الأعضاء الإشتراك و التسجيل

الملتقيات
ADs

قبل الاقلاع الى واشنطن , وش يتوجب علي ؟ , ووش الخطوات اللي لازم اسويها بعد الوصول

قبل الاقلاع الى واشنطن , وش يتوجب علي ؟ , ووش الخطوات اللي لازم اسويها بعد الوصول


NOTICE

تنبيه: هذا الموضوع قديم. تم طرحه قبل 3090 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية one H
    one H

    مبتعث مستجد Freshman Member

    one H الولايات المتحدة الأمريكية

    one H , ذكر. مبتعث مستجد Freshman Member. من موريتانيا , مبتعث فى الولايات المتحدة الأمريكية , تخصصى بكالوريس , بجامعة قريب ان شا الله
    • قريب ان شا الله
    • بكالوريس
    • ذكر
    • قريب ان شا الله, قريب ان شا الله
    • موريتانيا
    • Aug 2009
    المزيدl

    August 5th, 2009, 12:45 PM

    السلام عليكم ورحمة الله وبركاته ..

    اتمنى كل من عنده علم بهالامور انه ما يبخل علي بمساعته لي بسبب حاجتي الماسه للمساعده والله , وتقريبا باقي شهر على رحلتي لـ واشنطن , اللي بقعد فيها يومين بعدها بسافر لولايتي ..

    انا طالب بكالوريس - اعزب .. ومبتعث عن طريق التعليم العالي مثل البقيه ..

    السؤال الان :- حاليا مامعي الا قرار الابتعاث وتذاكر السفر ! , كيف اذا وصلت هناك ووين اروح ! ومن يستقبلني ؟ , هل الملحقيه عندها علم فيني او اني لازم اخبرهم ؟

    وكيف راح يعاملوني كـ مبتعث , يعني كيف دفع تكاليف الدراسه للجامعه وكيف يصرفون لي المكافأه و و و ..

    ووش أسوي بعد الوصول لـ واشنطن , لازم اروح السفاره ؟ .. ووش الخطوات يعني بما اني اول مره اوصل امريكا وابدا مرحة الدراسه !؟

    اسئله تدور ببالي وبس افكر فيها هاليومين ..

    أتمنى ما تبخلون علي وتفيدوني قدر ما عندكم .. وبكون شاكر لكم لـ يوم الدين ..

    شكراً ..
  2. اوكي يعطيك العافيه وقريت الموضوع وردوده لكن :-

    ما لقيت جواب حول الطلاب المبتعثين وكيف اجرائاتهم وكيف ان التعليم العالي يدفع تكاليف الدراسه للجامعه والمعهد وكيف صرف المصروف للطلاب ؟ < هالامور وين اخلصها وكيف ؟ يا ليت توضح لي هالشي

    الشي الثاني , انت تقول بالتفتيش فيه a-b-c .. تقول a اتركه ورح على b او c ؟ .. صح ولا لا ؟ ..

    الشي الاخير مقر الملحقيه , هي بجنب السفاره ؟ ..
    7 "
  3. one H
    بصراحه مش متأكد إذا فهمت سؤالك بشكل صحيح أو لا بس اعتقد المقصود الاجراءات اللي مفروض تكملها ؟
    راح أحاول اجاوبك .. بالنسبة لقرار الابتعاث هو يعني انك صرت مبتعث , بس ينقصك شي واحد و هو الدخول لدولة الابتعاث عشان تبدى الوزارة تدفع لك المكافأة الشهرية .. عشان كذا لازم تمر على الملحقية الثقافية بواشنطن - اللي موجودة بجنب السفارة السعودية في مبنى وتر قيت كموبلكس - , لما توصل هنا بالسلامة راح تعطيك الملحقية خطاب للجامعة او المعهد ان الطالب الفلاني نتكفل بجميع مصاريف دراستة , فبعد كل ترم راح ترسل الجامعة او المعهد المبلغ المطلوب للملحقية و الملحقية تدفع التكاليف . أنت كطالب كل اللي راح تسويه هو تعطي هذا الخطاب - اسمة الضمان المالي - للمعهد في اول يوم دوام في المعهد او الجامعة فقط . عشان كذا الطلبه المبتعثين لابد يمرون الملحقية عشان ياخذون الخطاب , طبعا فيه اشياء ثانية مثل بطاقة التأمين الطبي و تعريف بالراتب راح تصدر لك لما توصل واشنطن بإذن الله..
    بالنسبة للمكافأة راح تصدر لك من يوم صدور قرار الابتعاث , بس لازم تفتح حساب في امريكا و تعطيه للملحقية عشان ينزلوا فيه المكافأة , لما تجي الملحقية راح يعطونك التفاصيل و ايش تسوي بالضبط ..
    بخصوص تفتيش الجمارك , نعم فيه A , B , C طبعا مواطني الدول العربية بما فيها السعودية مفروض يمرون في التفتيش B اللي راح يسجل معلوماتك و بنفس الوقت يشيك عليك , ممكن الموظف يسأل أسئلة عن أي شي و انت مطالب تجاوب عليها , هذا الشخص مخول تماما أنه يمنعك من دخول الولايات المتحدة لو أحس انك تشكل خطر على الأمن .. بس غالبا لو سأل راح تكون اسئلة من الفورم , ما ابيك تخاف او ترتبك الموضوع اسهل بمليون مرة من المقابلة - اللي هي سهلات زي ماشفت - .. بالنسبة لي ما سألني اي سؤال سجل اوراقي و قالي تفضل بدون حتى ما يلمس الشنطه ..
    أهم شي تكون هادئ و متبع النظام , واثق من نفسك و متوكل على الله ..
    السؤال الثالث عن موقع الملحقية نعم بجنب السفارة , بس على فكرة السفارة في قلب واشنطن قرب لينكون موموريال تعتبر منطقة راقية جدا بس غالية حيل , عشان كذا افضل انك ما تسكن فيها , الملحقية زي منت عارف توفر لك النقل في واشنطن حاول تستفيد منهم , بس مو عاد تقول لهم ابي تمشوني !! غير كذا هم متساعدين مرة ..

    اتمنى و ضحت لك الامور لو فيه اي استفسار انا حاضر .. بالتوفيق لك ..
    7 "
  4. يعطيك العافيه اخوي على حسن تجاوبك معي , وضحت لي كل شي بخصوص الاجراءات مع الطلاب الجدد المبتعثين .. وجزاك الله ألف خير ..


    لكن سؤال بخصوص التفتيش , انا معاي جهاز لاب توب وفيه برامج مثبتها منسوخه يعني مو اصليه < انا ناوي قبل ما امشي افرمت الجهاز وانزل وندوز وبرامج اصليه , وطبعا ارجع بعض الملفات اللي كانت بالمستندات < ملفاتي الخاصه < الصوتيه والصور والفيديو ..
    بكذا تتوقع ما راح اواجه مشكله بخصوص تفتيش الاجهزه حول البرامج المنسوخه ؟ .. ووش تنصحني بهالشي لاهنت ..

    الملحقية زي منت عارف توفر لك النقل في واشنطن حاول تستفيد منهم , بس مو عاد تقول لهم ابي تمشوني !! غير كذا هم متساعدين مرة ..
    هالنقطه مافهمتها , كيف توفر لي النقل وانا سامع انه السكن في واشنطن على حسابي < حتى فيه فندق قريب من المطار ويقولون انه اكثر الطلاب المبتعثين يسكنون فيه لين يخلصون اجراءاتهم
    ويقولون بعدها اطلع بتكسي لمقر السفاره او الملحقيه , وبعدها قابلهم هناك
    ^^
    يعني من هالكلام ان الملحقيه ما تدفع لي ولا شي بخصوص النقل والسكن !

    ولا؟
    7 "
  5. الله يعافيك ..
    بالنسبه للسكن انت اللي تدفعه , أما النقل من السكن - اتكلم عن الفندق اللي جنب المطار- الى الملحقية , هذا الملحقية توفرة عن طريقهم , يعني ما تدفع فيه شي ذهابا و ايابا .
    أما البرامج المنسوخة او الاغاني او الافلام اللي مش اصليه , فياليت تتخلص منها قبل توصل هنا . الموضوع مش مستاهل تتاخر او تصير لك مشكلة - لا سمح الله - على شانه , توكل على الله و تخلص منها و اتمنى لك التوفيق ..
    7 "
  6. الفكرة في التفتيش مش التشييك على البرامج فقط , الفكرة هي عدم وجود اي مواد تنتهك قوانين حقوق الملكية الفردية ..
    الاغاني و الافلام و الكتب و البرامج اي شي يخطر ببالك يندرج تحت هالقوانين , لما تنزلها من النت بدون موافقة صاحب الفكرة انت مخالف للقانون و تستحق العقاب ..
    المفروض تنتبه لهالشي سواء في المطار او حتى في اي مكان داخل امريكا .. أذكر قبل فترة حكم قاضي على شخص نزل أغنية واحدة فقط من النت بأكثر من سبعمائة الف دولار غرامة !!
    الموضوع هذا في امريكا بالذات , مافيه مجال للمساومة ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.