عرض للطباعة
السلام عليكم ورحمة الله وبركاته ...
اخواني انا عندي موضوع محيرني وياليت تعطوني رايكم فيه ...
انا ناوي اروح ادرس بامريكا بعد شهر بس فكرت اني ااجلها لبعد ثلاث شهور لان ماعندي لغه بزياده وفكرت اسجل بمعهد وادرس على الاقل ثلاث مستويات بعدين اروح وانا بصراحه متردد ماادري اروح بعد ثلاث شهور او بعد شهر ياليت تعطوني رايكم لاني احس ان فيوزات راسي ضربت
ومشكورين ....:crazy::crazy::crazy::crazy:
الافضل انك ماتضيع وقتك في المعاهد الخاصه بالسعوديه لانه بصراحه اي كلام
انا اشوف اذا فيك جيه لامريكا لا تاخرها
وخل الثلاث شهور تاخذها هنا في امريكا
لكن السؤال هنا
على قدمت على الفيزا وهل عندكم قبول او لا؟
لعلمك الفيزا احيان تاخذ اكثر من شهر لان السفاره ماينعرفلهم ناس ياخذون الفيزا في وقت قياسي وناس يطولون
اقتباس:
المشاركة الأصلية كتبت بواسطة الفيصليه2000
انا عندي قبول بس باقي ماقدمت عالفيزا
بس اخوي انا خايف اذا رحت هناك يعني تعرف لازم يكون عندي اساسيات اكون شوي اعرف اتكلم علشان اتفاهم معهم شوي طيب انت بما انك مجرب كيف اول مارحت كان عندك لغه او لا وكيف تجاوزت اول الشهور معليش باتعبك معي شوي
عدم اجادتك للانجليزيه لاتكن عائق امامك
لن تجد اي مشكله ابدا في امريكا
ان كنت في المطار فتأكد انك ستجد من سيساعدك
واغلب المعاهد الامريكيه يوجد بها سعوديين يساعدونك في الايام الاولى
وحتى ولو لم يكن هناك عرب تقدر تمشي حالك
اهم نقطه ان يكون الهدف من قدومك لامريكا امام عينيك وان تكون جاد في موضوع تعلم اللغه
كأن تسكن في الدورم تبع الجامعه وتحاول تندمج وتتأقلم مع الاجواء
او تسكن مع عائله رغم ان الفائده المرجوه قليله
انا ااشوف السكن في سكن الجامعه (الدورم) افضل حل لمن يريد تعلم اللغه وابد لاتترد في الكلام حتى لوكان خطأ
بإمكانك مراسله المعهد وسؤالهم عن السكن عندهم وتحاول ان تجد روميت مناسب
اتمنى لك التوفيق