باتل من حائل وداخل يبي تفسير ضروري جدا" ربي يحفظكم ..

اقتباس:

---

المشاركة الأصلية كتبت بواسطة باتل الشمري

يالربع دورو لي على جامعه تخصص ابلايد وهذا زبده الكلام

ياعين هلي دمعك اليوم يا عين ............

---

مسكين يابو ساااامي :D

لا تدمع عينك يا بعد حيي ولا شي

ابشر بسعدك هذا انا جالس افرفر لك بموقع الوزاره عن الجامعات الي عنده ماستر ابلايد

عطن دقايق عشان اشوف لك واحط لك كل الجامعات الي عنده ابلايد بولايه انديانا الا اذا انت تبي ولايه غير
فحدد لي الولايه الي تبي وابشر بسعدك ياحيي

باااااك للمره المليووووون

باتل نفلت لك موقع الوزاره نفل
وجبت لك كل الجامعات الي بولايه انديانا وتعطي ماستر ابلايد ولانقوستكس لاني بصراحه ما اعرف تخصصاتكم يا ربع الانجليزي هههههههههه
بس الي اعرفه انهم يقولون TESOL امتع واسهل و اوسع بالمجال الوظيفي بس مدري انتم ادرى

حدي Computer Science و IT و شبكات وهالطقه هههههههههههه

و حصلت لك تخصص بنفس الجامعه الي انا ذكرته لكم Ball state غير التخصص الي قالته لموووو

ولقيت عندهم تخصص Dance تسان تبي نسجل بوه انواع الزفن هههههههههه

على العموم القائمه اختر الي يجوز لك واذا ما جاز لك شي قلي الي تبي وابشر بسعدك


--------------------------
الجامعه:

BALL STATE UNIVERSITY

التخصص

Linguistics

موقع الجامعه

Ball State University - Home

--------------------------
الجامعه:

INDIANA UNIVERSITY - BLOOMINGTON

التخصص

TESOL & Applied Linguistics

موقع الجامعه

Indiana University

--------------------
الجامعه:

INDIANA UNIVERSITY - BLOOMINGTON

التخصص:

Linguistics

موقع الجامعه:

Indiana University

--------------------

الجامعه:
INDIANA STATE UNIVERSITY

التخصص:

Language & Linguistics

موقع الجامعه:

Indiana State University : More. From day one.

------------------------

الجامعه:
PURDUE UNIVERSITY - MAIN CAMPUS

التخصص:

Linguistics

موقع الجامعه:

Purdue University



ان شاء الله اني قدرت اساعدك لو بشي بسيط

تحيتي

هلاااا وغلااا باتل ..

بخير الحمدلله .. ربي يسلمك ولايخسرك يارب على هالدبكه ..

أيه الحمدلله سجلت :)

طلع السيرفر عليه ضغط :weight_lift:

والله 19 ساعه وانا كل شوي محدثه والوضع على ماهو عليه :wallbash:

بس الحمدلله تيسرت ..

نرجع لموضوعنا المهم ..

بالنسبه لأنديانا حسيتها مثل جونا فرررررررق عن ويسكنسون ..

درجة الحرارة تصل لــ - 35 تحت الصفر ياااااااادافع البلاآآآآ :cold:

الله يكتب لنا الخيره ..

ألف ألف ألف مليوووووون شكر أخوي الفاضي ..

عز الله كفيت ووفيت ..ماقصرت يالغالي ..

والله مادري احس ان الموضوع معقد شوي بالنسبه لي

بس اعرف واحد درس ماجستير في استراليا تخصصه تعليم ابتدائي او ماشابه الي هو برايمري اديوكيشن

وهو الان مدرس في احد الكليات السعوديه وعلى حد علمي بانه يرغب في الحصول على ماجستير في تخصص ثاني في الادارة

والله يوفقه ويوفقنا ويوفقكم

وبخصوص هذا التخصص Dance اجباري في بعض الجامعات على ماعتقد دراسته لانه يعتبر مادة مهمه والله العالم

يصلح لك يالمو انواع فلة الشعر وطق الاصبع خخخخخخخخخخ

السلام عليكم
لقد قريت جميع المشاركات واشكرك على الابداع في جمع المعلومات القيمه والصحيحه 100% ولكن لدي ملاحظتان
1- الرجاء خاص عدم الخروج عن صلب الموضوع كثيرا كي لا تحذف المشاركه مع احترامي الشديد للجميع
2- معهد جامعه يوتا في مدينه سوت ليك هو من اسوء المعاهد وتم رفع فيه محضرين شكوى من الطلبه السعوديين والنتيجه المحضر الاول كان هو العنجهيه من قبل الاداره وتم الاكتفاء بوعد منهم بتغير سياستهم مع الطلبه السعوديين
اما النتيجه المحضرالثاني فيه تحت الاجراء ولم يبت في الامر ولكن يوجد احتمال كبير بوقف ارسال الطلبه اليه
ولكم مني اجمل تحيه:showoff:

السلام عليكم ياشباب

الفاضي ربي يبارك فيك وبمجهودك عسى الله يحفظك ويوفقنا وياك لكل خير
ومليوووون شكر ولو ان ردي متأخر ولاكن تو اوصل لحايل ..

توليدو78
مشكور الف على التنبيه والعذر والسموحه والقصد من سواليفنا وطرحنا لردود
هو المعرفه التامه بالولايات لو بالطريقه التقليديه عندنا وهي - الكلام العامي مع طرح
بعض الفكاهات بالمووضووع .


الله يعاااااافيكم كلكم ويحرسكم لعين من يرجي نفعكم

اقتباس:

---

المشاركة الأصلية كتبت بواسطة LamoOo

والله أحسبك انقلش دبارتمنت !!! << برااااا وش جايبك عندنا !!!

<< ( والله العنصرية عندنا ماهي عند أمريكا :disgust: ) << ماله خاتمه :sweatdrop:

أن ماشالك الموضوع يالفاضي ! عيوني تشيلك << عنصرية لأهل حايل :thumbsupup:

بس ماقلت لي خريج جامعة حائل !!! ( كلية ) ! تخصص !

---

اوووووووووماااااااااااااااا انقلش دبارتمنت الله لا يقوله خخخخخخ

ياملي انا ميولي كمبيوتريه الله يصلحن ان شاء الله

وبالنسبه للمعلومات الي جمعتها ان شاء الله انه صحيحه لاني ماني متاكد منه 100 %
ومثل ما قلت لتس قبل انا ما اقتنع الا اذا شفت بعيني او احد قالي انا رايح لكالمكان ;)

بس الحمد لله اغلب الكلام عن الولايه يمدحونها خصوصا كل ما ابعدنا عن العاصمه :thumbsupup:

اما بالنسبه لمدينه منسي يمدحونه مررررره بالحيل
وبالنسبه للجو فانا شبه متاكد انها ارحم من ويسكنسون
لانه لو اخذناها جغرافيا انديانا تجي تحت ويسكنسون فطبيعي راح تكون ادفى<<<<<على حسب كلام الجغرافيا اذا ما تبي توهقنا خخخخخخ

وهذي خريطه الولايات وشوفي وسنكنسون باللون البرتقالي فووووق وانديانا تحته يمين شوي بجنب الانوي

http://www.mbt3th.us/vb/imgcache/2/2...sh3er.imgcache



والى اللحين انا بانتظار التاكيدات

اوووووه نسيت اقولتس ايه انا خريج جامعه حائل كليه التربية المدمرين سابقا خخخخخخخ دفعه 25 ;)

تحيتي

اقتباس:

---

المشاركة الأصلية كتبت بواسطة Toledo78

السلام عليكم
لقد قريت جميع المشاركات واشكرك على الابداع في جمع المعلومات القيمه والصحيحه 100% ولكن لدي ملاحظتان
1- الرجاء خاص عدم الخروج عن صلب الموضوع كثيرا كي لا تحذف المشاركه مع احترامي الشديد للجميع
2- معهد جامعه يوتا في مدينه سوت ليك هو من اسوء المعاهد وتم رفع فيه محضرين شكوى من الطلبه السعوديين والنتيجه المحضر الاول كان هو العنجهيه من قبل الاداره وتم الاكتفاء بوعد منهم بتغير سياستهم مع الطلبه السعوديين
اما النتيجه المحضرالثاني فيه تحت الاجراء ولم يبت في الامر ولكن يوجد احتمال كبير بوقف ارسال الطلبه اليه
ولكم مني اجمل تحيه:showoff:

---

هلا والله بمشرفنا Toledo78 الله حيووووووووو

ابشر ولا يهمك يالغالي ما راح نطلع عن الموضوع
وانا اعتذر عني شخصيا وعن الشباب والشبابات المشاركين بعد
وبالنسبه للشطحات بالموضوع المقصد منه زرع الابتسامه اثناء قراءه الردود وايضا عشان ما يصير الموضوع ناشف مرررره فاذا حصلت هنا نكته وهناك تعليق راح يكون عادي عندك تتابع لو 100 صفحه لانك تكون مبسوط
اما اذا كانت ناشف مثل ما قلت سابقا راح تلاحظ انك من كثر قراءه الردود تمل

ادري تقول وش يبي هذا يتفلسف علينا :(

عموما اشكرك اخوي على التنبيه وحنا اسففين اذا شطحنا بقووووووه

تقبل تحيتي
اخوك

اقتباس:

---

المشاركة الأصلية كتبت بواسطة باتل الشمري

السلام عليكم ياشباب

الفاضي ربي يبارك فيك وبمجهودك عسى الله يحفظك ويوفقنا وياك لكل خير
ومليوووون شكر ولو ان ردي متأخر ولاكن تو اوصل لحايل ..

الله يعاااااافيكم كلكم ويحرسكم لعين من يرجي نفعكم

---

والله يالغالي ما سويت الا الي اقدر عليه والا الي ما اقدر عليه والله لو تنقز مانا مسوينه لك :sticktongue:

ان شاء الله اني قدرت افيدك بالي جمعت لك
واذا عندك ولايه مثلا وتبي اساعدك بالبحث عنه ابشر بعزك يالغالي او تخصص معين
تخبر فاضي لا شغل ولا مشغله

تحيتي