بعد سنة و ثلاثة اشهر ( من تعب جسدي و خساير فلوس وتعب اعصاب و تعب نفسيا وروحات رياض فوق السبع مرات و مشاكل السفارة )
ولا موظف في الوزارة حتى كلف نفسه يطلع لي و يسمع وش اقول .. حتى ما رضى اتكلم له ولا كلمة او اشرح اي شي .. او اطلع يلي في قلبي من حرة وتعب فوق السنة .. و لا حتى فتح الظرف وشاف ايش فيه .
باختصار خلاص انتهى شي اسمه امريكا بالنسبة لي .. او بالاحرى الوزارة هي انهت هذا الشي وقفلت علي الطريق.
الله يسامح كل من ظلمني وظلم كل الطلاب.
والخيرة في ما اختاره الله .. انت تريد وانا اريد والله يفعل ما يريد
والله يوفق كل من حصل على القرار و ادعي لكم من كل قلبي بأنه الله يوفقكم ويسهل عليكم .. و اقول لك طالب بنتظر الترشيح النهائي او ينتظر صدور قرار الابتعاث .. لا تتعبوا اعصابكم وجسدكم ونفسيتكم انشالله ما راح يصير الا الخير و بأذن الله راح تخلص اموركم بأسهل ما يكون
وتفائلو خير وانشالله تجيكم البعثة وانتوا نايمين :) وبالتوفيق يارب.
واحب اشكر كل من ساعدني في الملتقى من اشتراكي فيه لحد هذي اللحظة .. واعطيه تحية واقوله الف شكر وانشالله ارد لكم مساعدتك بالأفراح .
وفي شخص اللحين في بالي احب اشكره جدا جدا جدا وهو انسان محترم واخلاقه عالي :93: واقوله ما قصرت ويعطيك ربي العافية ومن جد ادعي له من كل قلبي انه الله يوفقه ويسدد خطاه وانشالله يرجع من امريكا دكتور :) والله يحقق له كل يلي في باله لأنه ما تردد لحظة بأنه يساعدني و يعرض خدماته علي .. انسان تشرفت بمعرفته وهو Rakan.SF
:93: Thank you so much
واي شخص ساعدني و يبي اقوله شكرا على الملىء .. بس يقول لي وانا راح اشكره قدام الكل ..
و في شي ابي اقوله الى العزيز امين ..
امين اشكرك على ثقتك بي من البداية و تسليمي مهمة الأشراف على قسم الولايات المتحدة الأمريكية .. وهذا شرف لي يا امين .. لكن اللحين انا انتهت امريكا من حياتي .. لهذا في الملتقى من هو يستحق انه يستلم مهمة الأشراف على هذا القسم .. لأن كل يلي عنده قدمته لاخواني في هذا القسم .. وهناك طلاب راح يبتعثون الى امريكا بأذن الله و راح تكون عندهم مقدرة في المساعدة للأعضاء اكثر مني ..
لهذا اابيك اعطيك الأشراف واقولك شوف لك غيري من هو اقدر مني على المساعدة وهذا راح يكون من مصلحة الجميع ومن مصلحة الملتقى ..
مادري هذا كل يلي في بالي اللحين .. واكبد ما راح انسى الملتقى .. لأني راح اظل اتصفحه و ازوره .. لكن راح اخفف شوي .. عشان يجيني اكتئاب نفسي ههههه ..
والله يوفق الجميع
