رد: معهد لغة في حدود 1000 دولار ضروري جداً.
اقتباس:
المشاركة الأصلية كتبت بواسطة lebton
فوووز اولا شكرا على المعلومات السابقه
ولاكن عندي بعض الاسئله واتمنى تتحمليني
انا الان بولايه اريزونا لي 5 شهور وبمعهد ما اعجبني من اول يوم وابي اغير بس ما ادري وين اروح ولي شهرين الحقوني
سؤالي دووام المعهد من متى الى متى
الدوام من 8.30 الصبح الين الساعه 1.30 بالكثير
وكيف طريقه التدريس
احس الطريقه حلوه كثير دراسه واهتمام وواجبات بالبيت يوم واجبات كثير ويوم شويه والويكند قليل لو عطوك واجب وبعض احيان مافيه واجب يبونك تنبسط مو تشيل هم المذاكره والواجبات مو مثل المعاهد الثانيه دوام لين الساعه 4 او 5 وغير كذا ترجع البيت وعندك واجبات متى تذاكر ومتي تريح ومتي نام؟
بمعهدي اللي انا فيه هدفهم ماادي بحيت وماادتين ندرس ترسب بالاوله وتنجح بالثانيه بدرجه كامله يعيدون المستوى
انا حاليا رحت المستوى الثالث
والحمدلله الوضع مستتب بس ما استفدت يعني بالبركه وانا جاي استفيد وراح اكمل مااستر
اتمنى منك تعطيني الوضع العاام بالتفصيل اذا ممكن وطريقه التدريس خصوصا
وشكرا واسف على الاطاااله
اتمني اني افدتك وبالتوفيق
رد: معهد لغة في حدود 1000 دولار ضروري جداً.
معليش عندي سؤال ...
كم عدد الطلبة بالمعهد وكم عدد السعوديين اللي فيه ؟؟ ياليت تردو ضروري ؟
رد: معهد لغة في حدود 1000 دولار ضروري جداً.
هلا وغلا والله بالجمـاعه
شخـبـاركم
صراحه شفت الموووضووع وشدني لان احسه جا في وقته
لاني جالس افكر اني انقل من المعهد الي انا فيه بس المشكـله ان اانا في اخر مستوى الحين
بس الي مخليني ابي انقل ما ني مرتاح
المهم ما لنا باطويله
عندي كم سؤال
هل المعهد مرتبط بجامعه معينه يعني لو جبت قبول من المعهد اقدر اخذ قبول مشروط من الجامعه بتخصص معين
واذا كان كذا وش اسم الجامعه
وبالنسبه لنظام المعهد بين كيف يحدون مستوى الطالب هل هو على حسب درجاته ولا اختبار توفل ولا شئ ثاني
سؤال الاخير والمهم بالنسبه للي معه اخته او زوجته هل تنصحونه بالمدينه الي انتو فيها ولا لا يعني المدينه او الولايه فيها مجمعات
ولا مثل الي انا فيها ماعندا الا الول مارت ككككك
وبس
تحــيـاااااتي
رد: معهد لغة في حدود 1000 دولار ضروري جداً.
اقتباس:
المشاركة الأصلية كتبت بواسطة roko
معليش عندي سؤال ...
كم عدد الطلبة بالمعهد وكم عدد السعوديين اللي فيه ؟؟ ياليت تردو ضروري ؟
اتوقع البنات فوق 10 سعوديات
والشباب يمكن او حوالي 10 سعودين
من غير اليبين
والصينين والفلبين والكورين ((الفنسان) خشوم صغيره والسلام
رد: معهد لغة في حدود 1000 دولار ضروري جداً.
اقتباس:
المشاركة الأصلية كتبت بواسطة al5aleej
هلا وغلا والله بالجمـاعه
شخـبـاركم
صراحه شفت الموووضووع وشدني لان احسه جا في وقته
لاني جالس افكر اني انقل من المعهد الي انا فيه بس المشكـله ان اانا في اخر مستوى الحين
بس الي مخليني ابي انقل ما ني مرتاح
المهم ما لنا باطويله
عندي كم سؤال
هل المعهد مرتبط بجامعه معينه يعني لو جبت قبول من المعهد اقدر اخذ قبول مشروط من الجامعه بتخصص معين
واذا كان كذا وش اسم الجامعه
المعهد غير مرتبط بجامعه بس الولايه فيها جامعتين جمعة انديانا والثانيه مدري وش اسمها :crazy:
وبالنسبه لنظام المعهد بين كيف يحدون مستوى الطالب هل هو على حسب درجاته ولا اختبار توفل ولا شئ ثاني
يحددو مستواك> يسوون لك اختبار اول يوم تبدا الدراسه فيه سبيك ولسننق وراينر على ريدنق وقرمر ويحددون المستوا الي تستحقه
سؤال الاخير والمهم بالنسبه للي معه اخته او زوجته هل تنصحونه بالمدينه الي انتو فيها ولا لا يعني المدينه او الولايه فيها مجمعات
والله الولايه فيها حوالي 4 او 5مولات من غير السبرماركتات الكبيره بكل مكان مثل ول مارت وكروقر ووو اسواق ثانيه والولايه امان وهذا المهم وفيها مطاعم عربيه وهنديه ((حلال على قولتهم))
ولا مثل الي انا فيها ماعندا الا الول مارت ككككك
وبس
تحــيـاااااتي
نشالله اني قدمة الي اعرفه
رد: معهد لغة في حدود 1000 دولار ضروري جداً.
يعطيك العافية فوووز ...
بس مو كثير يعني على كذا المعهد نصه سعوديين ؟؟ ممم والله مدري اخاف يأثر على الدراسة بالمعهد ، عموماً انا ببدأ أراسل المعهد الفتره هاذي وان شاء الله يكون تمام ومافيه مشاكل ... مشكور على الأجابه..
رد: معهد لغة في حدود 1000 دولار ضروري جداً.
السلام عليكم .. اخباركم ياحلوين ..
بصراحة ذي اول مشاركة لي .. وان شاء الله افيد واستفيد ..
الموضوع مهم بصراحة .. والمعهد لازم تكون دقيق باختيارك له .. انا مازلت في السعودية ، وجالس ابحث عن قبول في جامعة
وكذلك معهد .. الي يهمني الان هل المعهد الي تتكلم عنه اختنا فوز ، هل هو مناسب للماستر أو مافي فرق ؟
من كثر ماسمعت عن ناس يحولون من معهد لمعهد بديت اتردد شوي ..
عموما .. الله يوفقكم يارب ويحقق لكل واحد منكم امنيته ان كان فيها خير له .. آمين
بحط رابط لجامعة .. اعتقد انها في نفس الولاية .. لكن بالترجمة تطلع لي التشيك !
عاد اخوكم مررررره مييييييييييييييح من جنبها :) ياليت احد يشيك لي عليها ويشوف هل هالبرنامج موجود ولا لا ؟
وهل هو في ولاية انديانا ولا لا ؟
هذا الرابط : Department of Kinesiology: School of Health, Physical Education, and Recreation: Indiana University
مشكورين جميعاً
رد: معهد لغة في حدود 1000 دولار ضروري جداً.
يا شباب ترى المعهد كله سعوديين بنسبه 100 بالميه سعوديين ونسبه البنات 60 بالميه والشباب 40 بالميه
بالنسبه للمعهد ما انصح الشباب الاي بس بيدرسون في المعهد وبعد ين يرحون جامعه ثانيه .
نصحيتي اي واحد انه يدرس نفس الجامعه تابع المعهد
رد: معهد لغة في حدود 1000 دولار ضروري جداً.
اتمنى أحد يرد لي خبر عن الرابط الي حطيته لكم ..
ومشكورين مقدماً .
رد: معهد لغة في حدود 1000 دولار ضروري جداً.
هذا في ولايه انديانا يا اخوي هذا الجامعه