رد: تجمع طلاّب اللغويات Linguistics بكالوريوس ..ماجستير .. دكتوراة
ابومساعد شكرا على ردك
انا ماودي دكتواره في التيسول لأن الموضوع مايستاهل ٥ سنوات رساله عليه
افكر ب language acquisition
او لغويات تطبيقيه
او حتى Creative writing لأن خاطري اعمل بالصحافه ايضا وينفع معاهم
او semantics
Language assessment
Language development
Translation
يعني هالمواضيع ممكن اطبق عليهم رساله ٥ سنوات
عطيني رايك
وهل انت تعمل بنفس المجال ؟
رد: تجمع طلاّب اللغويات Linguistics بكالوريوس ..ماجستير .. دكتوراة
خمس سنوات دكتوراة ؟
الحين الي يبي يكمل دكتورة تيسول ياخذ خمس سنوات ؟
ماهو البرنامج ذو العلاقة باللغة الإنجليزية وبرنامج الدكتوراة فيه سنتين أو ثلاث بالكثير !
رد: تجمع طلاّب اللغويات Linguistics بكالوريوس ..ماجستير .. دكتوراة
عدد ساعات الدكتوراة أحيانا يختلف على حسب الجامعة فبعض الجامعات توصل ساعات الدكتوراة فيها
الى 90 ساعة مع الرسالة وبعضها أقل ..
رد: تجمع طلاّب اللغويات Linguistics بكالوريوس ..ماجستير .. دكتوراة
محتاجه اراءا اكثر بليز ساعدوني اكمل لغويات ولا اغير ل education
رد: تجمع طلاّب اللغويات Linguistics بكالوريوس ..ماجستير .. دكتوراة
موضوع جدا مفيد ..
جزاكم الله كل خير ايها القائمون عليه .. الله يوفقكم ويسهل اموركم ويسعدكم دنيا واخره ويفرج همومك ويفتحا بوجيهكم يارب
بس ما أحد يعرف اختبار احد يسويه ولا كويز يقدر يحدد فيه ميوله لاي تخصص في اللغة الانجليزية :/
والله احترت واحس خلاص تعبت وانا كل يوم لي رأي وتخصص !!
ارشدوني !
رد: تجمع طلاّب اللغويات Linguistics بكالوريوس ..ماجستير .. دكتوراة
Belle أنصحك تكملين في اللغويات أو التيسول لأنه مطلوبه بكثرررة في الجامعات
وعاد الرأي الأول والأخير لك ولكن حبيت أقدم لك هالنصيحة لأني إذا كنتي محلك
راح أسوي هالشيء واتمنى لكي التوفيق ..
رد: تجمع طلاّب اللغويات Linguistics بكالوريوس ..ماجستير .. دكتوراة
وهج إنتي وش تخصصك بالضبط؟؟
رد: تجمع طلاّب اللغويات Linguistics بكالوريوس ..ماجستير .. دكتوراة
أهلا أبو مسعد _ شكراُ لاهتمامك
أنا تخرجت من قسم اللغة الانجليزية وادابهآ هالسنة الحمد لله ،
وقدمت على ماستر في امريكا ، بس محتارة مدري وش أختار ووش المطلوب في السعودية _
انا عموماً ما أحب التدريس ، بس لو اضطريت يمكن ادرس بالجامعة ،
ودي بتخصص ينفع اداري واكاديمي بنفس الوقت !
عشان تتضح الصورة والميول ،
أنا احب الترجمة مره كـ علم ، ولاني استمتعت بدراستها في الجامعة .. واحس اقدر اكمل فيه دراسات عليا واضيف له لانه نادر اللي عندهم ماستر او دكتوراة في هالتخصص واجانب ..
بس فيه وحدة قالت بموضوع انها اخذت ماستر في الترجمة وماقدرت تتوظف فيها لانها ماتعتبر متمرسة الا بدبلوم لازم تاخذه .. وتقول في النهاية بتدرسون ، فأحسن شيء خوذوا التيسول ..
وبالنسبة للغويات ، ما أدري ماحبيته أبداً .. كله نظريات وشيء جامد فكان شيء غير ممتع بالنسبة لي
فيه مواد مثل السمانتك والمورفولجي والسنتاكس ، هذول حلوين مدري اذا يدخلون ضمن اللغويات .. بس اقصد المدراس والفيرست والسكند لانقوج اكوزشن ما أحبهم ابداً ابداً .. يدوخون الرآس ..
والتيسول كان حلو كدراسة بالنسبة لي وممتع وخفيف واقدر اضيف فيه .. ويمكن مطلوب
بس المشكلة انه تربوي ويحصرني في مجال التدريس .. وهو نفسه كتخصص محصور
وانا حابة اكمل في مجال اللغة الانجليزية واتعمق فيها والتيسول بيطلعني من هالجو لانه تربوي ،
طبعاً الادب مستحيل ادرسه مع اني احبة واحب النثر خاصة بس قالوا لي دكاترتي انه قسم ميت والخريجين منه كثار
فما أبغى اضيع وقتي فيه ..
وش رآيكم ؟
وعندي أستفسارين الله لا يهنيكم /
* هل اختياري لتخصص من تخصصات اللغة الانجليزية لدرجة الماجستير يمنعني من تكملة الدكتوراة في تخصص آخر للغة ؟
يعني لو اخذت ماستر في اللغويات أو التيسول وكملت الدكتوراة في الترجمة ، ينفع ؟
أو مثلا فيه برنامج ماجستير عجبني وهو مشترك في اللغويات والتيسول ، هل ينفع اخذه ثم أكمل دكتوراة في الترجمة ؟
* وهل الترجمة تتطلب كدكتوراة ، ماستر في الترجمة ؟
مره دوختكم بس أنا نفسي دخت وبصيح :/
الله يوفقكم ويسعدكم ، الموضع استفدت منه حيل _
وشكراً لكل رد أجبتوا فيه ع استفسار أحدهم ، كتبه الله في ميزان حسناتكم يآرب
رد: تجمع طلاّب اللغويات Linguistics بكالوريوس ..ماجستير .. دكتوراة
انا من وجهة نظري الشخصية اقسام اللغة الانجليزية ( لغويات - أدب - تيسول - ترجمة ) ينطبق عليها المثل
أينما أمطرت سيأتيك خراجها ! :)
لذلك ميولك هي الي تحدد لك مبتغاك بشكل اكبر ..
رد: تجمع طلاّب اللغويات Linguistics بكالوريوس ..ماجستير .. دكتوراة
السلام عليكم ورحمة الله و بركاتة
مني مصدقة ان في ناس كثير يبغو يدرسو مثلي TESOL !!! :D
مرة اتحمست :]
انا خريجت ادب انجليزي من جامعة الملك عبدالعزيز ..
و حابة اكمل ماستر في TESOL بلييييييز احد يساعدني ..
درجتي في ال ايلتس ٦ .. و ما ابغا جامعة فيها جي ار اي ..
و نفسي اقدم في بوستن أو شيكاغو أو بيتسيرغ ..
الله يخليكم اي احد يساعدني لأني مني لقيه قبول و خايفة البعثة تروح :(
جزاكم الله خير ..