معهد لغة في حدود 1000 دولار ضروري جداً.
السلام عليكم ورحمة الله وبركاته
يا اخوان انا محتااااااااج معهد جيد وقوى لدراسة اللغة في امريكا طبعاً ويكون سعره في حدود 1000 دولار( للدراسة المكثفة ) وتحت يعني ، ضروري جداً اذا احد يعرف معهد تمام وأفضل لو يكون في نيويورك أو نيوجرسي أو حتى شيكاقو بس تكفوون ساعدوني تعبت وانا أدور ولغتي يمشي حالها . اللي يعرف معهد يعطيني اسمه أو الويب سايت تبعه ومشكووووورين مقدماً
( معترف فيه بالوزارة التعليم العالي ).
رد: معهد لغة في حدود 1000 دولار ضروري جداً.
مرحبا
انا مبتعثه والي الحين يمكن شهر ونص بامريكا تحديد ولاية انديانا وكثير طلاب حولو من معهد els على المعهد الي انا فيه واتوقع الرسوم الشهريه فيه 1000$ بس بجد ممتاز كثير برغم ان لغتي ميح مره بس المعهد قوي والطلاب فيه قليل والمدرسات روعه بقوه ويفهمون من قلب عكس المعاهد الثانيه الي هدفها مادي بحت مثل معهد els ولو ما فيه فايده منك خلال شهرين بيقولون لك ما تمشيء معنا وما فيه احد جاء المعهد هذا وطلع صفر اليدين.
الله يوفقك
ولاية انديانا
رد: معهد لغة في حدود 1000 دولار ضروري جداً.
مرحبا اختي فوز
طيب وش اسم المعهد اللي انتي فيه
وهل هو منتشر في جميع الولايات
وبالتوفيق للجميع
رد: معهد لغة في حدود 1000 دولار ضروري جداً.
السلام عليكم ورحمة الله وبركاته
يا اخوي انا نفس المعهد الي مع الاخت فوز في انديانا بالنسبه للمعهد سعره 3000 دولار في مستوى واحد والمستوى 3 شهور
هذا الرابط المعهد http://www.internexus.to/indiana.html
وبالتوفيق
رد: معهد لغة في حدود 1000 دولار ضروري جداً.
طيب ياشباب والاخت فوز انا ان شاء الله بلتحق هالاسبوعين وودي اغير المعهد ELS ابي اتعلم صح دامكم تمدحونه هالكثر وابي اعرف هل اقدر اجي عندكم بعد الالحاق من الملحقيه
وكم اسعار العوايل وهل اقدر اغير المعهد بدون وجع راس بعد الالحاق؟؟
انتظر الاجابه ضروري الله يجزاكم خير
رد: معهد لغة في حدود 1000 دولار ضروري جداً.
نفس سؤال الاخ ميشقان هل اقدر اغير المعهد والجامعه والولايه بسهوله بعد الالحاق الله يسهل؟؟؟ تجاربكم
رد: معهد لغة في حدود 1000 دولار ضروري جداً.
مراحب..
طيب مدته 3 شهور بس؟
وكيف التسجيل؟
رد: معهد لغة في حدود 1000 دولار ضروري جداً.
اقتباس:
المشاركة الأصلية كتبت بواسطة alhamadltz
السلام عليكم ورحمة الله وبركاته
يا اخوي انا نفس المعهد الي مع الاخت فوز في انديانا بالنسبه للمعهد سعره 3000 دولار في مستوى واحد والمستوى 3 شهور
هذا الرابط المعهد
http://www.internexus.to/indiana.html
وبالتوفيق
صحيح هذا اسم المعهد تديره مدرسه سمرا اسمها / ادل
ومدرسات ثلاث /
1_ سندي
2_الكسندرا
3_ جوليا
والي يبي يسجل بالمعهد او يحول الرابط موجود
فيه قبل شهرين جاين بنات ,وشباب من ولايات ثانيه للمعهد واهم على حساب الملحقيه يعني سمحو لهم يحولون وبعضهم على حسابه الخاص من معهد els
الله يوفقكم
رد: معهد لغة في حدود 1000 دولار ضروري جداً.
اقتباس:
المشاركة الأصلية كتبت بواسطة طبعي حساس
مراحب..
طيب مدته 3 شهور بس؟
وكيف التسجيل؟
المعهد خمس مستويات كل مستوا ثلاث شهور واختبارات بشكل مستمر وعلي حسب مستواك بعد اختبار يحدده المعهد يحطونك بالمستوا الي يلائمك واذا شافوا ما يناسبك ينزلونك الي اقل او يعطونك الي اعلى.
المستويات
1_ Beginning
ثلاث شهور
2_Pre-Intermediate
ثلاث شهور
3_ Intermediate
ثلاث شهور
4_ High Intermediate
ثلاث شهور
5_Advanced
بالتوفيق
رد: معهد لغة في حدود 1000 دولار ضروري جداً.
بس يا اخوي انت اذا انت لغتك تمشي الحال ممكن يحطونك في مستوى ثاني او الثالث اذا انت تبي تتخرج بسرعه تعال عندنا