هل المرافق مجرد صورة فقط يا وزارة التعليم العالي ؟

السلام عليكم ..
اخواتي و اخواني اعضاء المنتدى
ممكن نناقش مشكلة المرافق الي ما خلص 75% من مدة دراسته و يضطر يرجع السعودية بانتهاء مدة دراسة المبتعثة "زوجة, اخت , ابنة اخت ... الخ " ؟؟

يعني مو حرام انه المرافق يسافر مع اخته او زوجته عشان يكون معاها و محرمها و يبدأ دراسته و يدور عن قبول و يسجل مواد و يبدأ يبني مستقبله و يتعب و في النهاية يرجع قبل انتهاء دراسته ؟؟ يعني لو كان هو يدرس بكالريوس و المبتعثة الاصلية تدرس ماستر من الطبيعي انها تخلص قبله ..

وطبعاً هو مستحيل يخلص 75% من مدة دراسته خلال سنتين !!! يعني كانه رايح مجرد صورة لا اكثر و مستقبله مو مهم !! :ermm: وفي النهاية يرجع السعودية يدور عن قبول من جديد !

طيب و دراسته الي بدأها في امريكا ؟؟ و بعض المرافقين استقالو من شغلهم و تركوا وظيفتهم و جو على امريكا !!
من جد قمة اللامبالاة من الوزارة !! و الغريب انه الوزارة تصرف على المرافق في اللغة و بداية الدراسة و بعدين تخليهم يرجعوا بدون شهادة !! :bye2:

ليش يا وزارتنا الموقرة ؟
أرجو اعادة النظر في امور دراسة المرافقين !!!

والله يا اختي ما الومك انا مثل حالتك جيت مع اختي على اني بعد سنه اللغه بيصير لي بعثه مفصوله وتفاجات في الملحقيه انه لازم تخلص 75 بالميه في الجامعه قلت اوكي نصبر 75 بالميه وتفاجات خبر ثاني انه الي عنده اخو مبتعث ثاني على طول يصير هو المحرم بدالك وحولوا المحرم الى اخوي وانا كاني جاي سياحه والله واتكلم مع دكتوره خيريه الجحلي وصار نقاش حاد بيني وبينه وبعدين قلت لها اوكي انا بدرس على حسابي الخاص قالت على راحتك رسلت اوراقي للملحقيه وحركت فيتامين واو

بعد 5 ايام من رسلت اوراقي للملحقيه جاني قرار الابتعاث والحمدلله .

والله يا اختي لا تسكيتين عن حقك خل احد من عائله يروح الوزاره

وبالتوفيق

شكرا لك حفار الفبور على ردك
المشكلة مو كل الناس عندهم فيتامين واو

مافي حل غير انه المرافق يدرس على حسابه الخاص بس المشكلة انهم موقفين الحاق الدارسين على حسابهم الخاص زي ما سمعت ..

طيب ياحبيبتي ليه ماتسوين ترقية لبعثتك يعني تكملين دكتوراه عشان يستفيد مرافقك
وبالتوفيق

يا اختي ترى حتى الان الالحاق بالبعثه مستمر يقدر اخوك يلتحاق بالبعثه سلام سلام

والله جد نظام غبي ويقهر

انا سمعت ان الوزير صرح انه راح يلغى .. وهذا المفروض يصير


الله يسهلها عليكم

والله مشكلة ..المرافق من يسمع بهذا الكلام راح يقول وليش حتى أروح طالما ما راح أستفيد..؟؟

ليش هذا التعقيد بس؟؟

امور الوزارة دايما تعقيد .. و الالحاق بالبعثة مستمر طالما انه المبتعثة تدرس , ولكن بمجرد انه المبتعثة تتخرج و تنتهي من دراستها , على طول يرجع معاها المرافق و مو لازم يكمل دراسته لانه اصلا ماله أهمية في رأي وزارة التعليم العالي !!

ياساتر في هذه الدنيا الناس كل مالهم تضيق قلوبهم اكثر !!
الوزير قد صرّح من قبل انه قرار الـ 75 % من شروط دراسة المرافق هو قرار لاغي و لكن الوزارة لم تعمل بهذا الشي و مسويين نفسهم اذن من عجين !!!

واحد سأل نفس سؤالك للدكتــور العيســى وكان مستغرب وهو يسأل الدكتور .. رد عليه الدكتور على طول وقال له انه البعثـة لزوجتــك فقط .. .. .. مع احترامي لرأيك .. بس انا معاهم في هذا القرار .. لانه المبتعثة هي من يحق لها اكمال دراستها لانه هي المتفوقة اللي كانت تستتاهل البعثة .. اما مرافقها هذا من شروط البعثة انه محرم او زوجها يرافقها وكمان له الحق انه يكمل دراسته وعلى حساب الوزارة مع انه البعثة مو لــه .. .. ويعطوه راتب له ولاطفـاله .. انا اشوف انه عدل .. انا مبتعث ومو متزوج .. بس اشوف انه المبتعثات والمتزوجين من المبتعثين ما يواجهوا مشاكل والحمد لله من الناحية المادية وكلهم يقدروا يكملوا تعليمهم..
بس المبتعثة اذا انهت دراستها .. ومرافقها ما انهى اكثر من 75% من دراسته هم يشوفوا انه لهم عين يرجعوه او انه يكمل على حسابه لانه باقيله اكثر من 25% ..

هذا مجرد رأي ...

بالتوفيق

الله يعينك

هونيها وتهون ..

لا تسكتى عن حقك !!..روحى الوزاره شوفى اش يصير ..

بالتوفيق