ماوضع السكن في ولاية أنديانا في مدينة إيفانسفيل
السلام عليكم ورحمة الله وبركاته
أخواني الرجاء إفادتي عن وضع السكن هل السكن متوفر في ولاية أنديانا في مدينة إيفانسفيل .. وكم تتراوح الأسعار هناك مع العلم أننا نفرين عزاب طبعاً تكون مؤثثة ون حصل تكون قريبة من جامعة جنوب أنديانا وهل الولاية رخيصه أم غالية .
:plane::plane::plane::plane::plane::plane::plane:: plane::plane::plane:
ولكم خالص التحية والتقدير مني لكم
رد: ماوضع السكن في ولاية أنديانا في مدينة إيفانسفيل
بتحصل من 400$ لحتى 650$
طبعا على حسب لكن الاغلبيه اذا كنت تبي تاخذ شقه من غرفه ومطبخ وحمام فراح تحصلها مابين 440$ الى 480$
هذا على حد علمي ! ,,
ونصيحه حاول تبتعد عن منطقة الجامعه ! كل ماقربت من الجامعه كل ماكثرت المشاكل !
اسكن بمنطقه غير المنطقه اللي فيها الجامعه وتكون قريبه يعني تبعد مابين 20 الى 60 دقيقه !
خذها نصيحه من مجرب :) ...
رد: ماوضع السكن في ولاية أنديانا في مدينة إيفانسفيل
أخوي 1OK أشكرك على المعلومه بس حبيت استفسر انت تقول حاول تبتعد عن منطقة الجامعه ! كل ماقربت من الجامعه كل ماكثرت المشاكل !
ماهو المقصود بالمشاكل
ليش ليه الولاية فيها مشاكل ... أكون ممنون اذا عطيتني كل المعلومات عن الولاية انديان وبي الأخص مدينة إيفانسفيل وشاكر ومقدر تعاونك معي أخوي 1OK
رد: ماوضع السكن في ولاية أنديانا في مدينة إيفانسفيل
الولايه حلوه ومافي مشاكل ورخيصه مره
الله يوفقك
رد: ماوضع السكن في ولاية أنديانا في مدينة إيفانسفيل
شكراً يوم عبود والله يعطيك العافية .......... يعني أتوكل إنشاء الله ماهنا خوف
رد: ماوضع السكن في ولاية أنديانا في مدينة إيفانسفيل
اللي قصدته وانا اخوك مو هالولايه وبس !
كل الجامعات 90% منها تكون مناطقها فيها مشاكل كثيره !
يعني تكثر فيها العصابات وكذا والخرابيط مني ومناك !
هذي كلها دايم كذا ! .. اي جامعه بامريكا بالذات تكثر عندها المشاكل في نفس المنطقه !
خصوصي بالكامبس ! ....
انا بس حبيت اعطيك نصيحه اخويه : )
يعني حاول تسكن بعيد عن الجامعه شوي
رد: ماوضع السكن في ولاية أنديانا في مدينة إيفانسفيل
1OK الله بعطيك 1000 عافية على المعلمة الحلوووووووه بس حبيت أستفسر عن طريقة أخذ السكن هل فيه طريقة معينة هل فيه أحد يسنعني هناك أوفيه مكاتب معينه هناك في السعودية على العلم أني ماعرف أحد هناك والغة لك عليها يعني ودي أسنع نفسي ولا ودي أتوهق.. ياخي مثل المواقف هذاي توجع الراس ايه الله يكون بعون الجميع الدنيا هذي تبي ونا خوك ماقول الا الله يرزقنا الي فيه الخير والصالح .
تقبلو وتقبلو مني الف تحية وتقدير
رد: ماوضع السكن في ولاية أنديانا في مدينة إيفانسفيل
طبعا السكن مو زي نظام السعوديه شقق تتلاقي فيها هندي ويقولك مافي شقه
والا يقولك بس عوايل خخخخخخخخخ
علشان تدور لك شقه ماراح يفيدك حوستك هناك ! لاتغلط غلطتي !
بامكانك انت بنفسك تشوفها كلها عن طريق النت ! او تضبطها عن طريق مكاتب حجوزات الطيران !
زي طريقتي !
تدري وشلون انا حجزت !
بحثت بالنت عن شقق بالمنطقه اللي انا فيها وشفت موقعها .. ولما لقيت شقه اعجبتني !
كلمت صاحبها وفهمته اني اجنبي وعلمته متى باوصل وكذا واني ابي اجي اسكن فيها !
ولما وصلت سكنت فيها عادي .. لحتى استقريت وعرفت وش اللي لي واللي علي !
بس طبعا قعدت ثلاث ايام بالفندق اول ماوصلت لامريكا ! على مانسقت كل شي ونقلت عفشي للشقه !
وعرفت منطقه اقرب واهدا شوي لجامعتي ورحت دورت فيها شقق طبعا عن طريق النت ولقيت وحجزت فيها ونقلت فيها وتركت شقتي الاولى واستقريت بالثانيه !
هذا نظامي اللي مشيت عليه !
فيه بعض الناس يروحون ولما يوصولون هناك يدورون لهم ناس عرب ويسألونهم ويساعدونهم !
ترا اغلبية العرب اللي متغربين ماراح يقصرون لو احتجت لمساعدتهم !...
شوف مثلا هذا موقع راح يفيدك لقيته لك لما بحثت لك ..
IndianaHousingNow.org - Search Results[s]&bus=optional&showmax=30
كلها في افانزفيل ... وكل شقه يعطيك موقعها بالضبط بالخريطه ويعطيكك صور لها من برى وداخل !
واذا اعجبك شي منها تقدر تكلم صاحبها وتنسق معه !
واحتمال بعد ينتظرك وقت وصولك وياخذك للشقه بنفسه ! خصوصا اذا قلت له لو خذاك من المطار الى الشقه بتزيده مثلا 50$ !
صدقني ياشيخ يجيك ياخذك بعفشك على ظهره ماعنده مشكله !
والله هذا اللي عندي وانا اوخيك اتمنى اني افدتك !,,,
رد: ماوضع السكن في ولاية أنديانا في مدينة إيفانسفيل
أخوي 1OK كفيت وفيت الله يعطيك العافية وماقصرت