الأعضاء الإشتراك و التسجيل

الملتقيات
ADs

فيه تخفيض .. لالالا مافيه تخفيض ... وش السالفة ؟؟

فيه تخفيض .. لالالا مافيه تخفيض ... وش السالفة ؟؟


NOTICE

تنبيه: هذا الموضوع قديم. تم طرحه قبل 3110 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية 3booodi
    3booodi

    مبتعث مستجد Freshman Member

    3booodi الولايات المتحدة الأمريكية

    3booodi , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Student , بجامعة California State University
    • California State University
    • Student
    • ذكر
    • Sacramento, CALIFORNIA
    • السعودية
    • Oct 2008
    المزيدl

    June 8th, 2009, 12:32 AM

    السلام عليكم ورحمة الله وبركاته ..

    أسعد الله مسائكم \ صباحكم بكل خير ...


    السالفه ومافيها يااخوان .. اني ابي احجز للسعودية ان شاءالله في نهاية جولاي ..

    عاد انا سمعت ان فيه تخفيض للطلاب أو بمعنى أصح انه فيه تخفيض للرحلات الدولية ..

    الكلام هذا انا سمعته لي تقريبا شهر .. وتناسيت سالفة الحجز ...


    المهم بعد مابحثت في هالموضوع وماحصلت اجابة واضحه وصريحة .. قررت اني اكلم واحد من اخواني بالسعودية عشان يحجز لي .. لاني مااحصلت لهم رقم من هنا ..

    المهم انهم قالوا لي الرحلات فل الين 26 اوقست تقريبا ... المهم دبرنا حجز ..


    الحين ياجماعه تكفون وش سالفة التخفيض ؟؟ كيف أحصل عليه ؟؟

    موظف الحجز يقول التذكرة ب 7000 ريال ...

    طبعا بدون سالفة التخفيض ...


    يااخوان اللي يعرف اي شي عن سالفة التخفيض او رقم مكاتب الخطوط في امريكا يحطها هنا لاني فعلا محتاجها ابي اشوف السالفه وشلون ؟



    آسف على الاطاله الله يعطيكم العافية ...


    تقبلوا تحياتي ...

  2. عبودي كيفك واخبارك ان شالله تمام وبخير الله يعافيك ال 7000 ريال هذي ذهاب وعوده او بس ذهاب وعلى اي خطوط...
    وانتظر احد يعلمنا ودي ارجع عند اهلي برمضان وابي احجز من الان وماني عارف شي هههههههههههه انتظرك
    7 "
  3. هلا بك أخوي ميتشجان ..

    أنا بخير ونعمه الحمد لله ...

    وش علومك انت ؟



    ياسيدي ال 7000 هذي ذهاب وعودة .. بس انا كلمت واحد من الشباب بعد ماكتبت الموضوع وقالي انه فيه تخفيض يصير سعر التذكرة تقريبا 700 دولار رايح جاي ..


    نصيحه مني لك إذا تبي تروح لأهلك برمضان احجز من الحين عشان ماتتوهق زيي .. يوم جيت احجز لقيت كل المقاعد فل ..


    موفق يالغلا ..


    تحياتي ,,

    7 "
  4. اللي أعرفه إن التخفيض يكون على مقاعد معينه في الطياره.. وأنه يكون بين الذهاب والعوده أقل من 3 أسابيع..

    طبعاً قيمة التذكره 799دولا + Tax

    والقضيه كلها لعب في لعب.. وما أدري إذا مددوا الأتفاقيه ولا لا.. لأنها كانت إلى نهاية 2008..
    7 "
  5. السلام عليكم اخ عبود
    انا سائل عنه قبلك الكلام صحيح ولكن غير الحجز بسبب انك اذا حجزت على الخطوط الجويه السعوديه 700 دولار رايح جاي ولكن لازم تسافر انت للمنطقه الي فيها الخطوط الجويه السعوديه مثل واشنطن وغيرها ولازم تحجز انت للمدن الي فيها الخطوط الجويه مثل ماقلتلك وانا انصحك مثل ماسويت انا تحجز على الطيران الامراتي رخيص وتطلع من ديرتك الى الامارات وبسعر رخيص مايتعدا 1100 دولار رايح جاي واحسن وترانزيت واحد بدبي وتكم الى ديرتك وهذا الي اقدر اقولك عنه والمده الي تبيها لرجعه انشالله سنه او يوم . وارجو اني افدتك اخي عبود واخواني الاخارين عن طريقه الخصم.


    والسلام عليكم
    7 "
  6. انا جاي قبل اقل من شهر و كانت عندهم عروض مو طبيعه ... يعني وقتها كان ذهاب و عوده ب ٢٥٠٠ ريال كلها مع التاكس و اللي تبي و بس على كلام الموظف وقتها قالي لازم تكون روحتك و جيتك خلال شهر ما تطول ... لاني يوم حجزت ذهاب بس طلعت ب ٢٨٠٠ تقريبا قلتله احجز ذهاب و عوده فقالي هالكلام بخصوص الشهر الواحد ... و قلتله طيب رحت و سحبت عليكم D: مشكلتي صريح بزياده .... قالي بتصير مطلوب قيمة التذكره للخطوط و اي وقت تحجز بيقولون لك ادفعها و سلامتكم

    انا عن نفسي ارتحت في الخطوط السعوديه بالجيه ... ١٣ و نص او ١٤ ساعه مو متأكد بس وساعه صدر و سوالف و لا حولك احد شارب و سكران و الوضع فري و متبطحين و الحمد لله ... يكفيني اني اسمع دعاء السفر و حولي وجيه طيبه ارتاح نفسيا
    الله ييسر لك يا غالي و يوفقك و يوديك و يردك بالسلامه ...
    7 "
  7. الله يعطيكم الف عافية على الردود ..

    أنا أخوي كلم الخطوط وحجز لي حجز ثاني .. من نوع V-CLASS

    طبعا هذا هو الحجز المخفض ..

    لكن انتظار ...!!


    وبالنسبة لكلامك أخوي الدب والله انا كنت افكر على الطيران الاماراتي ... يعني من جد راحه .. بس تراه غالي شوي حصلته ب 1800 دولار من سان فرانسيسكو ..





    الله يعطيكم الف عافية ..


    تقبلوا تحياتي ..
    7 "
  8. اذا جيت تقص التذكرة قلهم انك طالب وبيطلبون منك الآتي ( ممكن ترسلها لهم بالفاكس )

    بطاقة الجامعة
    خطاب انتظام من الجامعة
    صورة من الجواز
    اذا كنت بتدفع من الفيزا بيطلبون منك صورة الفيزا وتكتب فيها رقمها وتاريخ النهاية واقرار منك بالموافقة على خصم المبلغ الي بيقولون لك عليه وتوقع على ذلك.

    هذا الي انا اذكرة كلم الخطوط وهم يعطونك كل هالتفاصيل ورقم الفاكس الي ترسل عليه الاوراق


    اما التذكرة فبعد ما يقصونها لك رايح يرسلونها على ايميلك ( تذكرة الكترونية )

    تحياتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.