محتاجة مساعدتكم محتارة بعثة جامعتي او بعثة الملك

أول شيء اللي قالك كندا افضل من أمريكا
مه احترامي له شكله ما عمره سافر ذا

كندا أقوى في الطب فقط ,,,!

اما مسكلتك مع جامعتك ومع بعثة الملك .. ما فهمتها .!

لايمكنك التسجيل في بعثات الملك عبدالله للمرحلة الخامسة
وذلك لوجود شرط ( ألا يكون المتقدم شاغلاً لوظيفة حكومية)
http://kas.mohe.gov.sa/kas5/
وبخصوص احضار القبولات فإذا سبقك احد للإبتعاث من جامعتك ممكن تراسليه
موفقه

هلابك اخوي لامبارد

بالنسبة لتخصصي احياء دقيقة يعني فيه مجال اني اكمل ماجستير بتخصص طبي

انت شخصيا ً كونك مبتعث لامريكا وفقك الله تعتقد من خلال تجربتك امريكا افضل؟؟؟

اما مشكلة جامعتي اني انا معيدة بجامعة الباحة وبالتأكيد فيه ابتعاث لي تتحمل كافة مصاريفه جامعة الباحة اللي تبتعثني

يعني انا عندي فرصة اني اقدم على بعثة بعيد عن بعثة الملك عبدالله لكن من خلال جامعتي واطلب من اي مكتب يبحثلي عن القبول

واعتقد كمان بيدي فرصة اني اقدم على بعثة الملك عبدالله ...

فكنت ابي اعرف هل اقدر اقدم على بعثة الملك عبدالله حاليا ً الى حين ما تتيسر امور بعثة جامعتي ولا لا

لأن البعثة من خلال المرحلة الخامسة الموجودة حاليا ً مافيها متطلبات كثير مبدئيا ً الى ما يتم قبولي اذا شاء الله

لكن بعثة جامعتي فيه شوية معاملات واوراق لازم اخلصهم وعاد اجلس انتظر الين ما يجي القبول وعلى هالحال وانا خايفة ما يجي القبول اصلا بالتالي اتأخر على الدراسة واكون روحت علي فرصة التقديم على بعثة الملك ...
فسؤالي بعد هاللف والدوران اللي يجيب الدوخة

في حال اني قدمت على بعثة الملك عبدالله ومشيت اموري فيها باذن الله هل بامكاني بعدين احول على بعثة جامعتي يعني كامل مصاريف البعثة ومسؤولياتها تكون على جامعة الباحة اللي اشتغل فيها معيدة هل هالشي ممكن او لا؟؟؟


وجزيل الشكر لك اخوي الزعيم على المرور والرد

يعني هذا جواب نهائي مافيه شي منّا ولا منّا ؟؟؟


المشكلة انه محد سبقني لشي الا بعض الصديقات اللي راحوا لبعثاتهم الله يوفقهم وينجحهم من المرحلة الرابعة يعني خلاص بكالوريوس وعلطول ركبوا الطيارة الله يردهم بالسلامة

الفوهر .... جزاك الله خير اخوي ويعطيك العافية

انا ما اعتقد امريكا هي الافضل

الا لأني حكمت من واقع تجربة طلاب كندا وما يعانونه مع تعلم اللغة الانجليزية بالذات

انا تخصصي طبي .. ولكن فضلت أمريكا على كندا من ناحية الدراسة والمعيشة والشعب هو الافضل على مستوى العالم

علاوة على ذلك .. تخصصي بعد ما بحثت عنه في جامعات كندا .. لا يوجد الا في جامعة وحدة

اما في أمريكا يوجد في 46 جامعة .. الفرق واضح ..

انا انصحك تقدمين على بعثة الملك عبدالله .. لحين ما تتيسر اوراقك ان شاء الله ..

ومن رايي ما اظن فيه بعثة بمواصفات ومقاييس بعثة الملك .. من ناحية المكافآت والتأمينات والاشياء الاخرى

هذا رايي .. وتخصصك بالنسبة للعنصر النسائي .. بالتأكيد مطلوب ..

واذا كان جوابي لا يشفي غل اسألتك .. فيه قسم يختص بالمعيدين وبعثاتهم واسألتهم

هنا

http://www.mbt3th.us/vb/forum118/

جزاك الله خير اخوي كفيت ووفيت وما قصرت

الله يعطيك العافية ويوفقك

اانا متخرج من امريكا و راجع لها ان شاء الله لتكملت الدراسة يوم الخميس القادم

امريكا افضل لكثرة الجامعات و كثرة الولايات و فرص القبول فيها افضل و المعيشة ايضاً

بالنسبة للبعثة اتوقع من الجامعة افضل لان فيها تستلمين نصف راتب معيدة زيادة على مكافاءة المبتعثين
وتنحسب لك سنوات الدراسة كخبرة و عملك عند رجوعك مضمون ان شاء الله

ممكن تكتبين التخصص المطلوب في الماجستير حتى افيدك اكثر؟

جزاك الله خير اخوي ابو قصي

بالنسبة لي تخصصي Microbiology احياء دقيقة



اتمنى اكمل مثلا ً بتخصص مناعة او وراثة او حتى تخصص طبي يكون نادر


عن نقطة انه الوظيفة مضمونة باذن الله يعني اذا انا قدمت على بعثة الملك عبدالله وقدمت استقالتي بطبيعة الحال عن وظيفتي الحالية مستحيل اني ارد اشتغل بنفس الجامعة
وفيه سؤال ثاني بالنسبة لعودتك الآن لأمريكا هل تلاقي صعوبة في حال اذا ما كنت تدرس مثلا ً ورجعت لبلدك في اجازة هل تلاقي صعوبة في عودتك لامريكا بعد الاجازة لأن وصلني ان فيه ناس طلعوا للسعودية باجازات وراحت عليهم الدراسة لأنهم ما قدروا يرجعون او يطلعون الفيز يعني وصلني انه فيز امريكا احيانا ً صعبة جدا ً

الله يوفقك واعذرني على طول الأسألة

هلا اختي انا بعد اوافق كلام الاخ ابو قصي وانت معيدة افضل بكثييييييير لان بعثات الملك بترجعي بلا وظيفة وغير كذا من شروطها مو موظف فتروحي بوظيفة ابرك مليوووووون مررررررة وبالعكس الجامعات ماتتاخر ذاك الشي اهم شي جيبي قبولاتك وارفعيها واتكلي على اللله اما بالنسبه لاستفسارك ايهما افضل فانا بعد في حيرررة لكن ارى امريكا افضل وبالتوفيييييييييييييق