من المهم جداً للجميع ان يبدي رأيه لإفادة الجميع

السلام عليكم ورحمة الله وبركاته ...
تحية طيبة لكم يا اخواني انا بقولكم الفلم الهندي اللي حصلي في السفارة لكن بعطيكم بعض المعطيات اللي تخليكم تستغربون مني

أولاً

1) جاني قبول من جامعة الله يعلم اذا كان الوزارة بعترفون فيها ولا لا الجامعة الله يحفظكم اسمها capital unversity في ولاية أوهايو مدينة كولمبوس وكل ما قلت لأحد من الشباب قالي اول مرة اسمع فيها .


اعطوني معلومات ونصايح عنها تراني من جد محتاس هل هاذي سبب تأخير الإبتعاث ولاكيف ؟


ثانياً

سويت عملية خذوه فغلوه وطنشت بالوزارة عملت موعد بالسفارة وجاني الموعد اللي هو امس وصار اكبر فلم بالعالم بتاريخ 24/3/1427هـ اول شي سأل قال وين خطاب التوصية من الوزارة قلت خذ قال لا مو الضمان المالي قلت كيف بعدين قال اوكي روح سوي المقابلة رحت سويت المقابلة وقالت خلاص ناقصك بس ورقة التوصية قلت طيب عندي ورقة الضمان المالي قالت هاته قالت الحين اوكي لكن بعد في شي ناقص هو التسديد عن طريق النت غير اللي داخل الوزارة قلت اوكي ختمت على الجواز (application recived وقالت لي انت جاهز للذهاب لكن فقط جيب الورقة من النت يعني حسيت اني مرتاح لكن نسيت ما أخذت صور للآي تونتي حتى هم أخذوه وعطوني ورقة صفراء اللون مطلوب فيها بس دفع السيفيس لكن العلة في

السوال
1)هل هناك اي مشكلة مع الوزارة في حالة حصولي على التأشيرة و لاعطوني خطاب التوصية ؟:gr_896:

2) هل اموري تمام بعد الشرح بخصوص الضمان المالي اللي يبونه بالسفارة يعني هل سوف أحصل على التأشيرة فقط عند احضار المطلوب ألا وهو دفع السيفس من النت؟

3) اذا جبت الورقة من النت كيف اطلب تصوير الآي تونتي حقي أكلم مين يعني لأنه ضروري احصل على نسخه؟ مادام انا بسلم النواقص هل سيدخلوني داخل او عند غرفة الإستقبال؟

4) في حالة حصولي على التأشيرة ورفض الوزارة للجامعة كونها غير موصى بالتخصص هذا مع انها في القائمة الموصى بها وهل يتطلب إجراء ثاني مع السفارة بحيث تطول المدة وتغيير التأشيرة عشان جامعة ثانية ؟ :gr_908:

سويت لنفسك فلم هندي ...........منت معترف بالوزارة ولا عجبتك الخطوات ومسوي البعثة على مزاجك:gr_876: , والله يا أنت مخربها من جد......ولكن انا ماعندي خلفية عن موضوعك لاني اول مرة اسمع بالخطوات اللي انت سويتها......بس ما أقولك الله يوفقك ويسهل امورك......
السفارة+الوزارة+الجامعة= 5 شهور تقريبا

طيب أريد حلاً يا شباب يعني أكيد في أحد من هينا مر بالمعضلة هاذي

تحية طيبة

ليس علم اكيد بمثل هذا الموضوع لاني ما جربت بصراحة ولكن سمعت من بعض الشباب واكيد الموجودين في الملتقى سمعوا بالذي سمعت فيه...... ولكن ساقول كلامي هذا من باب التطمين وليس الراي الاكيد
بالنسبة لحصولك على فيزا من دون خطاب، هذا حصل لاكثر من واحد وانتهت اجراءاتهم، خاصة ان شباب كثير تناقلوا (ان المسوؤلين في الاتبعاث في الوزارة كانوا يقولون الخطاب لتسيهل الاجراءات وليس مهما،،،، المهم الحصول على الفيزا باي طريقة) واعتقد انك انهيت مسالة الفيزا يعني تجاوزت الخطاب الا اذا (نشب فيك واحد في الوزارة الله لا يقولها)

لازم تدفع السيفيس واحمل معاك الضمان المالي من باب الاحتياط (والظاهر ان عندهم نسخة منه) بس احمله معك

بالنسبة للحصول على نسخة من الاي تونتي ما اعتقد انك تحتاجها (حسب ما افهم من الشباب ) ان السفارة راح تعطيك ظرف مغلق وفيه معلومات الدارسة وغيره وما يفتح الا في مطار واشنطن من قبل رجال الجمارك، واتوقع ان الاي تونتي راح يكون في الظرف....... واحسن شي لما تروح السفارة تسالهم.....
مسالة انهم يدخولك داخل او عند الاستقبال اتمنى من الشباب اللي مر في مثل هذا الظرف يفيدك.....
بالنسبة لرقم اربعة تاكد من وجود الجامعة في موقع الوزارة (الجامعات الموصى بها) واذا ما شفتها حاول تقنع المسؤولين في الوزارة........ واذا ما نفع حاول تجيب لك قبول قبل انتهاء مدة الفيزا.... واتمنى لك التوفيق

السلام عليكم
أخوي إنت كان لازم قبل ما تروح تعمل نسخ من جميع أوراقك_____________________________________((1
كمان كان لازم تسدد
السيفيس __________________________________((2
بالنسبة لقرار الإبتعاث
حالياً الوزارة ما تعطي القرار عادي خذة لمن يفتحو
وما أتوقع في مشكلة لأنك أخذت الفيزا بدون خطابهم
وسدد السيفيس
الآي تويني بيرجعوة لك لأنك محتاجة عشان الوزارة أحسن لك أطلب صورة آي تويني مرة ثانية من المعهد بسرعة قبل ما تفتح الوزارة ((قلهم بدل فاقد-سفارتكم أحتجزتة أي شي)
وكدة تقريباً ماشي الحال
أرجو الإفادة
وربنا يوفقك

السلام عليكم ورحمة الله وبركاته .... أما بعد



أتوجه بالشكر الجزيل لكل من ساهم بالرد على موضوعي وأخص :

مسافرة

shuja3

fast 100

الله يوفقكم لدي فقط استفسار صغيروووون :gr_929:

1) هل الآي تونتي ضروري للوزارة بعد حصولي على التأشيرة ؟؟

2) هل بإمكاني تغيير الجامعة بعد حصولي على التأشيرة في حالة عدم قبولها من الوزارة ولو في لاحقاً؟

تحية طيبة

لا شكر على واجب،،،، والمتلقى من اجل ان نستيفد من بعض

شكلي راح اصير مفتى الديار في هذا الرابط ارجوا انك تتحملني.....
طبيعي الاي تونتي ضروري (والله اعلم) بس اهم شي خطاب القبول من الجامعة واللي يجي مع الاي تونتني اكيد تعرفه
بالنسبة لتغير الجامعة حاول تجيب قبول من جامعة معترف فيها من الوزارة احسن ما توقع هذه الوقعة
خاصة ان الفيزا مقيدة بعنوان الجامعة حسب ما يقولوا الشباب
وبالتوفيق