تجمع Linguistics (Pure & Applied), TESOL, Translation بكالوريوس، ماجستير، دكتوراه

برنامج الملك عبد الله ؟؟

او الوزارة ؟

تنبيه هام بخصوص امتداد التخصص:
تلفت إدارة برنامج خادم الحرمين الشريفين للابتعاث الخارجي عناية جميع المرشحين والمرشحات الذين تقدموا للابتعاث في تخصص ليس امتداداً للتخصص السابق بأنه سوف يتم تعديل التخصص المطلوب للدراسة في الخارج إلى أقرب تخصص يتناسب مع التخصص السابق سواء قبل التقديم لإصدار القرار أو عند إصداره, وذلك وفقاً لمرئيات إدارة معادلة الشهادات الجامعية بالوزارة.

وزارة التعليم العالي - تعاميم
!!!!!!!!!!!!!!!!!!!!!

يعني الحمد لله نرتاح!

الله يسهل ..

طيب سؤال مهم

ايهم اسهل

البحث ام الكورسات

في احد مجرب يعلمنا ؟ اتوقع البحث شي صعب مره الكورسات اسهل

نبي احد مجرب يقولنا

السلام عليكم اخواتي واخواني........
عندي سؤال يا جماعه محيرني وما لقيت له اجابه..(يمكن يكون سؤال غبي...بس في النهايه هو مجرد سؤال؟؟؟؟؟)
هل يمكنني اكمال الماستر لغويات او اي فرع للانجليزي عن طريق المراسله؟ كيف؟
والله حاسه انو سؤال غبي بس ما باليد حيله ...وحده طموحه تبغى تكمل دراستها بالقوه وظروفها ما ساعدتها
ارجوكم ساعدوني.......

هلا جديدة
والله ما اعتقد ان الوزارة بعدين تعادل لك الشهادة وما ظنتي تستفيدين من الشهادة إلا ممكن مع شركة او شيء زي كذا لانها ممكن تقبلها بدون معادلة الوزارة.
لكن لو ظروفك صعبة ممكن تدرسين الماستر في بريطانيا: ثلاثة أشهر كورسات + شهر إجازة (بحوث) + ثلاثة أشهر كورسات + شهر إجازة (بحوث) + بحث التخرج (وتعتمد مدته عليك) . تستطيعين تخلصين الماستر في 10 أشهر لو ضغطتي نفسك.

مدري كيف قصدك لكن أكثر البرامج في أمريكا فيها كورسات ومن ثم بحث

أنا جربت النظام البريطاني
كورسات دراسية ولكن كل كورس لازم تبحث فيه بحث حوالي 4 آلاف أو خمسة آلاف
يعني إذا عندك في الترم الأول مثلاً أربع مواد في كل مادة بحث ويكون مجموعة البحوث قرابة 20 ألف كلمة
ثم بحث التخرج أو الرسالة وتكون بحث واحد حوالي 15 - 20 ألف كلمة

فيه ناس تحب البحوث وتبدع فيها وفيه ناس أصعب ما عندها تقديم بحث علمي.
أنا شخصياً أحب البحث ولا أميل لأسلوب التلقي.

تحياتي

بس حتى الترجمه اقسام..يعني مو كل شي كتب وروايات واعتقد انو افضل مكان لتدريسها هي بريطانيا والماستر فيها بس سنه واللي درسو الترجمه في بريطانيا يمدحونها لكن امريكا اشوف ان الناس مهوله الموضوع بس ماعمري سمعت هذا الكلام من ناس درست هذا التخصص في امريكا وكلامها طالع عن تجربه
بالنسبه لي اشوف ان الترجمه افضل وممتعه اكثر ودراستها متنوعه مابين العملي والنظري
يعني مو كلشي كتب ومذاكره..وهذا سبب المتعه فيها
.
.
اتمنى ممن درس الترجمه في امريكا يعطيني رايه

^_^

مشكوووووور اخوي ابن بيت ال هليله.....
بس حتى بريطانيا صعبه بالنسبه لظروفي.....ما عندي محرم....الله يسرها من عنده قبل ما تنتهي المده واتحول اداريه

^^^
الله يكون في عونك،،،

السلام عليكم جميعًا ,,
الأخت جديدة ..
الله يوفقك .. ويكتب لك اللي فيه الخير ..
ما أدري , يمكن الإخوان يقترحون عليك أي اقتراح آخر , ..
لكن أنا بقول حاجتين ..
أولا : بصراحة أنا ما أدري وش الموضة اللي طايحين فيها رؤساء ورئيسات الأقسام , إذا بغوا يستعرضون عضلاتهم , يقولون للمعيد : يا الله اطلع برا ادرس , وإلا ترى ممكن نحولك إداري !! ما أدري هذولا هم اللي يمشون الرواتب من جيوبهم , أو ما أدري وش يحسون فيه !!
أختي ,,, إذا أنتي ما صار لك مدة في الإعادة , فلا يهمك اللي يخوفك إنهم ممكن يحولوك إدارية , حتى لو كانت العميدة .. ما دام ما فيه أسباب قوية جدا , فما لهم حق يحولوك إدارية إلا بعد عدة سنوات ..

ثانيًا : أنتي افعلي الأسباب للابتعاث , لكن لو مرت عليك سنة , سنتين , ثلاث .. ما حصل لك , فعشان تتجنبي الكلام , والقيل والقال .. ممكن تدرسي الماستر في السعودية في تخصص اللغويات بشكل عام , وخلال هالفترة ما تدرين وش يتغير بظروفك ..

وبكذا , إذا حصلتي على الماستر , ما فيه أحد يقدر يلمح بتحويلك إلى إدارية , وكذلك خلال فترة الماستر , يمكن تتغير ظروفك , وتقدرين تطلعين لأي مكان تكملين فيه الدكتوراة بتخصص الترجمة .
تمنياتي ودعواتي لكِ بالتوفيق ,,