ماذا يحدث عند وصولي مطار واشنطون؟؟؟!!!

أخوي qahtanias
ألف شكر على هذا التوضيح
أنا حاجز على United Airlines
هل تستقبلني الملحقية.؟

fawzan
حياك الله اخوي , زي ماقلت لك من قبل الملحقية ما تستقبل الا الخطوط السعودية فعليا , أنا رتبت معهم و اتصلت و ارسلت اميل و اوراق بس مافي أحد أستقبلني . عشان كذا رتب أمورك على أنه مافي أحد بستقبلك , بعدين اللي يستقبلك هو سواقين الملحقيه أخ مصري و فلبيني و بالعادة ياخذون أوراقك من الصبح على الملحقية , بس لا تخاف لو ما لقيتهم تقدر توديها بنفسك و لا تتاخر كثير .. فيه شي أحب انبه عليه وهو أن الخطوط السعودية عندها على واشنطن رحلتين يوم الثلاثاء الجمعه على ما اظن حاول تكون معهم في نفس اليوم عشان تترتب امورك ..

فيه شغله أحب اقولها هي أنك لما تدخل من الباب على صالة القدوم و تلاقي الناس تنتظر و انت مافي أحد يستقبلك بتحس بوحدة شوي و يمكن تتضايق خصوصا لما تكون لوحدك , بس لا تشيل هم فترة بسيطة و تعدي . و ان شاء الله بالفندق بشوف شباب سعوديين كثير ينسوك هالامور .
الله يوفقكم يارب ..

معليش اخوي qahtanias

انا حاجز على الخطوط السعوديه يعني فيه شي اسوي وانا بالسعوديه علشان يستقبلوني ولا كيف

انا الي فهمته اني اذا وصلت اتصل عليهم ويجوني صح بس كيف يعرفو اني جاي بالخطوط السعوديه

ولو اتصل على مين اتصل لأن عندي ارقامهم اخذته من موقع الملحقيه..

ولك الشكر

هلا بك ياخوي
لا ما يحتاج تتصل بالملحقيه و لا تسوي اي شي , لانهم في كل رحلة للخطوط السعودية راح يجوون - الملحقيه - و يستقبلون الطلاب اللي على الرحلة , حتى لو ماحد اتصل عليهم . بقي أنك تاخذ عنوان الفندق لو حصل و لا حد أستقبلك تروح على تاكسي للفندق و من هناك تقدر تتصل بالملحقيه يرسلون السواق لك عشان تخلص اجراءاتك , طبعا هذا لو حصل و انهم ما استقبلوك فقط غير كذا استغل الوقت الباقي و حاول تحفظ كلمات اساسية لو انت مره ضعيف في الانجليزي . أنا موسوس شوي و احب أحط لكل شي خطه بديلة عشان كذا احيانا احاول اتكلم باسهاب شوي عشان اللي يقرا يقدر يرتب اموره ..
الله ييسر لك ياخوي , و توصل بالسلامه ..

ههههههههههههههههههه
الله يعافيك اخوي qahtanias


ولك مني الدعاء الخالص

الله يوفقك بكل خطوه وام تشوف شر انشالله

لك الشكر

اخوي qahtanias......

تسلم يالغالي ماقصرت الله يوفقك.

يعطيك ألف عافية على هالموضوع اللي استفدنا منه كلنا
أنت والشباب واستفاد منه كل شخص ناوي يروح

الله يسلمك ويكثر من امثالك

تكلم باسهاب يالله نفهم من القلق مانبيكم توقفون من الوصف

الف الف شكر لكم كلنا استفدنا مو بس صاحب الموضوع

تم وضعه في المفضله

مـعـذرة أخـي الكريم , ما حـدث لك كان تـجـربة شـخصية وما حدث كان خطأً من الملحقية . . .

لــكــن الأصـــل أنّ الـمـلـحـقية تـسـقبل الطّـلاب المُـبـتعـثـين على كـافّة الرّحـلات الدّولية . .

الطالب الذي يـرغب في أن يقوم مندوب المٌـلـخـقية الثقافية بإستقبـاله عليه فـقـط تـعـبـئـة هـذا :: الــــــنــــــمـــــــوذج ::

** MaMdOuH **
مشكور اخوي على التنبيه .. هو فعلا الاصل الملحقيه هي اللي تستقبل الطلاب , بس اللي حصل معي غير كذا, مع أني عبيت نفس الفورم اللي انت أضفته قبل الوصول باسبوع .. أن شاء الله يكون الخطأ صار معي بس .. بس ياليت الجميع ينتبه أنه ممكن يصير له زي اللي صار لي ..
بالتوفيق للجميع و اعتذر عن اي خطأ ..