المرحلة الخامسه ,, تسليم وتدقيق الوثائق (ياليت احد يتبنانا)
السلام عليكم ورحمة الله وبركاته. اسعد الله اوقاتكم بكل خيـر. انا اعتقد ان جميع الاخوان (المقبولين مبدئيا) في ابتعاث خادم الحرمين الشريفين (المرحله الخامسه) يمرون بحالة ارباك فظيعه. وجد هم بحاجة مساعدتكم (بعد عون الله) عشان يقدرون يكملون الاجراءات وتتسهل امورهم. همـــووم طالب مبتعث الوزارة (اعان الله خيرا القائمين عليها) مشكوره (وهقتنا) وماينلامون ماعلينا خلونا في همومنا 1- اختيار دولة الابتعاث هي وحده من ثنتين (امريكا ** كندا) عشانهم الدولتين الوحيدتين في المرحلة الخامسه اللي لغتها الرسميه الانجليزية 2- اختيار الولايه 3- معهد اللغه 4- القبول الجامعي (بكا ,, ماستر) 5- الوضع المادي و و و و و الاهم من وجة نظري في الوقت الحالي تسليم الوثائق المطلوبة والموضوع كلـه عشان هالنقطه ,,, باقي النقاط ممكن نقرى مواضيع المنتدى ونستفيد منها فزززعتكم يالـــربع الشروط الواضحه ماراح اكتبها الوثائق المطلوبه ((ارجو من اهل الخبره افادتنا)) § استمارة التسجيل للترشح لبرنامج خادم الحرمين الشريفين للابتعاث الخارجي (المرحلة الخامسة)، ويكون ذلك بالدخول إلى موقع الإلكتروني لوزارة التعليم العالي على الرابط الآتي: www.mohe.qov.sa ثم النقر على أيقونة برنامج خادم الحرمين الشريفين للابتعاث الخارجي (المرحلة الخامسة)، ثم التوقيع على الاستمارة.
دخلت على الموقع ,, وماكان فيه اي استمارة اطبعها او اوقع عليها
وش الطريقه ؟؟
§ صورة واضحة طبق الأصل من شهادة حسن سيرة وسلوك.
شهادة حسن السيره والسلوك ,, مطلوبه لطلاب الماستر والبكا ,, او فقط البكا ؟
§ تعبئة نموذج طلب الالتحاق بالجامعة ثم طباعته والتوقيع عليه، مع مراعاة عدم كتابة ذلك باليد (باستثناء التوقيع)، وفي حال كتابة ذلك باليد يرد الطلب، وتعد وثائقك ناقصة، مع الأخذ بالاعتبار أن نموذج طلب الالتحاق بالجامعة موجود على موقع وزارة التعليم العالي .
هل النموذج هو استمارة التسجيل؟
واذا كان يختلف ,, اقدر اغير تخصصي اللي طلبته قبل تسليم الوثائق ؟؟
وهل بالامكان اغيـر جميع معلومات التقديم اللي سجلت فيها عن الطريق الموقع (خلال فترة التسجيل) مثل التخصص ودولة الابتعاث ؟؟
$ ترجمة الشهادات
وثيقة التخرج فيها الاسم والمعلومات باللغتين
العربية والانجليزية
هل تكفي او من الضروري ترجمتها بالكامل للانجليزية ؟
ثلاث توصيات من اللغة الإنجليزية من أعضاء هيئة التدريس الذين قاموا بتدريس الطالب خلال مرحلة البكالوريوس أو الماجستير موجهة (إلى من يهمه الأمر
السؤال هنا. عدم وجود التوصيات يسبب الغاء البعثه ؟؟ او مجرد تأجيلها ,, التقديم على الموقع والقبول المبدئي كان باجازة الصيف. ومن سوء حظي ان القسم اللي تخرجت منه بكالوريس صارت فيه مشاكل بعد تخرجي منه واستبعـدو المنسق و5 دكاتره معه ,, وراجعت القسم اليوم مالقيت اي دكتور (الجميع اجازه) وماعندي الا توصيه وحده ؟؟ وش الحـــل هل يتأجل الموضوع او ان اجراء قبولي لا يتم الا بالشرط هذا
-----
ياليت يا شباب يكون فيه شخص بالمنتدى يتبنانا ويشرح لنا طريقة تسليم الوثائق والخطوات المتبعه
عارفين كل شي مكتوب بموقع الوزاره ,, بس نبي شرح عشان نقدر نطبقه على ارض الواقع
وااااااااااااسف على الازعاج
وياليت لو شخص يطرح الموضوع بطريقة افضل مني ,, لاني فعلا متوتر ومهموم ومو عارف راسي من رجولي
مع العلم ان تسليم الوثائق يبدا الاسبوع الجاي
يعني خلال 4 ايام ,, الفززززززززززززعه
اخوكم
الخيميائي
رد: المرحلة الخامسه ,, تسليم وتدقيق الوثائق (ياليت احد يتبنانا)
التسليم 7-9 يوم الجمعه قدامك اكثر من اسبوع انا مثلك رحت اليوم للجامعه ومااخذت الا توصيه وحده الناس اجازات ولا ترجمت وثيقتي والسجل الاكاديمي ومدري وش الاشياء المطلوبه غير اللي قلتهم ... موفقين ..
رد: المرحلة الخامسه ,, تسليم وتدقيق الوثائق (ياليت احد يتبنانا)
الله يكون في عونكم
خلوني أسترجع ذكرياتي و أرجع لكم
اقتباس:
المشاركة الأصلية كتبت بواسطة LamoOo
التسليم 7-9 يوم الجمعه قدامك اكثر من اسبوع انا مثلك رحت اليوم للجامعه ومااخذت الا توصيه وحده الناس اجازات ولا ترجمت وثيقتي والسجل الاكاديمي ومدري وش الاشياء المطلوبه غير اللي قلتهم ... موفقين ..
الوثيقة مو محتاجة ترجمة لان نصها عربي و النص الثاني مكتوب بالأنجلش
و السجل الأكاديمي تقدريت تطلعينه بيوم واحد
تروحين للتسجيل و القبول قسم الرجال و أطلبي منهم السجل الأكاديمي باللغة الأجنبية و بنفس اليوم يجهزونه لك
بالنسبة للتوصيات كلمي إدراة القسم يعطونك أي توصية المهم يكون عليها ختم الجامعة
و لا تنسي تكون بالأنجلش لانك لو أخذتيها بالعربي و بعدين تردمتيها ما راح تستفيدين منها
نصيحتي من الحين حاولي بموضوع التوصيات لأنه يأخذ وقت
و الله أنا طلعت روحي على ما خلصت موضوع التوصيات
و أعتقد أنك لو ما قدرتي توفري 3 توصيات ما أعتقد أن فيها مشكلة بس المهم لا تروحي من غير توصيات
و أرجعي أتصلي على الوزارة و تأكدي
من جهة ثانية
اللي اتذكره حاليا أن فيه نموذجين نزلناهم من موقع الوزارة بس هذا كان من سنتين
واحد كان خاص بالمعهد و كان فيه معلومات باللغة الأجنبية
و الثاني كان تعهد و نوقع عليه
بالإضافة إلى صورة الشهادة و صورة الجواز و صورة جواز المحرم
هذا اللي تذكرته و إذا تذكرت شي ثاني برجع لكم
و بالتوفيق
رد: المرحلة الخامسه ,, تسليم وتدقيق الوثائق (ياليت احد يتبنانا)
نزلت اسمآء المقبولين المرحلـه الخآمسـه :S ~
رد: المرحلة الخامسه ,, تسليم وتدقيق الوثائق (ياليت احد يتبنانا)
اقتباس:
المشاركة الأصلية كتبت بواسطة LamoOo
التسليم 7-9 يوم الجمعه قدامك اكثر من اسبوع انا مثلك رحت اليوم للجامعه ومااخذت الا توصيه وحده الناس اجازات ولا ترجمت وثيقتي والسجل الاكاديمي ومدري وش الاشياء المطلوبه غير اللي قلتهم ... موفقين ..
اقتباس:
المشاركة الأصلية كتبت بواسطة الخيميائي
السلام عليكم ورحمة الله وبركاته. و عليكم السلام و رحمة الله و بركاته اسعد الله اوقاتكم بكل خيـر. انا اعتقد ان جميع الاخوان (المقبولين مبدئيا) في ابتعاث خادم الحرمين الشريفين (المرحله الخامسه) يمرون بحالة ارباك فظيعه. وجد هم بحاجة مساعدتكم (بعد عون الله) عشان يقدرون يكملون الاجراءات وتتسهل امورهم. سهالة إن شاء الله لا تشيل هم :) همـــووم طالب مبتعث الوزارة (اعان الله خيرا القائمين عليها) مشكوره (وهقتنا) وماينلامون ماعلينا خلونا في همومنا 1- اختيار دولة الابتعاث هي وحده من ثنتين (امريكا ** كندا) عشانهم الدولتين الوحيدتين في المرحلة الخامسه اللي لغتها الرسميه الانجليزية 2- اختيار الولايه 3- معهد اللغه 4- القبول الجامعي (بكا ,, ماستر) 5- الوضع المادي و و و و و الاهم من وجة نظري في الوقت الحالي تسليم الوثائق المطلوبة والموضوع كلـه عشان هالنقطه ,,, باقي النقاط ممكن نقرى مواضيع المنتدى ونستفيد منها فزززعتكم يالـــربع الشروط الواضحه ماراح اكتبها الوثائق المطلوبه ((ارجو من اهل الخبره افادتنا)) § استمارة التسجيل للترشح لبرنامج خادم الحرمين الشريفين للابتعاث الخارجي (المرحلة الخامسة)، ويكون ذلك بالدخول إلى موقع الإلكتروني لوزارة التعليم العالي على الرابط الآتي: www.mohe.qov.sa ثم النقر على أيقونة برنامج خادم الحرمين الشريفين للابتعاث الخارجي (المرحلة الخامسة)، ثم التوقيع على الاستمارة. دخلت على الموقع ,, وماكان فيه اي استمارة اطبعها او اوقع عليها وش الطريقه ؟؟ أنا حاولت ادخل بس للأسف ما فتح معاي الظاهر عليه ضغط أتوقع قصدهم تدخل رقم طلبك و بيكون أكيد في عبارة مثل الرجاء تسليم الاوراق أو حاجة زي كذا و يمكن يكون فيها بيناتك بحاول أرجع أدخل من جديد و أي جديد معاي بعطيك خبر § صورة واضحة طبق الأصل من شهادة حسن سيرة وسلوك. شهادة حسن السيره والسلوك ,, مطلوبه لطلاب الماستر والبكا ,, او فقط البكا ؟ للدرجتين إذا عندك وين المشكلة § تعبئة نموذج طلب الالتحاق بالجامعة ثم طباعته والتوقيع عليه، مع مراعاة عدم كتابة ذلك باليد (باستثناء التوقيع)، وفي حال كتابة ذلك باليد يرد الطلب، وتعد وثائقك ناقصة، مع الأخذ بالاعتبار أن نموذج طلب الالتحاق بالجامعة موجود على موقع وزارة التعليم العالي . هل النموذج هو استمارة التسجيل؟ لا طبعا بل هو استمارة خاصة بالمعهد و يتم تعبئته عن طريق الكيبورد و ليس خط اليد واذا كان يختلف ,, اقدر اغير تخصصي اللي طلبته قبل تسليم الوثائق ؟؟ لا طبعا و خاصة أن النموذج بيكون لمعهد اللغة وهل بالامكان اغيـر جميع معلومات التقديم اللي سجلت فيها عن الطريق الموقع (خلال فترة التسجيل) مثل التخصص ودولة الابتعاث ؟؟ لا $ ترجمة الشهادات وثيقة التخرج فيها الاسم والمعلومات باللغتين العربية والانجليزية هل تكفي او من الضروري ترجمتها بالكامل للانجليزية ؟ إذا كانت باللغتين فهي كافية و لا تحتاج إلى ترجمة ثلاث توصيات من اللغة الإنجليزية من أعضاء هيئة التدريس الذين قاموا بتدريس الطالب خلال مرحلة البكالوريوس أو الماجستير موجهة (إلى من يهمه الأمر السؤال هنا. عدم وجود التوصيات يسبب الغاء البعثه ؟؟ او مجرد تأجيلها ,, التقديم على الموقع والقبول المبدئي كان باجازة الصيف. ومن سوء حظي ان القسم اللي تخرجت منه بكالوريس صارت فيه مشاكل بعد تخرجي منه واستبعـدو المنسق و5 دكاتره معه ,, وراجعت القسم اليوم مالقيت اي دكتور (الجميع اجازه) وماعندي الا توصيه وحده ؟؟ وش الحـــل هل يتأجل الموضوع او ان اجراء قبولي لا يتم الا بالشرط هذا ما اتوقع انهم راح يدققون على موضوع عدد التوصيات و خاصة أن عندك أسبابك المهم تكون توصيتك باللغة الانجليزية و مختومة من الجامعة و ياريت لو تحاول تدبرلك توصيتين من اي دكتور عندك بالجامعة و مع هذا حاول تكلم الوزارة زيادة في التأكيد بس ما اتوقع أن موضوع التوصيات راح يعملك مشاكل مع البعثة ----- ياليت يا شباب يكون فيه شخص بالمنتدى يتبنانا ويشرح لنا طريقة تسليم الوثائق والخطوات المتبعه عارفين كل شي مكتوب بموقع الوزاره ,, بس نبي شرح عشان نقدر نطبقه على ارض الواقع وااااااااااااسف على الازعاج وياليت لو شخص يطرح الموضوع بطريقة افضل مني ,, لاني فعلا متوتر ومهموم ومو عارف راسي من رجولي مع العلم ان تسليم الوثائق يبدا الاسبوع الجاي يعني خلال 4 ايام ,, الفززززززززززززعه اخوكم الخيميائي
و لا يهمك أخوي
توكل على الله و ترى الموضوع أبسط مما تتخيل
و لو في أي شي ناقص تقدر ترسله للوزارة باليوم الثاني
و إن شاء الله ما في مشاكل
و بالتوفيق
رد: المرحلة الخامسه ,, تسليم وتدقيق الوثائق (ياليت احد يتبنانا)
مشكورين اللي مـرو على الموضوع
والتوفيق فال الجميع ان شاء الله.
استفســاااااااااااااار واااااااااااااااااااحد بس
الباقي ,, ميسور ان شاء الله
التوصياااااااات
كلمت كل الدكاتره اللي عندنا بالقسم واللي قد درسوني.
كلهم خارج السعودية
حتى المحاضرين اللي كنت ابي اعتمد عليهم وسعوديين
كلهم خارج السعودية
ووووووش الحـــل ؟؟
تطـير البعثه ,, عشان اعضاء هيئة التدريس في اجازتهم الاعتياديه ؟
انا وش ذنبي ؟؟
اللي بيقول ليش ما خذت التوصيات من زمان؟
انا خذتها اول ما تخرجت ,, (قبل سنه ونص) وقدمت على المرحلة الرابعه وطارت البعثه (باخطاء اتحمل جزء منها ,, وتتحمل الوزاره الجزء الاخر)
والحين ضاعت كل اوراق التوصيات ولازم اجيــب توصيات جديده
(مع العلم ان بعد فترة تخرجي تم استبعاد 5 دكاتره من القسم ومن ضمنهم المنسق)
تطيـر البعثه الخاااامسه عشان التوصيااات ؟؟؟؟
لاحول ولا قوة الا بالله
احد يريحني ياشباب ,, لحد الحين ما كلمت الجامعات والمعاهد وماسعيت في القبول والخربطه هذي كلها ,, بسبة هالتوصيات حسبي الله ونعم الوكيل
يوم 3 رمضان موعد تسليم الوثائق
الفزززعه
اللهم اهد حيرتي
رد: المرحلة الخامسه ,, تسليم وتدقيق الوثائق (ياليت احد يتبنانا)
شكــر خاص اختي مبتعثه طموحه
الله ماقصـــرتي وبيض الله وجهك :)
وحرّم يدياتك عن النار ,, انتي ووالدينا ووالديك وجميع المسلمين
رد: المرحلة الخامسه ,, تسليم وتدقيق الوثائق (ياليت احد يتبنانا)
لا شكر على واجب
أخوي روق شوي و هدي أعصابك
بصراحة أنا مو متأكدة بس اللي عرفته أن التوصيات مهمة بس مو لدرجة أن تتلغى عنك البعثة
أنا من المرحلة الثالثة و أتذكر يوم تسليم الأوراق سألوني إذا عندي توصيات و لا لا
و سألتهم و لو ما كان عندي قالولي مو مشكلة بس الحمد لله أنا كان عندي
شي ثاني
أخوي هم راح يوفرون لك قبول معهد لغة
و المعهد ما يطلب لا توصيات و لا شي
التوصيات تحتاجها لما تجي تسجل بالجامعة
نصيحة مني
لا تكبر الموضوع
و اللي سهلها عليك أول مرة راح يفتحها عليك الحين إن شاء الله
و رمضان كريم :)
رد: المرحلة الخامسه ,, تسليم وتدقيق الوثائق (ياليت احد يتبنانا)
رمضان مبارك ,, وكل سنه وانتي بخيــر
بس ياخيّك انا خايف تطير على البعثه مثل ماطارت المرحلة الرابعه :(
هذا اللي مضيق صدري ,, ولا ان شاء الله تساهيل ,, ولو ماكتب لي ربي الابتعاث ,, خيــره من ارحم الراحمين ,, مافيه شي يزعل
بس اعمل بالسبب
ودامك تبنيتنا ,, كملي جميلك وانا اخــوك
انا مقدم ماستر على تجارة الكترونية ,, وحاط الرغبة الاولي (امريكا) والثانيه كندا ,, وعشاني نظامي مره حطيت الرغبة الثالثه التشيك (من باب تليقف ولا تخلي شي فاضي).
اللي بسألك كان تقدر تخدميني.
انا مخطط على أوهايو (يقولون رخيصه والسكن متوفر والقبول سهل) وعيبها الوحيد البرد في الشتاء ومقدورن عليه ان شاء الله
بس ممكن اذا ماعليك كلافه ,, وعندك خلفيه عن الجامعات اللي بالولايه هذي وفيها تخصص تجارة الكترونية تزوديني باسمائهم ؟؟
وجزاك الله الف خيـر اختي مبتعثه ويا عساك ع القوه
وجعلك في الجنه ووالديك
رد: المرحلة الخامسه ,, تسليم وتدقيق الوثائق (ياليت احد يتبنانا)
السلام عليكم ورحمة الله
أسعد الله مسائكم بكل خير وبعد
أخي الغالي العزيز: الخيميائي
لماذا أنت مرتبك لهذه الدرجة؟ الأمور جدا سهلة وميسرة لكن انت مكبرها شوي (وما الومك وانا اخوك)
اسمعني زيييين الله يحفظك:
بالنسبة لاستمارة التسجيل اهي نموذج طلب الابتعاث للبرنامج, الي فيه: البيانات الشخصية, بيانات التصال, البيانات الأكاديمية, بيانات البعثة. لاعليك سوا انك تدخل باليوسر والباس وورد حقك في ايقونة (متابعة الطلب) بعد كذا روح لنماذج مهمة تلاقي فيها شيئين: استمارة التقديم للجامعات الأجنبية (اللي هي نموذج طلب الالتحاق بالجامعة) وبتلاقي أيضا طباعة الطلب ( اللي هو استمارة التسجيل) اطبعها ووقع تحت عند مربع التعهدات.
بخصوص التوصيات لا تقلق بيمديك ان شاء الله , بس اهم شي شهادة حسن السيرة والسلوك تسلمها عند تقديم اوراقك..
والله يوفقنا وياك يارب
