كم يكلف اول شهر في امريكا ؟؟ كم المبلغ لاي لازم يكون معي ؟؟

السلام عليكم

انا قريبا بكون في امريكا للدارسه بأذن الله تعالى في ولاية اوهايو ومدينة سنسناتي

فاحب استفسر كم احتاج مبلغ عشان اخذه معي في الشهر الاول ؟؟

اتمنى تفيدوني

تقبلو فائق تحياتي واحترامي

نفس السؤال موجه للاعضاء


بس انا بساندييغو وابكون فيها بعد اسبوع ان شاء الله

كم المبلغ الي يكفيني ؟

اضن انو ممنوع تدخل امريكا ومعاك كاش اكثر من 10 الاف دولار
فـ اخذ معاك اقل من هالمبلغ و اول ماتروح افتح لك حساب و خل احد يحول لك
او استخدم الفيزا او الماستر كارد .

الي سمعته من الشباب لابد يكون معاك من 3000 إلى 5000 آلاف دولار غالبا يكون هذا المبلغ كافي

اتصلت على وزاره التعليم العالي

نصحني واحد على التلفون اني اروح اول على حسابي وادخل الجامعه وادرس لمده 30 ساعه بعدين يضموني للبعثه ففتره الثلاثين ساعه هذه كم تاخذ مني مبالغ وكم شهر وشكرا

اقتباس:

---

المشاركة الأصلية كتبت بواسطة Ray2theA

اتصلت على وزاره التعليم العالي

نصحني واحد على التلفون اني اروح اول على حسابي وادخل الجامعه وادرس لمده 30 ساعه بعدين يضموني للبعثه ففتره الثلاثين ساعه هذه كم تاخذ مني مبالغ وكم شهر وشكرا

---

فالنفرض انك بتخلص اللغة بسنة .
و بتخلص كل الـ30 ساعه في سنة .
يعني اقل اقل شي بتخلصها في سنتين .

فـ موب اقل من 200 الف ريال

بس انت جيب قبول معهد و قبول مشروط من جامعة و اول ماتروح اطلب الحاق في البعثه من الملحقية وان شاء الله انهم يضمونك قبل ماتخلص اللغة .

في قريه كانت المصاريف اول شهر
500 دولار سكن + 500 دولار مصاريف ناشفه يعني بس المهمه + 500 دولار توابع من كتب ومواصلات + 1500 دولار رسوم شهر للمعهد
يعني 3000 دولار يعني تقريبا احدى عشر الف ريال بس زي ماقلت قريه يعني مافي اي مصروف ترفيه او تمشي او غيره بس المهم

الله يعينك بس يعني بيكلفك كثير بس الله يعينك.ـ

يعتمد على السكن.. هنا عادة السكن ياخذ تأمين إذا وقعت.. وبعد الشقق تاخذ أيجار آخر شهر إذا كان إيجارك سنوي..

عادة أول شهر يكون مكلف.. فإجسب حسابك على حدود الـ 5000 دولار..

بين 1000 إلى 1500 سكن مع التأمين وإيجار أخر شهر..

200 دولار أغراض للشقه..

1000 مواصلات وفنادق لأول كم يوم..

500 معيشه..

الباقي معهد وكتب..

طبعاً هذي حسبة على الحد الأعلى..

بالنسبة إذا كنت راح تدرس أنجليزي سنه.. وبعدين 30 ساعه.. فراح يكون المبلغ تقريبا 200 ألف ريال.. يعتمد على تكلفة المعهد والجامعه والسكن.. الله يعينك أخوي ويسهل أمورك..

ياشباب فهمتوني خطأ

انا مبتعث اصلا بس ابي اروح اشوف مصاريف اول شهر اروح فيه كم ؟؟
يعني اخذ معي كم مو عارف ..\

وهل البعثه توفر لي المبلغ نهاية اول شهر اروح فيه البعثه ولا كيف ؟؟


اتمنى تفيدوني