ارجوكم محتارة وابيكم تساعدوني
السلام عليكم ورحمة الله جميعا....اتمنى الكل بخير..أنا عضوه جديده في المنتدى وهذا اول موضوع لي فيه واطلب فيه مساعدتكم لأني فعلا بحاجه لها...أنا مقبله على الابتعاث وراح اوصل امريكا خلال عشره ايام بحول الله...طبعا الى الان مادبرت السكن لأني ماعرف وش افضل الأماكن وانا صراحة اول مرة اسافر لأمريكا. أنا جامعتي في واشنطن دي سي بس من كثر ماقريت في المنتدى ان الناس ماتمدح في السكن في واشنطن دي سي نفسها، صراحة خفت. أنا الجامعه الملتحقه فيها هي جورج تاون وابيكم اللي يعرف اماكن للسكن ارجوكم لا تبخلون علي دلوني على مناطق تكون حلوة وامان واهم شي الأمان صراحة وماتكون بعيده جدا عن الجامعه.
أشكركم جزيل الشكر...وجزاكم الله كل خير
رد: ارجوكم محتارة وابيكم تساعدوني
صباح الخير اختي
الله يوفقك ويسهل دربك يارب
انا ان شاء الله ماشي بعد 9 أيام لواشنطن ( 9 اغسطس ) بإذن الله ومن واشنطن الى ساندييغو مدينة الدراسه والسكن للحين ما جهزته ولا راح اجهزه
حتى اوصل
لانه سمعت ناس كثير وكثير قالوا لا تستأجر الحين ,, استأجر لما توصل افضل واضمن وعشان تشوف السكن وهل انت مرتاح له والا لا ولا يغرك الصور اللي بالنت تراهم مبالغين شوي ,,,
فنصيحه لك ,, اذا وصلتي واشنطن شوفي لك موتل صغير واستأجري فيه يومين ثلاثه اربعه الى اسبوع ماعندك مشكله ,, لما تشوفين لك سكن ,, وان عجبك السكن خوذيه فتره شهر او اكثر ,,
لان طريقة السكن عندهم عقد وتلتزم بالعقد ,, مثلا تتفق مع سكن غرفتين وصاله ومطبخ وحمام بـ 700 دولار لمده شهر ,, لو ماعجبك من ثاني يوم وتبي تطلع ,, راحت عليك الـ 700 دولار ولالك حق ترجعها ,, عشان كذا اقول انتبهي للسكن ولا تاخذين لما توصلين وترتاحين له
اتمنى لك التوفيق ان شاء الله
تحياتي
رد: ارجوكم محتارة وابيكم تساعدوني
أشكرك جزيل الشكر اخوي فوتو غرافي....انا اطلعت على اكثر من موقع خاص بالشقق هناك وشفت فيه اشياء عجبتني بس بصراحة ماقدرت اغامر واحجز سكن...لازم الواحد يشوف بنفسه ويتأكد من المنطقه بعينه.
أشكرك على ردك واتمنى لك التوفيق والنجاح ان شاء الله
رد: ارجوكم محتارة وابيكم تساعدوني
السكن فيه مخوقع انا اجيبو لكي راح تختاري السكن وتجزي بالنت اسمو هوم فملي وانا بتاكد واجيبو
رد: ارجوكم محتارة وابيكم تساعدوني
أهلا أختي بدون اسم أنا كمان راح أدرس بمعهد اللغة حق جورج تاون ان شاء الله و دراستي تبدأ 31 أغسطس و راح أسافر يوم 21 أغسطس....
بالنسبة للسكن أنا زيك مررة محتارة وين أسكن بس لمن سألت كلهم يقولولي لا تسكني بواشنطن أسكني في فيرجينيا و أفضل سكن في مدينة أرلينجتون بفيرجينيا و الله يعينك على الدوام في المترو كل يوم
بس بصراحة أنا لمن شفت أسعار السكن لقيتها مرة غالية مثلا غرفة و صاله بحوالي 1600.. و أنا بصراحة محتارة أسكن بهالسعر أو لا و يمكن راح أضطر و ابعد يعني ما أسكن في أرلينجتون أسكن بالاسكندرية أنا شفت أسعارها أرخص..
أمممممم
بس عموما أنا أقول أفضل حل أنك تسكنين بفندق هناك مؤقتا ألين ما تلقين سكن..
و بالتوفيق
رد: ارجوكم محتارة وابيكم تساعدوني
هلا والله ..
يارب توصلين بالسلامة .. والله يوفقك ..
بعطيك نصيحة قبل لا اقول لك عن السكن :: لا تحكمين مدينة من كلام الاعضاء .. اذا وصلتي لها وفيها واحكمي عليها .. لأن الناس تختلف في الاذواق .. واختيار الولايات .. فالكل يمدح ولايته .. ويذم باقي الولايات
يعني لا تشيلين هم الولاية
- - - - - -
اما بخصوص السكن .. اول ما توصلين احجزي لك في فندق .. 3 او 4 ايام .. على بال ما تروحين للمعهد وتشوفين السكن بنفسك وتحكمين .. يعني نصيحة لا تاخذين سكن العائلة الا بعد وصولك وتشوفين بنفسك السكن .. واذا سكنتي مع عائلة .. خوذي شهر بـ شهر ..
مو عقد 6 شهور او سنة .. لأن يمكن ما يعجبونك بعد مدة .. وتضطرين تغيرينهم .. وتصير فلوسك اللي دفعتيها راحت عليك
علشان كذا انصحك شهر بشهر .. لا تشوفين نفسك مرتاحة وقتها عاد قرري
وهذا موقع يعطيك الفنادق و تشوفين صورها واسعارها .. وتحجزينها وانتي بمكانك .. الموقع مجرب شخصيا .. وواثق فيه الحمدلله
تحطين بس متى موعد وصولك وكم المدة اللي بتقعدينها في الفندق .. وهو يطلع لك جميع انواع الفنادق الحلوة وصورها بعد
http://www.booking.com/
الله يوفقك ويسهل عليك برحلتك وتعجبك ولايتك بعيد عن انتقادات الاعضاء :)
رد: ارجوكم محتارة وابيكم تساعدوني
أخوي رافع الراس...اشكرك على ردك ومساعدتك جزيل الشكر..
واختي My Name....مررررررررره انبسطت انك بنفس الجامعه بس انا راح ابدأ ماجستير على طول ماراح اكون في المعهد :(
واخوي الزعيم لامبارد....اشكرك جزيل الشكر على نصيحتك والموقع..أنا فعليا قمت بحجز اوتيل لمدة اسبوع...وان شاء الله يكفيني الأسبوع في اني الاقي سكن...بس نصيحتك اني استأجر لمدة شهر ممتازة لحد ما أتأكد وارتاح للمكان وهذا الشي اللي راح اسويه بحول الله.
أشكركم جميعا جزيل الشكر...أسأل الله التوفيق لكم ولي :)
رد: ارجوكم محتارة وابيكم تساعدوني
^^ الله يوفقك يارب .. وتوصلين بالسلامة . وترتاحين بمدينتك ^^
موووفقة :)
رد: ارجوكم محتارة وابيكم تساعدوني
الله يسلمك اخوي الزعيم لامبارد ويجزيك خير على الدعاوي الطيبه والله يوفق الجميع يارب :)