الأعضاء الإشتراك و التسجيل

الملتقيات
ADs

امريكا

امريكا


NOTICE

تنبيه: هذا الموضوع قديم. تم طرحه قبل 4052 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية naif.airline
    naif.airline

    مبتعث مبدع Amazing Member

    naif.airline الولايات المتحدة الأمريكية

    naif.airline , ذكر. مبتعث مبدع Amazing Member. من السعودية , مبتعث فى الولايات المتحدة الأمريكية , تخصصى Computer Scince , بجامعة colombia
    • colombia
    • Computer Scince
    • ذكر
    • menhateen, City of New York
    • السعودية
    • Aug 2006
    المزيدl

    December 18th, 2006, 02:23 PM

    بسم الله الرحمن الرحيم

    هذا ياحلوين للمبتعثين الى امريكا عشين تسير امورة مرتبة وماتتعقد .



    طبعا في البداية عليك بالاتي :

    0 - التوكل على الله , والدعاء وإخلاص النية .

    1- عمل ملف شخصي فيه الأشياء هذي :
    أ- صور ملونه من الجواز والفيزا .(عشان ما تضطر انك تطلع الجواز كل مره تعبي فيها الفورمات ترونها كثيرة مره) * راح اذكرها كلها في التقرير .
    ب-تخلي صفحه كاملة فيها جميع العناوين والهواتف ألي راح تسكن فيها يعني مثلا (الفندق بواشنطن,الفندق بالولاية ألي بتسكن فيها,السكن ألي راح تستقر فيه بالولاية ألي بتدرس فيها انشاء الله) ****ملاحظة هذي الشي منت ملزم انك تسويه ولا تكتبه في الفورمات لكن موظف الجوازات في مطار نيويورك بيسألك اسأله شفوية وهذه المعلومات من ضمنها زي ماسوا معي .
    ج-صفحه تحط فيها معلومات أمك وأبوك الله يحفظهم (الاسم, تاريخ الميلاد بالميلادي , مكان الولادة , العنوان ) *** فيه فورم يعطونك في مطار نيويورك مطلوب فيه هذي المعومات.

    2- الوصول إلى المطار قبل الإقلاع بساعتين يعني إذا إقلاعك الساعة 10 يعني الساعة 8 لازم تحظر في المطار وهناك راح يعطونك فورم تعبيه قبل لاتقص بطاقة صعود الطائرة(BOARDING PASS ) واذكر منها : (كلها معلومات عامه عنك )
    أ- الاسم كما في الجواز .
    ب- رقم الجواز .
    ج- العنوان والولاية إلي بتدرس فيها .

    إذا قصيت بطاقة صعود الطائرة ورحت للبوابة الي بتطلع منها , نصيحتي رح المطعم الي هناك أيا كان خذلك وجبه دسمه ودفها بعصير ولا حد ذا المشروبات وما يمنع انك تحلي بعد لان قدامك رحله طويلة واكل الطيارة يالله لك الحمد والشكر يارب بارد وأنت قدامك مو بس رحله طويلة و ومتعبه في الأخير بتحس بالإرهاق ( مطار نيويورك لحاله يبيله سالفه).

    الشنط : في كل الأحوال وأنواع الطياران لا تزيد حجم الشنطه عن 30 كيلو لانه إذا مشوك ربعنا هنا ماراح تمشي في الخطوط الداخلية في واشنطن او غيرها وراح يلزمونك انك تقلل الوزن الزائد او انك تدفع ( القيمة على حسب الولاية الي رايح لها إذا بعيده 4-6 ساعات غير 1-3 ساعات )

    تعبئة الفورمات :
    1- الفورم I-94 :
    وهذا الفورم تعبية في الطيارة قبل لا تنزل وتكتب فيه بالحروف الكابيتل وتكون الكتابة واضحة , المعلومات الي فيه بسيطة و ما فيها تعقيد ابد وهو عبارة عن جزئن Arrival Record و Departure Record , وكل المعلومات إلي فيها متشابهه تماما ولا فيها تعقيد ابد .



    2- الفورم الخاص بالمتزوجين وأصحاب العوائل :


    3-الفورم الخاص بدائرة الهجرة كما يسمونه : هذا فورم تعبيه في مطار نيويورك او اي مطار توصل له والمطلوب فيه معلومات عنك مثل(اسمك,عنوانك في السعودية رقم التلفون,اسم الوالد والوالدة والتاريخ الميلاد ومكان الميلاد ومكان إقامتهما, عنوانك في الولاية ,و لم أنت في امريكا , اسم وعنوان شخص تعرفه في الولايات ورقم هاتفه ) آسف لم استطع ارفقه في التقرير (ضاع مع كثرة الأغراض)

    نصائح على الطاير :
    1- لا تاعبط : يعني لو يخلونك ويلطعونك ساعه ولا ساعتين ولا ثلاثه , لنهم شيون اذا زعلوا , وموظف الجوازات اذا قال ماتخش يعني ماتخش , بس الشهادة لله انهم ناس طيبين , تبسم في وجيههم ولا تكثر كلام تراهم حبايب ومعاملتهم عاديه للي محترم نفسه , صح يطولون في اجرائات الدخول بس هذا هم مأمورين عليه كموظفين والدقه هذي مفروضه عليهم يعني انت خلك على الهولد .

    2- احتفظ فجميع اوراق بطاقة صعود الطائرة ولا ترميها وتقول اذا ركبت الطياره مهي مهمه الى مهمه ونص خلها معك بيسألونك عنا اذا طلعت للطياره الثانية عشان يعطونك البطاقة الثانية.

    3- اذا ماتعرف تتكلم انجليزي او انك تطقطق لا تجازف وتتكلم معهم اطلب مترجم فيه تقريبا اثنين يساعدون العرب من نفس المطار .

    الوصول الى واشنطن :

    طبعا انت من هنا ارسل فاكس للملحقية على الفاكس 0012023372978 عباره عن صفحه وحده فيها صورة الجواز الصفحه الاولى وصورة التذكرة , عشان يجيك موظف الملحقية وتلاقية عند استلام الحقائب , اذا مالقيته دق على الملحقية 0012023379450 بالجوال اوالمكينه الي في المطار المهم يجونك , واذا محد رد ولا سبحان الله , هذا عنوان الملحقيه بواشنطن خذ تكسي :
    Saudi Arabian Cultural Mission to the U.S.A
    2600 Virginia Ave., N.W.
    Suite 800
    Washington, D.C. 20037
    Tel: (202) 337-9450
    وهي تقع في وسط واشنطن تقريبا في مبنى اسمه watergate على مااعتقد انه مشهور مره عندهم والمشوار من مطار دالس في واشنطن الى الملحقيه تقريبا 45 دقيقه (على فكره في مطارين في واشنطن الاول دالس والثاني ناسي اسمه بس انتبه انت رحلتك للولايه الي بتدرس فيه على اي مطار , المطار الثاني قريب مره من الملحقية اقل من 10 دقائق).

    السكن في واشنطن :
    عند ثلاث اختيارات وانت حر :
    1- فندق الووترقيت في نفس مبنى الملحقيه , انا عني ماسكنت في هذا الفندق بس اختيار ممتاز للي يبي يكون قريب مره من الملحقية يعني لو طلبوا منك اوراق ولا شي بسرعه تجبه , هو غالي بس لطلاب الملحقية يسوون اسعار حلوه يعني في اليوم حدود الـ100 دولار ومافيه سكن للملحقيه زي مايقولون هذا فندق زي البيقه .
    2- فندق الدبل تري الصارحه ماردي شي عنه بس انه اسعاره غاليه احيانا في بعض الايام يرفعون الاسعار .
    3-فندق جورج واشنطون (George Washington University Inn) وهو فندق تابع لجامعة جورج واشنطن , فندق عادي جدا واسعاره ممتازه , .
    على فكره جميع المناطق المحيطه بالملحية عباره عن فنادق يعني للي فاضي طب وتنق على كيفك بس نصيحه ضبط حجوزاتك على النت اول شي انك ترتاح اذا وصلت وانت تعبان والشي الثاني ان حجز النت قبل السفر بأسبوع ولا اربع ايام يفرق في السعر اذا وصلت وحجزت عندهم النت ارخص .

    وهذي خريطه توضح الملحقية والفنادق المحيطه بها :
    وهي في الدور الثامن والتاسع, و كل الفنادق قريبه جدا منه .



    1- الملحقية 2 - فندق الووتر قيت 3 - فندق جورج واشنطن يونيفيرستي ان 4- فنق الدبل تري

    اللبس في واشنطن :
    انا وصلت لواشنطن تقريبا قبل ثلاث ايام والجو كان عادي جدا وحلو زي جو الرياض يعني درجة الحرارة في الليل توصل 9 وفي الصباح 15 مررره زي الرياض هذي اليومين .

    الملحقية :

    في اليوم الثاني من موصولك لواشنطن لازم تقعد يوم كامل في الملحقية جهز اوراقك وصورك واصولك من بدري بيعطونك فورم تعبية سهل مره وكل البيانات الي فيها عاديه متكرره , اذا عبيتها وسلمت كل المطلوب منك في الفورم بياخذونها ويصورونها وياخذون جوازك بعدين يرجعون كل شي اعطيتهم ماعاد الفورم الي عبيته ووقعت عليه .

    كيف تعرف انك خلصت من الملحقية ؟
    اهم ثلاث اشياء يعطونك الملحقيه :
    1- الضمان المالي للجامعه موضح فيه اسم المشرف عليك ورقم تلفونه .
    2- البطاقه الطبية لك , وللمتزوجين هي نفس البطاقه يعني بطاقه وحده لك ولكل اسرتك
    3- شيك في مستحقاتك للشهر الي يسبق تاريخ دراستك يعني تاخذ راتب الفتره الي قبل بداية دراستك , ممكن تختلف من طالب الى اخر حسب الجامعه وبداية الدراسة وحسب قرار الابتعاث وش مكتوب فيه .

    هذي الثلاث اشياء الي انت جاي عشانها للملحقية , فيه كتيب جديد من الملحية اسمه دليل الطالب المبتعث ممكن تطلبه بتلاقيه في قاعه المحاضرات في الدور التاسع , ويتخلل اليوم الي بتقعد فيه بالملحقية محاضرات مفيده الى ابعد حد يلقيها دكاترة الملحقية و رؤساء الاقسام في الملحقية , حاول تفهم كل شي منهم عندهم خبره في كل شي ماشاء الله عليهم .

    الوصول الى الولايه :
    بعد الانتهاء من الملحقية , تأكد حجزك على اي مطار وخذ تكسي الى المطار واذا انت مجموعه طلاب ثلاثه واكثر كلموا مدير العلاقات العامه يطلع لك السواق حق الملحقية للمطار افضل , الملحقية متعاونين ومتفاهمين بس انهم مع كثرة الطلاب جاهم تبلد , المهم ماودي ادخل في موضوع شائك وكل الطلاب عندهم حساسية متفاقمه منه.
    لاتنسون موضوع الوزن للشناط مايزيد عن 50 باوند لبعض الشركات مثل دلتا , في المطار راح تتفتش تفتيش عمرك ماشفته في حياتك, يعني تفتيش خيالي يدخلونك في اجهزة وتفتيش يدوي وللعوائل فيه موظفات يتعاملون معهم , بعدها اطلع على بوابتك وانتظر متى تطلع.
    بعد متوصل الى المطار فيه شي اسمه Airport Shuttle اسأل عنه عند اي موظف في المطار يدلك عليه ياخذون عليك مبلغ حسب كم عددكم بس مايزيد عن خمسين دولار , وعلى حسب المكان الي بتروح له .

    ملاحظاتي :
    1- الماستر كارد او الفيزا ضرورية جدا واحياننا تتورط لازم تصير معك بالاضافه انهم يسألونك عنها في الجوازات اذا مامعك طلع من الامريكي مايطلبون ولا شي .
    2-تعامل الملحقية كان جدا ممتاز اتمنى يدوم الحال او يتحسن بعد اكثر .
    3-الامريكان بشر وليسوا جن او ملائكة , لا تخاف او تتهاون يعني هم زينا وعارفين وضعنا , محترمين عاملهم بأحترام يحترمونك .
    4-لا تحتاج الى تسجيل الجواز الملحقية تسجله عنك في السفاره.
    5-التصديق والترجمه من الملحقية بشرط يكون معك الاصول .
    6-الثلج الي عندهم مطحون مو زي الي في الفريزر عندنا يعني البس اذا ولايتك ثلوج لاتتجمد وتصير كنك دجاج دو .
    7- الي عنده زياده يضيف او تعديل لكم كامل الحق في التعديل والاضافه .




    وبالتوفيق للجميع .

    ودمتم سالمين

    محبكم
    tom & jerry
  2. اسمعو ياحلوين جبتلكم مفاجئة .


    وهي عبارة عن تحويل التاريخ من الهجري الى الميلادي او العكس .
    وهذا سيفيدكم كثيرا في تعبئة الفورم والنماذج التي تخص الطالب المبتعث الى امريكا .


    وارجو من ادارة المنتدى من تثبيت هذا الوضوع لما فيه من فائدة كبيرة للطلاب المبتعثين .

    الله لا يهينكم ( هنا ) تثبيت المفاجئة .

    وانتظرو المزيد

    ودمتم سالمين

    محبكم
    tom & jerry
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.