الحمدلله اني على الدين الحق
وانت اذا ماتربيت ياابواحمد اربيك انت والانقليزي اللي فوق
يالله انا من جـود حسنـاك طالبـك
عفوك ومدك حيث مانتب بخيلـي
يـاالآدمـي دنـيـاك هـــذي تـعـذبـك
لوطـفـت فيـهـا مالقـيـت الدليـلـي
كـلٍ علـى مذهـب إمامـه يخاطبـك
يبيـك مــن زايــد ذنـوبـه تشيـلـي
الى عصيت أهل المذاهب تعاتبـك
كـلٍ يقـول أبيـك يمـي تـجـي لــي
لو أنتحيت بعيـد بالسـوط تطلبـك
وكـلٍ بصاعـه مـن ذنوبـه يكيـلـي
أحدٍ يصحـح لـك حديثـه ويرهبـك
واحـدٍ يقـول الحـق عنـدي نزيلـي
وحـدٍ يخيفـك فـي كـلامـه ويـدبـك
ابليس يضحك له وهو مستشيلي
النـاس عوجـان المناطـق تكذبـك
وعن الصحيح الكذب معهم بديلي
إن مارضيت بقولهم نتف شاربك
وتكبـر ذنوبـك لـو غناتـك تهيلـي
ناسٍ على درب الفضيلة تحاربـك
وعلى دروب الشـر تهـذل هذيلـي
دروبهـم عسـرات عـوج وتتعـبـك
ماتسـتـوي لــك لا ولا تستويـلـي
ينبيك عن دنياك ماضـي تجاربـك
وعزي لحالـك كـان عرفـك قليلـي
اتبـع نبيـك واتـرك اللـي مجنـبـك
واقضب مماشـي سنتـه لا تعيلـي
اللـي بغـار الثـور للـرشـد ينـدبـك
وأبوبـكـر عـنـده نـديـم وخلـيـلـي