ساعدووني بخصوص الماجستير الفيزياء الطبية...

مرحبا

انا سجلت بالبعثة حقت المرحلة الخامسة...

واخترت ماستر الفيزياء (مع اني الماجستير بكبره ماني عارف وشلوون)...واخترت من ضمن الدول وهي اول خيار..امريكا..وان شاء الله ربي بيسهلها

ودي اسال..

كيف طريقة الماجستير...في امريكا؟..سمعت انه في جامعات برسالة وفي شي بغير رسالة

وانا صراحة مافهمت هالنقطة..وانا ناوية اتخصص ان شاء الله فيزياء طبية

ياليت احد يفهمني بالضبط كيف دراسة الماجستير

هل هي مقررارت وبعدها اخر سنة اسووي بحث؟ ولاشلووون

لاني بجد ضايعة


وياليت اذا كان فيه احد نفس تخصصي يساعدني..باحسن الجامعات...؟؟


والله يوفقكم ويسهل اموركم جميعا

الماجستير في أمريكا هو كورسات (coursework ) وفي مسارين للماجستير (بالنسبة للتخصصات العلمية والطبية) إما انك تختارين :

Thesis option -1 ( رسالة ) : وهو أنك بعد ما تخلصين من الكورسات الأساسية تشتغلين على بحث ويعدين تكتبين الرسالة وتناقشينها وهذا المتطلب يكون اخر شي وإذا أجتزتيه تحصلين على درجة الماجستير.

2- Non- Thesis option : وهذا ما فيه رسالة أو بحث . تخلصين الكورسات المطلوبة منك في الماجستير وبعدها تختبرين إختبار شامل (Comprehensive exam) وإذا أجتزتيه تحصلين على الماجستير.


Non-Thesis option مهوب متوفر في كل البرامج أدخلي على موقع الجامعة وعلى البرنامج وشوفي إذا متوفر ولا لا .


بالتوفيق,,,

مشكوررر اخوي بس ايهم الافضل...اللي برسالة ولااللي بدوون؟؟

وبالنسبة للخيار اللي فيه رسالة...هل بحث متعب وصعب..ولاسهل؟؟

انا صراحة متخووفة من سالفة البحث اخخاف اسوي بحث ومايعجبهم ويضيع تعبي سدى>>>متعقدة من بحث التخرج


وصح لو ماعجبتهم رسالتي ...فيه رسوووب ولاش السالفة؟؟؟

أنتي الي تحددين أيهم أنسب بالنسة لك إذا كنتي ناويه تكملي دكتوراه أو تشتغلين في مجالات بحثية أنصحك تختارين Thesis عشان تتعودين ويكون عندك فكرة كيف تنعمل الأبحاث.

Non-Thesis option هذا ممكن تختاريه إذا كنتي تبين الماستر terminal degree (يعني ماستر وخلاص ما تبين تكملين)

وبالنسبة للبحث هل راح يتعبك ولا لا هذا كله يعتمد على ال advisor (مشرف البحث) هل هو شخص معقد ودائما مشغول ومايفضى أو أنه حبوب ومتعاون إلى أبعد درجة .
اما بالنسبة لأنك تخافين أن بحثك ما يعجبهم (الدعوة مهب كذا خبط لزق!! )>>>> أجل مشرف البحث وش يسوي!!!! . أنتي أصلا ماراح تشتغلين على البحث لحالك راح تشتغلين مع المشرف على بحثك في المجال الي هو شغال فيه و المشرف على بحثك هذا وضيفته أن يشرف عليك ويرشدك كيف تشتغلين على البحث والموضوع الي راح تشتغلين عليه.
الرسوب والنجاح هذا يكون في مناقشة الرسالة وأصلا المشرف على بحثك لازم يعطي موافقه أنه خلاص بحثك أكتمل وانت جاهزه للمناقشة في الموضوع الي أنتي كنتي تشغلين فيه والمناقشة تكون حول الي أنتي أشتغلتي عليه وإلى إيش توصلتي بعد هل القترة الطويلة من البحث. يعني بالعربي :هل انتي ملمة بالموضوع والمجال إلمام كامل ولا لا و بعدين أصلا المشرف على بحثك أهم ماعليه سمعته لأنه لو طالب الدراسات العليا أنهى البحث وما طلع بالمستوى المرجو فهذي تسيئ لسمعة المشرف على البحث أولا ( يعني كان هناك تقصير من جانبه في الإشراف) أما إذا كان التقصير من الطالب ولم يتبع التوجيهات فهنا المشرف ماله دخل


بالتوفيق,,,,

مشكور اخوووي

وربي يعطيك الف الف عافية

ويسهل لك كل امورك يارب ياكريم