جايكم من اسبانيا الى امريكا وابي مساعدتكم
السلام عليكم
اسعد الله اوقاتكم بكل خير
انا ما بحثت كثير بقسم امريكا بالمنتدى لاني مره مستعجل ودي اخلص اموري خلال هالاسبوع
لاني ما شفت اهلي ودي اخلص واروح لهم
وبما ان معي لغه اسبانيه وما ابي اضيعها ابي نصايحكم في اي ولايه ممكن اقدر اتكلم الاسبانيه
تقبلوووا تحياتي
اخوكم
بندووور
رد: جايكم من اسبانيا الى امريكا وابي مساعدتكم
السلام عليكم ورحمته الله وبركاته
اللغه الاسبانيه منتشر في كالوفورينا عموما بالتوفيق
رد: جايكم من اسبانيا الى امريكا وابي مساعدتكم
وفـلـوريدا , لا سـيّما مـيامـي !
رد: جايكم من اسبانيا الى امريكا وابي مساعدتكم
مشكورين وما قصرتوااا انا كتبت الموضوع ونسيت اكتب اللي انا ابيه
انا ابي بعد تفيدوني بالمكاتب المتعاونه مع الوزاره اللي ممكن تجيب لي قبول
يا ليت تفيدوني
تقبلوووا تحياتي
بندور
رد: جايكم من اسبانيا الى امريكا وابي مساعدتكم
ميااااااااااااااااااااااااااااااااامي
و فلوريدا بشكل عام
رد: جايكم من اسبانيا الى امريكا وابي مساعدتكم
اغلب الامريكان يعرفون يتكلمون الاسبانيه يعني لا تخاف بتلاقي الي تكلم معه وكثير يحبون يتعلمون الاسبانيه بامريكا
الله يوفقك
رد: جايكم من اسبانيا الى امريكا وابي مساعدتكم
الوزارة ما هي متعاونة مع مكاتب قبول , لكن ممكن تعطينا معلوماتك عن تخصصك , معدلك , الدرجة العلمية , معك ضمان مالي حكومي أو خاص ؟
رد: جايكم من اسبانيا الى امريكا وابي مساعدتكم
يعطيكم العافيه على تعاونكم وتفاعلكم معي
بخصوص رد اخوي ممدوح
الوزاره قالت روح مكتب وخله يعطينا ورقه تقريبا هم سموه لي بالانجليزي ولا حفظت الكلمه زين
لكن قالوا المكتب يعطيك شي عشان نعطيك الضمان المالي
الدرجه العلميه والتخصص . بكالريوس تقنية طبية
متخرج من الثانوية بنسبة 94.82%
مبتعث من قبل برنامج خادم الحرمين الشريفين كنت مبتعث على اسبانيا وبعد فترة اللغه رفضت جامعات اسبانيه اعطائي قبول
لدراسة البكالريوس بحجة انه يجب علي دخول اختبارات القدرات للطلاب الاسبان وهي
اختبار في الفيزياء والكيميا والاحياء والرياضيات والتاريخ والفلسفه و اللغه الاسبانيه واللغه الانجليزية
وواجهت صعبه ادت الى تحويل البعثه الى امريكا ولكن يجب علي احضار القبول لغه وجامعه واتمنى القبول يكون بدون شروط
ولا اختبارات قبوول لان لي 4 سنوات متخرج من الثانويه والى الان ما بديت دراسة البكالريوس
تقبلوا تحياتي
بندور
رد: جايكم من اسبانيا الى امريكا وابي مساعدتكم
اقتباس:
المشاركة الأصلية كتبت بواسطة Bandoor
ي
لكن قالوا المكتب يعطيك شي عشان نعطيك الضمان المالي
الدرجه العلميه والتخصص . بكالريوس تقنية طبية
متخرج من الثانوية بنسبة 94.82%
وشو الشيء هذا طيب ؟
تجيب لهم قبول ويعطونك ضمان مالي ؟
المفترض يعطونك ضمان مالي بالأول لأن القبول يحتاج ضمان مالي . . .
بالنسبة للمكاتب , فاحذر من نصبهم وأنا أخوك .. بعضهم يطلب 2000 ريال ويلطعك بالأشهر . .
على العموم تأكد لي من التعليم العالي وعطني خبر , , ,
رد: جايكم من اسبانيا الى امريكا وابي مساعدتكم
ويلطعك بالأشهر
جزاك الله خير
بالتوفيق يااخ بندوور