الأعضاء الإشتراك و التسجيل

الملتقيات
ADs

مقدمة في الــGRE

مقدمة في الــGRE


NOTICE

تنبيه: هذا الموضوع قديم. تم طرحه قبل 3042 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AROON
    AROON

    مبتعث مميز Characteristical Member

    AROON الولايات المتحدة الأمريكية

    AROON , أنثى. مبتعث مميز Characteristical Member. من أستراليا , مبتعث فى الولايات المتحدة الأمريكية , تخصصى nursing , بجامعة كنت ابغا هارفد بس مافيها تخصصي =_=
    • كنت ابغا هارفد بس مافيها تخصصي =_=
    • nursing
    • أنثى
    • أنت تريد وأنا أريد .. والله يفعل مايريد, قريباً
    • أستراليا
    • Feb 2009
    المزيدl

    August 18th, 2009, 11:37 PM

    بسم الله الرحمن الرحيم ..

    كتابتي للموضوع هو اولا واخير الفجيعه اللتي اصابتني عندما عرفت ان امريكا مصيري فالابتعاث

    خاصه واني كنت حاذفتها من خريطة العالم مع كندا طبعا ..

    ولاكن يجب ان لا نستسلم لليأس ..

    وأول سبب يخلي الواحد يكره اميركا بالنسبه ليا هو اختبار الــ GRE

    ما جربتوا ولاكن أكرهوا ..ماهو داخل مزاجي ..لاني عندي اختبار الرخصه للمدراس الاجنبيه واختبار الانكلكس عشان

    اخد البورد في التمريض علشان اقدر ادرس ما ستر .. يعني من يناقصه اختبارات وصار شي اسمو توفل او ايلس اتفه شي عندي لانو لا يقارن بالقائمه الرائعه اللي لازم اختبرها ..

    المهم قررت إني أبدء أذاكر وأهيء نفسي علشانو ..

    وفي دا الموضوع كتبت كل شيء وجدتو عن هدا الامتحان .. عشان يكون فائده للجميع وأجر من الله وتوفيق أولا وأخيرا ..

    إختبار الــ GRE :

    هو أختصار لكلمة : Graduate Record Exam
    يعني مثل إختبار القياس اللي هو القدارت اللي عندنا في السعوديه ولاكن هذا الاميركي وهو مهم حتى لطلاب الماستر والدكتوراه مو بس الثانوي زي السعوديه

    ويوجد انواع اخرى وهو الــ GMAT والــ ESSL والــ GRE SUJECT TEST


    وذلك يعتمد على نوع التخصص ومتطلب الجامعه ..

    ومعظم جامعات اميركا تنظرا اليه وليس إلى الــ GPA وهو المعدل ..

    وفي بعض الجامعات تلغي إختبار الــ GRE إذا كان المعدل 3.5 من 4 إذا كان المتخرج من جامعه أميركية .

    رسوم الامتحان :
    داخل الــ USA راح يكون 150$

    في أي دوله اخرى غير الصين راح يكون 180$

    وهذه صفحة المبالغ المطلوبه وتعتمد على مكان ونوع الامتحان :
    Fees for Tests and Related Services - General Test


    طبيعة الأمتحان :

    إمتحان القياس نوعين على كومبيوتر أو على ورق في أوقات معينه في السنه ويوجد له مكان في السعوديه في الغرفه التجاريه بالدمام ولاكن على الكومبيوتر ..

    أقسام الامتحان :


    يعتمد الاختبار على 3 اقسام

    أولا : Quantitative (( الكمي ))
    وهو يعتمد على (( الرياضيات في مرحلة المتوسط , ,,التحليل .. النسبه والتوزان إلخ

    ثانيا : Verbal (( النظري او اللغوي ))
    وهو يعتمد على الثقافه الضحله في اللغه الانجليزيه والقدره على حفظ الكلمات العريقه واستخدامها في المكان المناسب .. وهو عادة صعب لدى الجميع لانه يحتاج الى معرفه وخبره باللغه الانجليزيه

    ثالثا : Essay (( الكتابي ))
    وهو يعتمد على مسئلة يتم حلها وتعتمد اولا واخيرا على الفتكير السليم والقدره على الكتابه بشكل علمي
    وعادة لا ينظر الى هذا القسم

    وفي هدا الجدول المترجم من احد المواقع نظره الى مدة الامتحان وعدد الاسئلة في كل قسم :




    كيف يتم تقسيم الدرجات :

    القسم الاول والثانيه وهو الفوكابلري و الكمي ..

    لكل قسم يوجد سكال وهو ما يقال عنه اعتقد بالعربي مدرج العلامات وكل درجه تكون بزيادة 10 يعني مستحيل تاخد درجة 505 لازم 500 او 510 . << اللي قلك اخدت 415 تراه كداب

    مثلا اقل درجه في الامتحان هي 200 واعلاها 800

    يعني إذا ما حليت ولا سؤال راح تاخذ 200 ولو في اسئلة ماحليتها ممكن تاخد العلامه الكامله 800 << يعني اللي قلك انا اخدت 300 تراه من جنبها

    طيب على كل قسم يوجد 800 يعني المجموع الكامل 1600

    وفي ماشاء الله سمعت انو طلاب سعوديين وصلو للـ 1000

    طيب القسم الكتابي الدرجات تبعتو من 0 – 9 وهو مدرج الدرجات

    صاحبتي جابت فيلو 1 هع هع بس بصراحه ما ذاكرت هديك المذاكره ..

    وفيه ملاحظة مهمه لقيتها :

    اللي يحل في اختبار الكومبيوتر راح يجيلو سؤال في النهايه هل تريد عرض الدرجة او لا

    اذا اخترت ايوه .. راح تسجل درجتك وما راح يمديك تمسحها وراح تترسل لاي جامعه تستفسر عنك حتى لو اختبرت اختبار تاني .. راح تكون هدي الدرجة موجوده

    ولو حطيت لا ما راح يسجل الدرجه وراح يعتبر انك ما اختبرت الاختبار ابدا ...

    ويوجد في أميركا معهد كابلان وهو للتهيئة والتقويه للــ gre والملحقيه تتكفل مصاريف دخول المعهد
    بشرط ان يدفع الطالب اولا ثم يرسل الفاتوره للملحقيه لكي يتم التعويض عنه

    وحتى رسوم الامتحان يتم التعويض عنها حينما تحضر ما يثبت ذلك .
    .
    وهذا موقع كابلان حيث ينصح بكتبه لانها مفيده جدا جدا وتستطيع شرائها من الانترنت او امازون ويوجد البعض منها في جرير ..


    في السعوديه سمعت عن مكتب اديكون انو يقدم دورات للجي ار اي

    وهذا هو الموقع الرسمي للامتحان :
    http://www.ets.org/gre/

    وفيلو اشياء ء مفيده للامتحان ومنو يتم التسجيل ..

    صحيح انو اللي ماعندو لغه لا يتعب نفسو ويدخل الين ما يقوي نفسو فيها ولاكن لمن تعرف طبيعة الامتحان وانت بتدرس لغه ابدء ادرس المواد بالانجليش عشان تتقوى في الاثنين وتضرب عصفورين بحجر ..


    طبعا أنا راح أبدء ان شاء الله انزل مواضيع عن كل قسم ماله وماعليه .. ومواقع مفيده وكتب وبرامج ..

    يعني كل اللي القاه راح اقلكم عليه .. بإذن اللـــــــــــهــ..

    تمنياتي للجميع بالتوفيق ..


    تمت اضافة مكتب الشرقيه للتسجيل

    SAUDI ARABIA

    هــاتـف:
    +966 3 8571111

    DAMMAM (MEN)
    Test Center Number: 8722
    TESTS OFFERED: GRE, TOEFL
    PERMANENT CENTER

    DAMMAM (WOMEN)
    Test Center Number: 8742
    TESTS OFFERED: GRE, TOEFL
    PERMANENT CENTER

  2. واو توني اعرف وربي ايش هو
    والجامعة اللي مختارتها حضرتي طالبه هالاختبار
    يا سلاااااااااااااااااااام سلم

    وهذا اسويه لازم اسويه هنا قبل اروح؟ والا عادي هناك؟
    من ججججججججد ورطه
    الله يستر
    وربي كويس نبهتيني عليه خليني ادور على جامعه ما تطلبه ):
    7 "
  3. مشكوره اختي ويعطيك العافيه ولكن عندي سؤال

    انا الان ابحث عن قبول لأمريكا تخصص Biomedical Engineering

    هل لازم اني اختر هذا الاختبار ؟؟

    علما باني هربت من اسبانيا لاني مجبور على اختبار تقريبا مشابه لهذا الاختبار

    تحياتي لك

    بندور
    7 "
  4. يدااا يداااا _ ابغى تكتبولي دعوه _ ما ابغا شكر (<<ـتتشرط بعد

    في جامعات امريكيه ما تطلب هدا الاختبار ولاكنها قلهه ومليانه سعوديين لانهم للاسف يهربوا اليها

    فالجامعات القويه والمرموقه في اميركا كلها تطلب هدا الامتحان ..

    ولذى الشخص خيارين ايما ان ياخذ الاختبار هنا وهدا لو كان مستواه الانجليزي مرتفع وهو في الغرفه التجاريه بالدمام ولاكن التسجيل يكون عن طريق الموقع التابع للاختبار

    او ان يدرسه في معهد كابلان في اميركا كما اسلفت في القول ومن ثم يحضر الاختبار ..

    وانا افضل الاستعداد لهذا الامتحان في جميع الاحوال منذ وقت مبكر ..

    لان الجامعات راح تعطي قبول مشروط زي التوفل ..الين ما تجيب درجة الامتحان

    وبالنسبه لتخصصك اخويه Biomedical Engineering

    فهو باحتمال كبير يطلب الاختبار لاني سمعت ان مافي مفر منو للتخصصات الطبيه والهندسيه

    وارجع واقول هو متطلب جامعي ويوجد من يشترطه ويوجد من لا ..

    اانا صاحبتي جابت 700 من 1600 وماشاء الله انقبلت في ثاني اقوى جامعه في اميركا للتخصصات الطبية

    لانهم حطوا في بالهم انو لغتها ماهي انجليزيه ودرجتها مره خايبه ولاكن حضور الامتحان مهم وهما اللي يحددو بعدو قبولك او لا ..


    والله يوفقنا جميعا ويزقنا العلم النافع والمتقبل ...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.