فزعتكم ياشباب جورج تاون والا برنستون ... لا تحرمونا من خبرتكم

اسعد الله اوقاتكم
انا حاصل على قبول معهد اللغة في جامعة جورج تاون وعندي الخيار اني اسكن في فرجينيا ..ولكني ماحب زحمة العرب ...
وقاعد افكر في جامعة برنستون في ولاية نيوجرسي ..
وهل جامعة برنستون فيها معهد لغة أم لا ؟... وكيف قبولها للماستر علوم سياسية بعد ما اخلص اللغة
تنصحوني فيها ...؟ او في جامعة جورج تاون؟؟؟
والي عنده معلومات عن جامعة فيرلي ديكنسون في نيوجرسي ايضا يفيدني .........
الله لايهينكم افيدوني لاني في حيرة من امري ,, وفقكم الله لما يحبه ويرضاه

افى ليش انا حظي كذا
كحد يرد علي
ردوا لاتبخلون عسى التوفيق فالكم

بالنسبة لـPrinceton University مافيها مـعهد لـغـة.

وأما جامعة Fairleigh Dickinson University ففيها مـعـهد لغة , وهو فرع لسلسة مراكز ELS

أظنه من المبكر جدا انك تحتار , إذا حصلت على قبول من كلا الجامعتين بالإضافة لجورج تاون ساعتها أنت بالخيار

لكن الآن , لا تحاول تخلي نفسك في حيرة , لأن القبول مو سهل أبدا في جامعات عريقة كجورج تاون أو برينستون

الله يجزاك خير اخوي ممدوح
وماقصرت لكن ودي لو تفيدني واعذرني لو كلفت عليك
انا بعثتي من جهة عملي ومطلوب مني في البداية اجيب معهد لغة فقط ولما اكون في امريكا اتواصل مع الجامعات في الولاية اللي انا فيها ومن ثم ادرس ماجستير في العلوم السياسية (علاقات دولية - او دبلوماسية عامة-أو منظمات دولية) ولدي خبرة في مجال عملي لاتقل عن خمس سنوات ودبلوم عالي في تخصصي بعد الجامعة.
تنصحني اتوجه لأي ولاية التي تفيدني في دراستي للغة والماستر وسكني ؟ .. مدينة واشنطن دي سي.... او نيويورك... أو لوس انجلوس لانني ويعلم الله محتار وين اتوجه وانا متزوج وعندي طفل رضيع
انا ابغى احد ينصحني
جزا ك الله خير وكل من يمدني بالعون والمشورة انتظر ردك

تـوكّل على الله واسـتـخـير ربّك واطلع على Washington D.C . .

من أجمل وأروع مُـدن أمـريكا , ومـزايـاها لا تـعـد ولا تـحصى ,

ويـعيبيها فـقط الـغـلاء , ولكن هذه العقبة بالإمـكان تـجاوزهـا . .

جزاك الله الف خير
واشكرك لسعة صدرك وتجاوبك .. كم انت رائع
بود ي بس اعرف انت رجحت كفة واشنطن دي سي من بين الخيارات هل من ناحية (جامعاتها+ السكن في فيرجينيا مع انه حسب ماسمعت ان نسبة العرب مرتفعة فيها ومساوية لنيوجرسي بالسكن والمعيشة)ام ماذا ياعزيزي..
يعني افضل من (نيويوك - نيوجرسي) ..او. لوس انجلوس من اي نواحي ؟
تحياتي
ايها المنقذ بصراحة.. جزيت خيرا

ترجيحي لكفة واشنطن دي سي تم بناء على عدة اعتبارات منها قـوة معاهد اللغة فيها مقارنة بالولايتيين الآخريين ..

جامعة جورج تاون وجورج واشنطن من العشرة الكبار في تخصصك الذي ذكـرت

نسبة الأمان أعلى في العاصمة من نيويورك ولوس انجلوس . .

تواجد السفارة والملحقية الثقافية السعودية . .

مناخ واشنطن دي سي يروق لي كثيرا . . .

نسبة العرب لم آخذ بها في عين الإعتبار لأنها غير مهمة حقيقة , وكثرة العرب وقلتهم ليس لها علاقة بالطالب ودراسته لا سلبا ولا إيجابا . .

وأخيرا , تذكر عزيزي باحث أن مسألة تفضيل الولايات والمدن بعضها على بعض هي مسألة تقديرية بـحتة , واختلاف وجهات النظر واارد جدا.

بـاركـ الله فـيـك

لا أجد إلا أن اشكرك اخوي ممدوح على إضاءاتك ومشوورتك...
باك الله فيك ... وكثر من أمثالك..
في الحقيقة كلامك ايجابي ويحمل جانب مهم ويؤخذ في الحسبان ...انشاء الله
ماقصرت ياعزيزي... تسلم