الأعضاء الإشتراك و التسجيل

الملتقيات
ADs

ولاية الينويز

ولاية الينويز


NOTICE

تنبيه: هذا الموضوع قديم. تم طرحه قبل 4085 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية فتى يام
    فتى يام

    مبتعث مستجد Freshman Member

    فتى يام الولايات المتحدة الأمريكية

    فتى يام , ذكر. مبتعث مستجد Freshman Member. من الولايات المتحدة الأمريكية , مبتعث فى الولايات المتحدة الأمريكية , تخصصى studint , بجامعة DePaul
    • DePaul
    • studint
    • ذكر
    • chicago, IL
    • الولايات المتحدة الأمريكية
    • Nov 2006
    المزيدl

    November 14th, 2006, 09:12 AM

    اكبر مدنها هي مدينة شيكاقو، بيوريا،سبرنغفيلد.و يطلق علا الولاية ارض لنكن بحكم انها مسقط راس احد اهم الشخصيات في تاريخ امريكا و هو Ibraham Lincoln
    منقول<<<<<<<<<<<<<<<


    شيكاقو:ااه يا شيكاقو
    يطلق عليها Windy City و ترجمتها الحرفيه معناها مدينه الرياح.لكن المعني الصح لها هو ان اهل شيكاقو عندهم حب كبير لمدينتهم و لا يرضون احد يتكلم عنها.لذلك يضنون انها فوق السحاب و باقي المدن تحتها.ايضا يطلق عليها Chi Town.طبعا عدد سكان شيكاقو بضواحيها يجي حول ال 8 مليون نسمه.لكن مدينه شيكاقو لوحدها امكن حول ال 4 مليون نسمه.

    شوفوا صور شيكاقو.
    http://www.city-data.com/city/Chicago-Illinois.html

    داون تاون شيكاقو يعتبر لوحه فنيه رسمتها ايدي المهندسيين المعماريين اللي ابدعوا في ناطحات السحاب.يعتبر فيها افضل و اجمل ناطحات السحاب.يكفي المنظر علا بحيرة ميشغان. حيث يقع عليها اطول عمارة حاليا في امريكا و هي Sears Tower و اللي تقريبا طولها 110 ادوار.في الدور الاخير متحف و مكان زي للزيارة تستطيع انك ترا فيه شيكاقو.من كثر ارتفاع العماره، و انت علا الدور الاخير تقدر تشوف حدود اربع ولايات و هي طبعا الينوي، انديانا،ويسكناسن،و ميشقان..تخيلوا رابع اطول عمارة في شيكاقو ارتفاعها 97 دور و هي John Hancook Tower

    مدينه شيكاقو،الداون تاون حقها اللي هو المركز الاقتصادي يسمي ال Loop و هو يعتبر المنطقة السياحيه فيها بحكم موقعه علا بحيرة مشيقان.حيث فيها اشهر شارع تجاري و هو Michigan Avenue اللي يقع قريبا منه اهم مزارات شيكاقو.

    طبعا مدينة شيكاقو تعتبر من اغلي مدن امريكا بحكم موقعها و مكانتها التاريخية.

    المدينة نوعا ما خطيرة لكن في ضواحيها الجنوبية بحكم انه معظم سكانها هم من الفقراء سواء كانو الامريكان الافارقة او المكسيكان.

    لكن شمال شيكاقو و وسطها نوعا ما مقبوله.انا رحت شيكاقو اكثر من 8 مرات.و لله الحمد ما عمري صارلي ولا شي.بس طبعا الحذر واجب.

    جوها في الصيف جدها بديع.يعني الحراره ما تزيد عن 27 درجه.لكن شتاها شتا.يعني الحراره تنزل حول ال ناقص 8 درجات.و في فترات طويلة تكون المدينة مغطاه بالثلج.لكن فتره و الواحد يتعود علا البرد

    طبعا مدينه شيكاقو مربوطه بشبكه من القطارات السريعة و الباصات.يعني الواحد هناك ما يحتاج ياخذ سياره في البدايه لانه صعب يحصل موقف.و معظم سكان شيكاقو يسكنون في ضواحيها و يركبون القطار اللي يوصلهم الا اصغر زقاق في شيكاقو.
    نصيحتي لطلاب شيكاقو ان لا يشترون سيارات في البدايه.و يتعتمدوا علا المواصلات العامه.

    طبعا جامعات شيكاقو تعتبر من اقوي و ا عرق الجامعات

    University of Chicago
    ترتيبها بين الجامعات الامريكيه رقم 15.جامعه خاصه و نظامها الدراسي نظام اربعاع وليس اترام. عدد طلابها تقريبا 4500 طالب.و تقع في الجهة الشماليه الشرقيه من شيكاقو و قريبا من بحيره مشيغان.


    University of Illinois-Chicago
    جامعها متوسطه عدد طلابها حول ال 19 الف طالب.تقع في وسط شيكاقو و هي قريبه من منطقة ال Loop.
    موقع الجامعه

    Illinois Institute of Technolgoy
    معهد تقني ترتيبه رقم 97 و عدد طلابه حول ال 2500 طالب. يقع في وسط شيكاقو قريب جدا من بحيرة شيكاقو.يعني موقع جدا حلو.هو قريب ايضا من Grant Park اللي تعتبر من اكبر حدايق شيكاقو.

    هذي موقع الجامعه.


    طبعا الاخوان اللي ناويين يدرسون في شيكاقو.انا اشوف افضل يبعدوا عن السكن قريب من منطقة ال Loop اللي هي وسط شيكاقو لانها جدا غاليه.يعني اذكر شقه غرفه وحده هناك تجي حول 1000 دولار شهريا.افضل شي روحوا اسكنوا في الضواحي و اركبوا القطار ولا الباص يوميا.يعني اللي عايشين في الرياض ولا جده ما عندهم مشكله متعوديين علا ضرب مشوار 40 دقيقه يوميا.

    طبعا مدينة شيكاقو انا اشوف فيها ثاني اكبر جاليه اسلاميه بعد ديترويت.اصلن سواقيين التكاسي هناك كلهم مصريين ولا صوماليين.فيه شارع اسمه كيدزي في شمال شيكاقو هو حي المسلمين.قهاوي و مطاعم عربيه.كانك جالس في خان الخليلي في مصر ولا علا الكورنيش في جده.الناس هناك كلهم عرب.طبعا في عدد كيبر من المساجد في شيكاقو.يعني الواحد ما يخاف هناك تضيع عليه الصلاه.امكن في كل منطقه في مسجد هناك.

    طبعا ما يحتاج اتكلم عن ا لاسواق هناك لانه صراحه في التسوق مافي زي شيكاقو.في ضاحيه شمال غرب شيكاقو حول ال 35 دقيقه اسمها شامبرق. فيها مول من اكبر مولات امريكا.مول جدا ضخم يعني امكن 4 مرات اكبر من الراشد ولا سوق حراء "لاهل جده".

    مدينه كاربونديل.
    هي مدينه جامعية صغيره عدد سكانها امكن 40 الف نسمه.عدد طلاب الجامعه حول ال 20 الف نسمه. الجامعه مستواها لا باس فيه.زميلي كان يدرس فيها و يمدح فيها.يقول اهلها طيبين.تقريبا اقرب مدينه كبيره عليها هي مدينه سينت لويس في ولايه ميزوري.حول الساعتين شمال غرب.المدينه يقول خوي انه ما فيها شي مميز.كان اذا جاي الويكند نزلوا علا سينت لويس ولا شيكاقو اللي تبعد عنها حول ال 4.5 ساعات.يعني اقعد وفر فلوسك وسط الاسبوع و فلها في الويكند.طبعا المدينه رخيصة جدا حسب كلامه.و هاديه و لا فيها اي مشاكل.مدينه رايقه.

    مدينه اربانا-شامبين
    مدينه جامعيه اخري فيها University of Illinois-Urabana اللي تعتبر من اقوي جامعات امريكا حيث تعتبر رقم 42.في قسم الهندسة تعتبر من اقوي 10 جامعات في امريكا.عدد سكان المدينه حول ال 120 الف نسمه.يعني مدينه حجمها جدا ممتاز.فيها عدد كبير من الطلاب العرب.عدد طلاب الجامعه حول ال 30 الف طالب

    Peoria
    مدينه تقع في وسط ايلينوي.عدد سكانها حول ال 350 الف نسمه.تبعد حول الساعتين جنوب شيكاقو.مدينه ممتازه. فيها مقر شركه Caterpillar اللي يسوون المعدات الثقيله زي الرافعات الثقيله حقت البناء ولا الدرتكترات الزراعيه.

    Bloomington
    في وسط ولايه الينوي و فيها جامعه Illinois State University اللي تعتبر من الجامعات المتوسطه.المدينه جامعيه و صراحه حلوه.منظمه و فيها مول كبير.

    بصفه عامه ولايه ايلينوي موقعها الجغرافي جدا ممتاز بحكم كونها في الوسط.اهلها طيبين.العنصريه فيها تكاد تكون معدومه.ماهي غاليه باستثناء شيكاقو.جوها مقبول.فيها جاليه عربيه جدا كبيره.الظاهر 3 اكبر جاليه عربيه.يعني ولايه حلوه للدراسه
  2. جزاك الله خير اخوي

    انا ان شاء الله بدرس في كاربوندايل..

    ابشرك كمان من كثر الامان فيها تشوف بعض الناس مخلية ابواب بيوتهم مفتوحة!!!

    وحمستني على شيكاغو مرررة انبسطت لما عرفت انه فيها اكبر المولات...
    ان شاء الله كل ويك اند انط عليها
    <<------- اختك في الله تحب الفرفرة

    الله يجزاك خير مررة ريحتني كمان لما قلت في شيكاغو جالية اسلامية ومساجد واكل عربي ...

    مشكووووور عالموضوع
    7 "
  3. اخوي فتى يام مشكور على الموضوع لكن انت نسيت جامعة مهمة جدا في ولاية الينويز وهي

    Northwestern University

    وهي في مدينة اسمها
    EVANSTON

    المهم انها من اقوى الجامعات الامريكية في الهندسة وخصوصا الهندسة المدنية

    لكن الي محيرني اني لما بحثت عن المدينة في الخريطة وجدتها في شيكاغو نفسها بعيدة عنها يمكن حاجة بسيطة والسؤال هل هي مدنية مستقلة والا ضاحية من ضواحي شيكاغو وكيف المدينة نفسها هل تنصحني فيها من جميع النواحي اسعار السكن والمواصلات .....الخ

    وشكرا
    7 "
  4. اخوي بالنسبة للمدينة مرررررة حلوة بالنسبة للاسعار مو مرة غالية انا كنت بفلوريدا وماشفت الفرق الباين التاكس فيها9% لاكن لاتخاف ماهي غالية ذاك الغلا بالنسبة للخطورة كله ولله الحمد حكي احياء بسيطة ومعروفة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.