مشوار يطلب مشورة

السلام عليكم....

ابارك لجميع المبتعيثين.واتمنى لهم التوفيق


انا ياشباب خلصت الثانوية عام 2001 قبل هجمات سبتمبر بشهرين(يعني شيبنا)
نسبتي كانت 96% ... وقتها ماكان فيه ابتعاث ولا يحزنون...واذا كان هناك فما عندي خبر وقتها

اول مافكرت فيه الطب...وحجزت تذكرة للمدينة اللي فيه الجامعة..ولما صار بكرة موعد سفري..كل واحد صار يعطيني مشورة..المهم واحد من الناس قال وش لك ولوجع الراس..طبيب يادوب راتبه 9000 ريال..ويجونك نص الليل يصحونك اذا فيه طاريء بالمستشفى..ولجهلي الشديد وطمعي في دخل شهري اكبر....لغيت..وحولت لجامعة تخصص هندسة....المهم عدينا اول سنة..بعدين ماارتحت نفسيا بالامعة وماادري وش صار تدنى معدلي ونهاية السنة جاني ايقاف عن الدراسة..سنتين راحت من عمري!!
رحت لكلية صناعية مغمورة...تخصص تقنية الكترونيات..انا الان باخلص نهاية السنة دبلوم بمعدل تقريبا 3.82/4 يعني 95.5
صراحة تخصص (بايخ وندمت عليه جدا)) وماابغى اكمل ابا اتوظف بالدبلوم وادرس فيزياء انتساب.. الا اذا حصلت بعثه لبرى يمكن ادرس
باسالكم((هل ممكن احصل بعثه ؟؟ولا مالنا حظ
و هل تخصص الالكترونيات متوفر ؟؟واذا باحول هندسة اتصالات ؟ممكن او لا؟؟

أخوي الحال من بعضه والله يعوضنا لكن أبشرك برنامج خادم الحرمين أطال الله في عمره سيستمر العشر سنوات القادمه يعني يمديك تجيب معدل عالي في الدبلوم وتكمل بكالوريس خارج المملكه وإذا لا قدر الله ماحصلت تدرس على حسابك سنه بس تجيب درجات عاليه ثم يحولونك على حساب الدوله والكلام هذا أكيد إن شاء الله
ملاحظه : أنا كسول في الكتابه بس بصراحه رحمتك ودعيتلك إن الله يعوضك على اللي راح
وعلى قولة بركات الشريف :
إذا نويت إحذر تعلم بطاريك ***** كم واحد تبي منه العلم وأغواااك :106:
بالتوفيق للجميع

اخوي انا مثلك تقريبا حلمي من وانا صغير الطب وتخرجت بمعدل 97% لاكن سمعت نفس الكلام اللي جاك الفرق بيني وبينك اني توني بادي لادراسة وانا لي الحين سنة بامريكا واحول احول لبنان ادرس بها الطب لان مدري ليه احس بتانيب الضمير وش نصيختك لي وترى سبق وطرحت الموضوع لاكن ماحصلت تجاوت وها انت تجيب نفس الطاري

الله يعينكم ويوفقم