر

بس رحلتي ميب دايركت ,, فيها مرمطه شوي

من جده الى باريس يوم الثولوث الجاي الساعه 12:30 may 6,2009 ..., يعني يومين وبس

لان دراستي تبدأ في may 4, 2009 وانا اصلا متأخر وماراح اوصل للجامعه الا يوم الجمعه

وبعدين من باريس لواشنطن

وبعد كذا اروح لدترويت وفي الاخير بروح على كلمازو


المهم يا شباب ,, قبل الوصول لامريكا وش الاوراق المطلوبه مني ,, ووش الاشياء اللي لازم اسويها ؟


انا سمعت اني لازم اسجل جوازي في السفاره ..., كيف ؟
واذا رحت لواشنطن هل فيه اوراق اقدمها للمطار ..؟
والملحقيه الثقافيه وش يبوني اسوي فيها ...؟



اتمنى منكم التفاعل واتمنى اني القى اجابه شافيه

واذا كان فيه موضوع يتكلم عن هذا الشي حطوه لي الله يعطيكم العافيه

بعد التحيه والسلام:

نبارك لك صدور قرار الابتعاث وموفق خير انشاءاللة. موقع الملحقيه الثقافيه السعودية بواشنطن فيه تفصيل وافي بكل ما يتعلق بالاوراق المطلوب منك احضارها معك الى امريكا... وهنا رابط موقع الملحقية...
http://www.sacm.org/ArabicSACM/Default.aspx

شوف هالموضوع يمكن يفيدك

http://www.mbt3th.us/vb/forum8/thread97178.html

اقتباس:

---

المشاركة الأصلية كتبت بواسطة saudi_in_penn

بعد التحيه والسلام:

نبارك لك صدور قرار الابتعاث وموفق خير انشاءاللة. موقع الملحقيه الثقافيه السعودية بواشنطن فيه تفصيل وافي بكل ما يتعلق بالاوراق المطلوب منك احضارها معك الى امريكا... وهنا رابط موقع الملحقية...
http://www.sacm.org/ArabicSACM/Default.aspx

---

موفق انشالله والرابط مثل ماقل الاخ يفيد كثير ويشكر اخونا على وضع الرابط

اتمنى لك التوفيق والله يسهلها لك,,,
وبالنسبه لتسجيل الجواز وامور الملحقيه اطمنك ترى بس تاخذ منك يووووم واحد وان شاء الله تتيسر لك,,,

واي استفسار لا يردك الا الكيبورد,,,,

وبالتوفيق,,,,

انا ماسجلت الجواز ولاشي سهله كل شي بس بيغثونك من ٩الصباح لين ٦ الله يعينك حاول تنام وتريح وكل الامور سهله انت بيقابلك ابو مصره في المطار وبيقولك كل شي

. الف مليون تلرليون مبروك على قرار الابتعاث وهذي بعض التعليمات قبل السفر اتمنى تفيدك

1- التأكد من تطابق تهجئة الإسم باللغة الإنجليزية في جميع الوثائق التي يحملها الطالب، خاصة جواز السفر ، ورخصة القيادة وترجمتها والوثائق التي قدمها المبتعث للجامعة في أمريكا
2- التأكد من تطابق تاريخ ميلاد المبتعث ( التاريخ الميلادي ) في جميع الوثائق المذكورة أعلاه .
3- إحضار جميع الشهادات والوثائق الدراسية الاصلية للمرحلة الثانوية وكذلك صورة من دفتر العائلة وصورة بطاقة الأحوال المدنية وشهادات التطعيم إن وجدت .
4- التأكد من أن تهجئة الإسم باللغة الأنجليزية في ترجمة جميع الشهادات والوثائق مطابقة لجواز السفر.
5- الإستعداد بملابس ملائمة للطقس في موعد وصول المبتعث للولاية التي سيتجه إليها .
6- ضرورة إحضار صورة من الوصفة الطبية لأية أدوية يحضرها المبتعث.
7- عدم إحضار المنتجات الغذائية مثل الفواكه والتمور الطازجة ومنتجات الألبان .
8- التنسيق مع الملحقية لتحديد عنوان الفندق الذي سيتم السكن فيه عند وصولك لواشنطن.

منقوووووووووووووول

والله ونعم المنتدى ,,,

انا شاكر لكم التفاعل وودي اقدم لكم باقة ورد على بريدكم في بيوتك ,, بس ما اعرف العنوان ===> تصريفه

والله مشكورين على ها الجهد ,, اتوقع ان الصوره الحين صارت واضحه ===> اتوقع يعني نص ونص


تعليق بسيط على السكب

اقتباس:

---

المشاركة الأصلية كتبت بواسطة الـــســـكـــب

وبالنسبه لتسجيل الجواز وامور الملحقيه اطمنك ترى بس تاخذ منك يووووم واحد وان شاء الله تتيسر لك,,,

واي استفسار لا يردك الا الكيبورد,,,,

وبالتوفيق,,,,

---

اشكرك على مرورك
بس ما فهمتك هل يعني اسجل جوازي في النت والا اذا وصلت هناك ؟؟