معلومات مبسطة عن خدمات الاتصالات في أمريكا (للجدد)

بصراحه انا استفدت من موضوعك كثير ومن كميه البيانات اللي افدت فيها الجميع خصوصا الجدد مثلي

بارك الله فيك يالغالي وجعله في ميزان حسناتك ونفع فيك ان شاء الله وكثر الله من امثالك

السلام عليكم
انا انشالله شهر 1 يبده كورسي لغه
بسان دييغو ستيت يونيفرستي
قريت الموضوع بس في جم شغله مافهمها
انا ناوي اخذلي AT&T
لاني بقعد 6 سنين تقريبن
ابيها تكون شابكه 24 ساعه لان عندي ايفون
ومسجات ويدق طبعا
الي مافهمته منك
ان هل هالخط مايدق دولي
يعني مايدق عالكويت وهل ىتكون نفس تكلفتها بامريكا
ولا لازم اشتري كرت ثاني؟
---
وشلون عالنت
انا ابيه يكون مثل الخط
يعني اي مكان معاي
او يكون بالشقه بس ابيه يكون حيل سريع
ويصير اكثر من شخص يستخدمه؟
وياريت تعطينا ايميلك عشان نسألك أكثر
ويعطيك العافيه وايد والله

دنهل.. انا سعيد جدا جدا اني قدرت اخدم وافيد وجزاك الله كل خير على الدعوات الطيبه الله يجعلها من نصيبنا ونصيب جميع المسلمين...واسال الله لك التوفيق في جميع امورك..

وعليكم السلام اخوي فيصل...

بالنسبة للاتصال الدولي عن طريق AT&T:
من هذه الشركة طبعا تقدر تتصل دولي لكن المشكلة في السعر راح يكون مرتفع جدا بالمقارنه لما تتصل باستخدام بطاقة اتصال.
مثال:
تقدر تحط دولة الكويت (جوال) وتشوف السعر لشركة AT&T بالضغط هنا

وبالمقابل تقدر تحط نفس الدولة وتشوف السعر للشركة اللي انصح بها الى الان STARFONE بالضغط هنا

وبمقارنه ع السريع راح تلاحظ فرق كبير في السعر.
تفصيل:
سعر المكالمة للكويت (جوال) مع AT&T يكلف تقريبا 2.73 للدقيقه . وبالمقابل نفس الخدمة من الشركة التانيه يكلف تقريبا 0.109 للدقيقه.
بمعنى:
2.73 (سعر AT&T) ناقص 0.109 (سعر STARFONE) يساوي تقريبا 2.61 دولار اضافيه لكل دقيقه مع AT&T
لذلك:
الخيار واضح..

بالنسبة للانترنت في الاي فون من شركة AT&T:
AT&T عندها خدمة الانترنت المفتوح عن طريق "الجيل السريع" او "3G" والسعر في الشهر هو 30 دولار اضافيه للباقة علاوة على سعر باقة المكالمات اللي مختارها (اقل باقة مكالمات ب تقريبا 60 دولار في الشهر)

بالنسبة للايميل:
مااعتقد اقدر احط الايميل هنا (اعتقد القوانين في المنتدى ماتسمح) ولكن انا ان شاء الله باكون موجود هنا على قد مااقدر عشان افيد جميع اخواني واخواتي..

اتمنى اكون اعطيتك اجابة كافيه واذا احتجت اي شئ انا في الخدمة... اتمنى لك التوفيق في دراستك وكل امور حياتك يارب...

ماشاءالله عليك والله معلوماتك افادتني كثير و احس ان انظمتهم معقده بس مع كذا ماشاءالله عليك بتتعب و تشرح كل شوية ربي يسعدك , انا قريت كل شي الى صفحة 6 ,و مستمرة اقرا وان شاءالله لمن اخلص كل الصفحات اكون فهمت تمااااام و صرت زيك خبرة
الله يوفقك ويسعدك على طولت بالك

موضوع مفيد جدا ... كثر الله من امثالك ...
شخصيا مرتاح نفسيا مع شركة فيرايزون ... طبعا مهوب عن تجربة لكن من متابعة أخبار من بعيد لبعيد ...
Verizon Wireless

يعطيك الف عافية يالغالي بجد موضوع مهم

الله يجزاك خير ياسليمان..

بالنسبة للشركة اللي قلت عليها ..صح كويسه لكن فيها مشكلة وهي ان جوالاتهم ماتستخدم شريحة يعني لو بعد فتره ان شاء الله رجعت السعوديه او شئ ماتقدر تستفيد من الجوال ابدا (مافي مكان للشريحة في الجوال اصلا) بالاضافة جوالاتهم ماهي الافضل بين الشركات ..وافضل الشركات بالنسبة للجوالات وحداثتها AT&T

اتمنى اكون اعطيتك وصف سريع عن الشركة والله يكتبلك الخير مع اي شركة والمسلمين....

ابو مشاري ... شرفتني بمرورك واتمنى لك التوفيق في كل امور حياتك يارب..

سعيدا جدا اني قدرت اخدم الجميع هنا والله يكتبلنا ولكم والمسلمين كل خير يارب..

وحتى لو شئ مافهمتيه او صعب عليكي انا موجود وياريت تسالني لاني ابا الموضوع يكون واضح للجميع...

واتمنى يارب ان "الامور تزبط معاكي وتسافري" ياارب...