تبون تدرسون على حسابكم ؟؟تعالوا انا عندي فكره حلوه
بسم الله الرحمن الرحيم
السلام عليكم ورحمة الله وبركاته اما بعد <<<وش تحس به
اسمعو كلنا نبي ولاية رخصية واهلها طيبين وامنه
لاحد يقولي مابي برد <<<اذا ولد نعمة اطلع برااا الموضوع لعيال الفقر اللي بحالتي :suck_kr:
طبعا هنا لاحد يكتب مشكور ولاحد يتفلسف كل واحد يكتب اللي يعرفه وبس
انت اكتب معلوماتك وكم معك دراهم وش تبي تدرس تخصص
طبعا السكن لازم تسكن مع عائلة عشان اللغة انت رايح تدرس اذا حفضت اللغة زي اسمك رح اسكن لحالك
حاول انك ماتتكلم عربي ابدا الى في صلاتك والصلاة الصلاة لانها تنها عن الفحشاء والمنكر
حاول تدخل برامج المحادثة مثل البالتوك ولاتدخل رومات عربية ادخل رومات امريكية وخلك مستمع
لان التعليم يبدا بالاستماع يعني زي لما كنت صغير بس تسمع الين صرت تتكلم وبعدها درست وصرت تكتب
ركز على الاستماع حاول تطلع تختلط بالناس كل واحد ادخل معه عرض وتكلم معه
وحاول كل يومين تتعلم شي جديد وكلام جديد واسئلة جديده مو كل ماقبلت واحد نفس الاسئلة
اختلط بالناس
طيب انا راح ابدا هنا ببياناتي اللي يدخل الموضوع يرد على اللي يسالون او يسائل في رد واحد يكتب فيه كل
اللي يبي لان محد راح يتابعك وكل شوي يرد عليك
طيب بسم الله ابدا
انا متخرج لي سنتين
علمي نسبتي 71 القدرات 64 ابي ادرس هندسة
معي خمسين الف ريال سعودي <<عشان محد يفكرها بالدولار
ابي ولاية السعوديين فيها قليل اهلها عادي مايهم طيبين او لا بس المهم كل واحد في حاله
برد حر مطر ملل اي شي ماتفرق المهم تكون جامعتها معترف فيها واقدر احول على البعثات
جامعتها صعبه سهله كمان ماتفرق لاني جاي ادرس
(واذا كان فيها وظائف يعني نغسل صحون نطبخ :chef: اي وظيفه يكون احلى) مو مهم برضو
الله يوفق الجميع لما يحب ويرضا
رد: تبون تدرسون على حسابكم ؟؟تعالوا انا عندي فكره حلوه
وليش ما تروح
بالعكس
مدام ناوي تساعد نفسك بنفسك...انت المستفيد الاول و وضعك بيكون احسن من وضع كثيييير غيرك
واكيد ما راح احد يتخلى عنك
لا اهلك ولا الوزارة
بس خليك جدي وعندك نفس الروح اللي واضحه في كلماتك :)
رد: تبون تدرسون على حسابكم ؟؟تعالوا انا عندي فكره حلوه
اقتباس:
المشاركة الأصلية كتبت بواسطة mozna
وليش ما تروح
بالعكس
مدام ناوي تساعد نفسك بنفسك...انت المستفيد الاول و وضعك بيكون احسن من وضع كثيييير غيرك
واكيد ما راح احد يتخلى عنك
لا اهلك ولا الوزارة
بس خليك جدي وعندك نفس الروح اللي واضحه في كلماتك :)
ياحبيبي الضمان المالي لازم يكون ثمانين الف وانا مامعي الى خمسين
ومسوي جمعية مع الشباب الله يكملها بس
شكرا على مرورك
رد: تبون تدرسون على حسابكم ؟؟تعالوا انا عندي فكره حلوه
والله شوف انا انصحك انك تسال عن مساله الضم للبعثه قبل لاتروح عشان يكون وضعك اوك وواضح عشان لاتورط
رد: تبون تدرسون على حسابكم ؟؟تعالوا انا عندي فكره حلوه
الله يسهل علينا بس ويفرج علينا
رد: تبون تدرسون على حسابكم ؟؟تعالوا انا عندي فكره حلوه
يعجبني فيك والله طمووح العالي مشاءالله عليك
بالنسبة للضمان المالي .. حاول تدبره لا يوقفك
لو تبيع سيارتك و أغلى ماعندك .!.
بالتوفيق
رد: تبون تدرسون على حسابكم ؟؟تعالوا انا عندي فكره حلوه
اقتباس:
المشاركة الأصلية كتبت بواسطة @صوتك يناديني@
والله شوف انا انصحك انك تسال عن مساله الضم للبعثه قبل لاتروح عشان يكون وضعك اوك وواضح عشان لاتورط
مايحتاج اسال لاني راح اجتهد واكيد ماراح يتخلون عني
رد: تبون تدرسون على حسابكم ؟؟تعالوا انا عندي فكره حلوه
اقتباس:
المشاركة الأصلية كتبت بواسطة وش السالفة؟
يعجبني فيك والله طمووح العالي مشاءالله عليك
بالنسبة للضمان المالي .. حاول تدبره لا يوقفك
لو تبيع سيارتك و أغلى ماعندك .!.
بالتوفيق
مشكور حبيبي يكفيني في هذا الموضوع طلتك الحلوه
وردك الجميل لاكن صدقني ماتركت شي مابعته حتى الكنب وبعدين وش تتوقع من انسان عاطل
حتى ابوي الله يطولي بعمره كل يوم ينقص في الفلوس تعرف الشيبان انا خايف يلاقي له ارض ويشتريها
عاد ابوي اذا اشترا ارض مايبيعها الى بعد قرن من الزمان الله يستر بس
رد: تبون تدرسون على حسابكم ؟؟تعالوا انا عندي فكره حلوه
انا بس ابي اعرف قيمه الدوله الي بروح لها عشان اجمع وادرس ع حسابي وبعدين انضم للبعثه
لان اذا ع نسبتي الجامعيه 3 وقسم رياضيات ماتوقع يقبلوني البعثه
رد: تبون تدرسون على حسابكم ؟؟تعالوا انا عندي فكره حلوه
اقتباس:
المشاركة الأصلية كتبت بواسطة ~ L
انا بس ابي اعرف قيمه الدوله الي بروح لها عشان اجمع وادرس ع حسابي وبعدين انضم للبعثه
لان اذا ع نسبتي الجامعيه 3 وقسم رياضيات ماتوقع يقبلوني البعثه
عزيزتي الرجاء كتابة السؤال بطريقة اوضح
يعني اكتبي في رد واحد كل اللي بخاطر ووش تبين بالظبط والاخوان ان شاء الله بيساعدونك