جم سؤال عن كليفلاند أوهايو ؟ كليفلاند كلينك ؟

السلام عليكم ورحمة الله و بركاته

معاكم اختكم من الكويت

ان شاء الله نهاية شهر يوليو 2009 طالعة امريكا للتدريب

في كليفلاند كلينك / كليفلاند/ أوهايو لمدة 6 اسابيع فقط.

حابة استفسر منكم اكثر من شغلة من بعد اذنكم :

1- السكن في cleveland clinic campus

كم يكلف للغرفة المفردة ؟

و كم اسعار السكن المجاور لكليفلاند كلينك ؟

2- ماذا عن المواصلات ؟ كيف ؟ و بكم ؟

3- هل تتوفر مأكولات خفيفة حلال في السوبر ماركت ؟

4- ماذا عن المطاعم الحلال ؟

هل لي بأسماء مطاعم في المنطقة ؟

5- الاماكن السياحية بالمنطقة ؟

6- هل في خدمات laundry قريبة ؟

7- هل في أحد في المنتدى ملتحق بجامعة case

westren
لاني افكر اكمل فيها ماجستير ؟

* * للعلم فقد قريت معلومات عامة عن كليفلاند لكن ابي تفيدوني من خبرتكم الشخصية ... لأني رايحة بروحي و احس بخوف شوي والله يسهل * *

السموحه طولت عليكم بالاسئلة

شكرا لكم مقدمــــــا يا شباب السعودية :balloon:

السلام عليكم ورحمته الله وبركاته
تحيه طيبه وبعد
اختي الفاضله بما نج طالعه تدريب اذا انصحك بفندق اسمه كليفلاند هاوس وهو رخيص بالنسبه الي جاي للتدريب ومرافقه مريض تقريبا بالاسبوعين السويت من600 الي 700 والسويت صاله وغرفة ومطبخ تحضير وخطوات مشي الي كليفلاند كلينك

بالتوفيق اذا فيه استفسار اسال وانشالله نجاوبج
بالتوفيق
وبالنسبه للماجستير انشالله راح ارجع واعلق على الموضوع بالتوفيق

حلو حلو زين ممكن بس ايميلهم او معلومات عن الفندق ؟ للتواصل و الحجز

و هل المكان آمن و قريب من السوق و السوبر ماركت ؟

في وايرلس ؟ هل فيه laundry قريب ؟



مشكور اخوي توليدو .. و بانتظار عودتك ان شاء الله :)

اقتباس:

---

المشاركة الأصلية كتبت بواسطة capsoola

حلو حلو زين ممكن بس ايميلهم او معلومات عن الفندق ؟ للتواصل و الحجز

و هل المكان آمن و قريب من السوق و السوبر ماركت ؟

في وايرلس ؟ هل فيه laundry قريب ؟



مشكور اخوي توليدو .. و بانتظار عودتك ان شاء الله :)

---

السلام عليكم ورحمته الله وبركاته
اختي كل الشروط الي تبينها موجوده وبالنسبه للغسيل موجود بالفندق عن طريق الكوينز طبعا كل دور فيه لاندري والمحلات العربيه وكل شي واذا تبين في الداون تاون شقه غرفتين وصاله ومطبخ وحمام بحدود 800 شهر ولكن تبتلشين في المواصلات مع ان المواصلات سهله وانشالله برسلج موقع تحجزين عن طريقه الفندق وهم يستقبولنج بالمطار بعد بالتوفيق ولي رجعه للتعليق على الموضوع اذا فيه اسئله ثانيه حياج الله اسئلي
بالتوفيق:plane:

من جد اقدرلك مرورك بموضوعي اخوي الكريم توليدو :)

زين ما قلتلي عن السوبرماركت / المطاعم ( هل متوفر الاكل الحلال )

خاصة انه سفرتي راح تصادف رمضان :( و انا ما اعرف اطبخ

<-- يدوبك خبز و جبن و بيض ( خفايف يعني )


و ايضا شلون عالنت ؟


هل في مطاعم معينة حلوة ؟ و اماكن سياحية تنصحني بها ؟

انا رحلتي راح تكون مع زميل و عائلته



بانتظار ردك اذا امكن ... و معلومات اخرى عن الفنادق و كيفية الحجز :)

شكرا لك اخوي

متى تاريخ سفرتك
وكل مشي متوفر برتبه لكم وانزله في المنتدى لا تخافين بالتوفيق

بداية التدريب 5-8-2009

بس احتمال اسافر قبلها بما يقارب الاسبوع بس ليما الحيت ما حجزت

اخت كبسوله

بالنسبه للسكن فهناك Cleveland Clinic Guest House و هو قريب جداً من المستشفى .. مشي مسافة دقايق او من خلال الباص المجاني.

اما المأكولات .. فهناك سوبرماركتات عربية في كليفلاند مسافة ثلث ساعه تقريباً عن المستشفى بالسيارة و متوفر فيها كل ما تحتاجون من اطعمه عربية و حلال.

غرف الفندق تحتوي على سخان كهربائي صغير يصلح للطبخ .. يمشي الحال .. و مغسله صغيره للمطبخ.

السياحة، لست على اطلاع لأنني ذهبت للعلاج .. لكن هناك مولين تجاريين كبيرين فقط للتمشي و التسوق.

خدمات اللندري ... فندق Cleveland Clinic Guest House يحتوي في كل دور على غسالات و نشافات تعمل عن طريق العمله.

و غالباً ستجدين عوائل كويتية و خليجية في Cleveland Clinic Guest House و سيمدونكم بالمعلومات اللازمه بالنسبه للمطاعم و غيره.

و بالتوفيق .....