معيد في جامعة .. بيطلع ابتعاث لأمريكا .. كم بتكون مكافأته ؟

هلابكم جميعاً ..

هلا أختي نجاحات .. نعم وصلت لي الرسالة ..

أشكر كل من شارك وساهم في هذا الموضوع كل واحد بإسمه ..

الله يوفقكم جميع .. آمين .

اقف مع الاخت نجاحات في ان الموضوع مهم لنا نحن - المعيدين والمعيدات -

بالنسبة لي , أنا معيدة بجامعة الملك سعود ....

وبصراحة التفكير بالولاية هو اللي تعبني كثير , لإني كل مافكرت بولاية وبديت ادور في احوالها ( المعيشة - مستوى الجامعة - المدينة )

القى عيوب وافكر بغيرها

بالنسبة لي انا راسلت جامعة سياتل و جامعة شمال كولورادو فقط

جامعة سياتل لم تقبل القبول المشروط

وجامعة شمال كولورادو رحبوا بالموضوع

عاد باقي اراسل جامعات متشقن لإنه حسب ماسمعت ان المعيشة فيها ومستوى الجامعات كويسات مرة

بالنسبة للخطوات حسب ماسمعت اول شئ التوصيات لا تستعجلين عليها لإنه جامعات امريكا ماتقبل توصيات الملك سعود العادية

لازم essays او letter

والشئ الثاني الضمان المالي وهذا سهل جدا ينجاب من عند عمادة القبول والتسجيل بالدرعية . قسم الابتعاث

اتمنى من الكل ان يدلي بدوله لكي نستفيد من تجارب بعض ..

ارق تحية للكل

مشكوره خيتوو ..

البحث عن تخصص بحد ذاته مشكله .. لكن الله يسهل الامور ..

بالنسبة للولايات أعتقد إن الموضوع فيه صعوبه لكن مو مره .. فيه محركات بحث مختصة فقط بكورسات التعليم العالي ..

وكذلك مكاتب تنسيق البعثات هنا في الرياض متوفره .. وممكن يسهلون العملية شوي في البحث ..

أنا كوني ميح باللغة واجهت صعوبة في البداية لكن الآن الحمد لله الأمور تسهلت بإذن الكريم ..

بالنسبة للتوصيات متأكدة مايقبلون التوصيات الي على ورق الجامعة ؟ ( الي عليها شعار الجامعة الرسمي )

إخواني المعيدين والمعيدات ..

نسيت أقولكم إن إدارة الملتقى مشكورة وضعت قسم خاص بمبتعثي الجامعات وأعضاء هيئة التدريس ..

آمل من الجميع التواصل في هذا القسم المخصص لنا وذلك لتعم الفائدة للجميع ..

أنا راح اضع موضوع بعنوان ( جميع استفسارات المعيدين والمعيدات فقط )

وراح تلقونه بقسم مبتعثي الجامعات واعضاء هيئة التدريس ..

دمتم بود ..

هلا اختي

هل راسلتي الجامعات بنفسك ؟؟
والا عن طريق مكتب ؟؟

مرحبــا اخوي معــاند جرح

انا لو سألتني عن رايي الشخصي , بقول لك ان الواحد يستغني عن المكاتب من ناحية انه هو يكتسب خبرة

بصراحة المكاتب تاخذ 3000 على ايش بالله ؟؟ مراسلة جامعة ؟ مافي اسهل منها .. وبقية الاشياء انت اللي بتسويها .

وبالنسبة لموضوع التوصيات , اي نعم انا سألت عنها بنفسي ومن تجارب الدكتورات اللي موجودين بالجامعة يقولون انها ولا شئ

يعني بالعربي غير مقبولة بأمريكا بالذات

غير امريكا كل شئ سهالات

مرحبــا اختي نجــاحات

لا طبعـا انا راسلت بنفسي لازم اكون على اطلاع كامل

بالإضافة الى انهم يهتمون بك زيادة اذا دروا انك انتي المتحدثة عن نفسك ومو احد يتحدث بالنيابة عنكـ

ارق تحيـة

مساء الخير ..

مشكورة إختي blueberry2008 والله يعطيك العافيه ..

راسلت الجامعات ؟
نعم

كم جامعة راسلت ؟
11 جامعه
وعلى اي اساس تراسل الجامعات ؟
على اساس انها جامعه متميزه في مجال تخصصي <<وهذا اللي ظيعني لاني الى الان لم احصل على قبول
لانهم لايوفرون قبول مشروط(طبعاً جامعة الملك سعود لا تصدر فرار ابتعاث الا بوجود قبول لغة وماستر)

يعني كيف تختار الجامعة .؟

اطبع وصف المقررات في الجامعه اللي ابي اراسلها واعرظها على اعضاء هيئة التدريس بالقسم اذا شفتهم وافقوا عليها اراسلها <<عشان ما اخسر نفسي واجيب قبول ولما اعرظه عليهم يرفضوه لذلك اخذ احتياطي من البداية
وهل راسلت بنفسك ام عن طريق مكتب ؟
عن طريق مكتب



الله يسهل امرنا وامرك وامر كل مبتعث

تشكرون التفاعل الجيد وروح الحوار وفقكم الله وتقبلوا مروري ونحن في الخدمه