احذروا شركة الشحن هذي من امريكا للسعوديه
الى كل طالب وطالبه مغتربه ..
كل منا يحتاج التنبيه من الشركات النصابه في امريكا ..
القصه حقيقيه وليست من نسج الخيال..
صديقه لي ..على مشارف التخرج وبدات رحلة البحث عن شركة شحن عشان عندها كم كرتون بترسلهم للسعوديه بيكون ارخص لها ...لان الطيران الداخلي لايسمح للمافر الا بشنطه وحده وبوزن معين ..وتعرفون عاد كلن بيرجع لاهله محمل بالهدايا غير الاغراض الشخصيه ..
مااطول عليكم القصة ..مع البحث الطووووووويل حصلت على شركه واللي رد عليها شخص عربي ..(من فلسطين)
قالت بس هذا اللي بيفزع معاي ...وعلمته ان عندها كم كرتون وتبي تشحنهم للسعوديه ..قال سهله ..والي خلاها تنبسط اكثر انه يرسل DHL عشان ياخذون الكراتين من موقع السكن ..يعني راحه تااامه ..
جهزت الاغراض ووصلو الDHL بعد يومين من المكالمه..قالت والله هذا مرررره مافيه زيه ..
وسالت متى بتوصل الاغراض السعوديه ..قالها بنرسلها على الشحن السعودي وتستلمينها من هناك خلال 4 ايام الى اسبوع ... واااااو ..ماصدقت وقالت انا بخلي اهلي يستلمونها لانها يمكن توصل قبل ماوصل السعوديه ..
بعد ما اخذ الاغراض قالها المبلغ تقريبا ا2500$ ...مع ان المبلغ مو شوي بس قالت اهم شي توصل سليمه ..
الي صــــــــــــــــــــــــار:bawl:
راحت سافرت صديقتي السعوديه ووصلت لاهلها وانبسطت ..وصاروا البزارين يسالون وين هدايانا ..
بدا التساؤول هنا ..وكلمت هالشخص نفسه وقال ان مافيه رحلات للسعوديه حاليا وان طيارات الشحن ملياانه ..:confused1:
قالت يعني متى بتوصل قال قريب مع اول طياره ..لاحظوا انها مرسلتهم من اول ديسمبر وهي راحت اخر ديسمبر ..
واستمت الاتصالات ..وكل مره يقولها مالقينا طياره ..
قالت مافيه الا اتصل على شحن الطيران السعودي واسالهم ..والمفاجاه يوم اتصلت قال لها ان الطيران يطلع كل يوم ولو مرررره زحمه بيكون وقت الحج ولكن اقصى تاخير بيكون 3 ايام ..
المهم ماطول عليكم القصه ..وصلت هالاغراض بعد شهر ونص ....
والبوكسات البلاستيك اللي مرسلتهم ينقال عشان تحافظ على الاشياء القزاز اللي فيه ..متكسررررره واللي داخل متكسر..والصور موجوده وشفتها بعيني..من جد قهرررررررر
يوم كلمت هالشخص اللي اسمه ايمن ..الفلسطيني صاحب شركة الشحن كل هالفتره مايرد عليها وترسل ايميلات ومطنشها ..يوم رد مره قالت له على السالفه قال مو مني التاخير من الخطوط والاغراض المتكسره مسئوليه السعوديه ..يعني قطها على الخطوط السعوديه ..وماتدري هي من الخطوط ولا من DHL
القصـــــــــه ماخلصت ..اكتشفت ان فيه كرتون ماوصل ..ويوم اتصلت على هالفلسطيني قالها ..وهو متلعثم ان DHL
مضيعينه ..ومره ثانيه قالها انتي مادفعتي حق الكرتون هذا ..وصار بينهم نقاااش ولكن كان يتهرب ..
والمشكله انها بالسعوديه وهو بامريكا يعني مابيدها حيله ..
وصاااااارت تتصل وتحوس لمده شهوووور ورجعت امريكا بعد اجازتها السنويه ..ومازال البحث مستمر ..
ماتتخيلوووووووووون انا من جد انقهرت ..واتصالات من هنا وهناك وعلى نفس هالفلسطيني ..وبالنهايه قال الكرتون يمكن بالمستودع الكبير ..واتصالالالالالات وقهههرر ..
واللي يقهر زوووووود ان هالكرتون خاصه ف
كل اللي فيه اغراض جديده وغااااااااااليه ..
وطبعا حجمه اكبر كرتون من عند U HELL
ويوم كلمت DHL وارسلت ايميل ان الاغراض تقر يبا تكلفتها 5000$ دولار
فجاه كلموها بتاريخ MAY 31
وسبحان الله طلع فجاه ولقوه :jump:
انبسطططططططططت وعطتهم العنوان ..وصل الكرتون بتاريخ JUNE 1
لاحظوا السرعه ..ولكن لالاسف ..حجم الكرتون تغير..وصار الربع ..يعني مغيرين الكرتون
ونص الاغراض مسروقه ..يعني لقت من الجزم ..الله يكرمكم ..وحده ..واغراض من فكتوريا سيكرت كلها جديده تكلفتها تقريبا 600$ مهيب موجوده ..
ملابس الجديده اللي شاريتها ماركات معينه مالقتها ..لقت بعض الملابس المستخدمه..والباقي لقت وحده والثانيه مهيب فيه
ترا السالفه حقيقه ..ومن القهر كتبتها ..بس ابي رايكم فيها ولا وشلون تتصرف
انا قلت لها كلمي محامي ...
تخيلو 6 شهور عشان كرتون يوصل ..وخلاها تدفع عليه 200$ عشان يوصلها يوم رجعت امريكا ..
وبالنهايه ثلاث ارباعه مسروق واللي وسخ ..طبعا شكل الكرتون متنتف ..والاشياء اللي فيه طايحه بالالارض
لكن لاجـــــــــــــــــــديد ..
وهذي اسم الشركه
Aiman Toubeh
V.P. Air Freight
Universal Express International
http://www.HomeShipping.com
14930 S. Figueroa Street
Gardena, Ca 90248
( 310-243-2900 x 104 7: 310-243-2905
Cell: 310-819-0764 *(تم حذف الإيميل لأن عرضه مخالف لشروط المنتدى)
وموقعها بكالفورنيا
رد: احذروا شركة الشحن هذي من امريكا للسعوديه
الله يعطيك العافيه على التنبيه ومثل هالأشياء المهمه يفترض على الشخص يشيلهم معاه
أو يتعامل مع شركات كبرى مثل فيديكس و dhl والله يعوض عليها يارب
وإذا كانت الأغراض محصوره بالأوراق فنصيحتي لها تشتكي عليهم بالدلائل
وبالعكس في الغربه لاتثقين بالشخص العربي وخصوصا فلسطين والعراق ومصر وماجاورهم
وليس كلهم ولكن الأغلبيه وأنا قابلت بالأمس عائلتين عراقيه بغو يأكلوني يوم عرفو إني جاي على حسابي
وقالو هالديره مره غاليه وحسو إني كنز يمشي مادرو إني إنتظر الإلحاق الله يسهله يارب وهذا سبب إبتعادي عن العرب
رد: احذروا شركة الشحن هذي من امريكا للسعوديه
انا ماني عارف ايش اقول بصراحة
اللي اعرفه انه في الغربة الواحد يحن لابناء بلده .. واذا مالقي منهم احد وشاف واحد عربي من اي جنسية فرح ... بس بعد الحكايات هذه والقصص اللي نسمعها .. لا احد يثق الا من ابناء بلده فقط الا ما رحم ربي
والله انقهرت ... خاصة لما عرفت اني عربي وانه من ...............
بس وين بيروح من ربنا
وشكرا غريبة على المعلومات هذه عشان الواحد ياخذ احتياطاته ... يصير بعد كذه ما يتعامل الا مع الشركات الكبيرة زي ما قال اخوي kasr أو اتعامل مع الاجنبي اصرفلي من دول اللي محسوب عليهم انهم عرب ومسلمين ومافيهم من فعايل الاسلام شئ
انا استغرب صراحة ... البلاد الغير مسلمة فيها اشياء كثير حلوة ... يعني مو ناقصهم الا الاسلام فقط ... واحنا هنا مسلمين قلك ولاخلاق والافعال زي مانتو عارفين
الله يعوضها خير يارب
ومشكورة على التنويه
رد: احذروا شركة الشحن هذي من امريكا للسعوديه
افضل شي الواحد يعامل مع شركات عالميه مثل ups و فيدكس
رد: احذروا شركة الشحن هذي من امريكا للسعوديه
Thanks brother for this subject i wish that will help our friends