امانه احد يجاوبني لو باختصار لان التفكير ذبحني !!!

سوف تفتح قريبا بعثات مرحلة الخامسة عليك بمتابعة الموضوع

اهم شيء اللغة فوق كل شيء يعني دور لك الان على قبول اللغة لو تبي على حسابك الخاص

لان الجامعات ماتعطيك قبول الا مشروطة بلغة فأول شيء لغة وانت تدرس راسل الجامعات مرة وحدة

ولو تبي بعثات مرحلة الخامسة الوزارة راح تعلمك من الا لف الى الياء وراح هي تجيب قبول للغة كمان

ونصيحة لا تستعجل من اللحين لو ناوي تقدم على المرحلة الخامسة كل شي خطوة خطوة

وعليكم السلام...

حاول توفر قبول لك و لزوجتك من نفس الجامعه أو على الاقل بنفس المدينه. بس الاول اختار الدوله اللي تناسبكم.
الافضل ان يكون القبول مشروط بدراسة اللغة في معهد نفس الجامعة.
لا تجيب طاري لعملك. حط قرار الابتعاث في يدك و بعدين يصير خير.

دائماً و ابداً استخير ثم استخير ثم استخير.

وفقنا الله و اياكم.

الله يوفقك ويوفق الجميع ان شاء الله

اشكرك يا فتاة كالجاري
لكن اللي اركز عليه الان هو موضوع المعهد والجامعه هل اجيب قبول قبل بدء المرحله الخامسه لزوجتي كمبتعثه وانا كمرافق او انتظر حتى بدء المرحله الخامسه وهم يوجهون بطريقتهم ؟؟؟

يعطيكي العافيه

SYSMAN
اشكرك ياعزيزي
لكن هل ابحث عن قبول ( معهد + جامعه )لزوجتي كمبتعثه مثلا وانا كمرافق قبل بدء المرحله الخامسه او بعد ماتبدأ وبناء على تحديد الوزارة لدولة الابتعاث لزوجتي ويصير وقتها ادور على قبول لي في نفس جامعة المحدده لزوجتي وكذلك المعهد ؟؟؟
هل من توجيه او تصحيح لكلامي يااخي الكريم؟
تحياتي لك

اشكرك جدا يااخت هنوف على هذا التفصيل
مشكلتي هي ان تفكيري مركز على المعهد والجامعه بالنسبة لي كمرافق يعني لو قبلت زوجتي كمبتعثه انه هل اجيب قبول لجامعه ومعهد قبل او بعد قبول زوجتي ؟ لان اللي فهمته ان الوزارة راح تحدد بلد الابتعاث يعني ماينفع ابحث عن قبول جامعي الا بعد بداء المرحله الخامسه !!! صح والا انا غلطان ؟؟؟

تحياتي

شوف اخوي ...في البدايه خلك في دوامك و لاتجيب طاري ابد ...لين يحصل القبول و مشيت في الموضوع و موباقي شي غير السفر ....اما من ناحية المعهد و القبول الجامعي تقدر تجيب لك من الحين بس الوزارة بعد بتجيب لك ان شاء الله بعدين

بس وظيفتك لا تجيها ابد ولا تفكر فيها ...خلها تقدم في البرنامج وبعدها تابع الموضوع و ابدا خطوة خطوة ....و ماراح تتوهـ
لا تحاتي و تاكل نفسك من الحين ...و انصحك ياخوي لوجه الله ...هالموضوع لحد يدري عنهـ لين يصير ...
يقول الرسول عليه الصلاة و السلام فيما معناهـ استعينوا في قضاء حوائجكم بالكتمان ...و الناس ماتخلي احد هذرتها واجد...

سو الله يوفقك تروى و الله يتمم لكـ يارب ..

الله يوفقكم ويسهل اموركم ..
ما شاء الله الاخوات كفوا و وفوا و ما عندي شي اضيفه ..
بالتوفيق يارب

الوزارة ما تحدد بلد الابتعاث انت اللي تختار البلد اللي تبغاه

هذا اللي صار لي انا لكن ما ادري عن التقديم الحين هل اختلف او لا

الوزارة راح تجيب قبول لغة وقبول جامعي لزوجتك لكن كندا لا يعطون قبول لغة فقط وهذا اللي وهق كل الطلاب اللي هنا لانهم جو بقبول لغة وصصصصصصصصصعبه انك تحصل قبول ماستر خصوصا انه انت ولزوجتك في مدينة وحده وهذي المشكله اللي الحين انا اواجها مو قادرة الاقي مدينه فيها جامعه قبولها سهل وفيها التخصص اللي ابغاه ونفس الشي جامعه فيها تخصص لزوجي ويكون قبولها سهل من جد معادلة صعبه

علشان كذا انا اقول لك ابحث من الحين على مدينة فيها جامعات مناسبه لك ولزوجتك في كل من كندا او امريكا او استراليا او بريطانيا اذا كان الابتعاث فيها مفتوح

وخل اسماء هذي الجامعات عندك في المفضله

بعد ما تقدم زوجتك وتنقبل باذن الله على طول قدم على الجامعات
ولو جابت الوزارة قبول لزوجتك وكانت الجامعه ما تناسبك بيكون عندك قبول ثااني في جيبك هذا اذا كنت تبي الوزارة تجيب قبول
لكن زوجتك لمى تنقبل تقدر تقول للوزارة مالكم دخل انا راح اجيب قبول وعادي راح يوافقون بس ما تتاخر عليهم

اذا اخترت كندا انتبه ان معدلك ومعدل زوجتك لازم يكون عالي يعني فوق 3 من 4 او فوق 4 من 5