" تخرجي من الثتوي" الى "وصولي لأمريكا" قصص ومواقف !!

يالله متى التكملة ؟

كمل كمل لاتتأخر والله يوفقك والجميع إن شاءلله ،،

مرحبا يالكنق
تسلم على هالفكره الحلوووه

ومنتظرين الجزء القااادم بكل شوووووووووووووووووووووووق

كمل بارك الله فيك

اسلوبك تحفه

سبحآن الله

نفس قصتي تماما .. صرآحة ما انسى ذيك الايام اللي مرت علي
كانت منعرج اساسي في حياتي .. لكن الحمد لله .. اخترت بعثة الخطوط
وأحسها كانت خيآر صآئب .. لا توقيع عقد ولا خرابيط .. وتختار التخصص والدولة اللي تبغاها

ع العموم اللي يوفقك وبنتظار الاقسام الجايه

المصدوم من التخصصات
لا تنصدم طال عمرك الحياه كذا . :)

قنبلة الانترنت
طيب يا عيوني ما يصير الا اللي يرضيك << يقلد ذيك االلي في قناة الرأي

Hadeeel
تكرم عينك ولو ..

Charmer
وانتي اسلوبك مجسم << بايخه صح
أبشري بالخير

سمسومـ
ايه اذكرك كنت معنا بذاك الموضوع حق الخطوط .. تصدق حتى انا الى الحين أقول الحمد لله اني اخترت ارامكو وسحبت على الخطوط P:

ههههههههههههههههههههههههه

ماشا الله عليك اسلوبك روعة كمل

الله يوفقك ان شا الله

Dr Iman
وليش لا .. جزيئن بنفس اليوم تستاهلون والله

الجزء الثالث:
على العموم بعد النجاح من البرنامج والتخرج بنجاح مدري كيف جاء بس الحمد لله
الحين جاني هم وغم جديد اللي هو الغربه ووين بسافر,
انا كان خياري الاول أمريكا وجاني قبول في جامعات محترمه لكن أخوياي كلهم يبون بيرطانيا وانا قاعد أحاول أقنعهم وبعد مده من المحاولات أقنعتهم كلهم بأمريكا وهم بالولاية اللي جنبي بيكونون . يعني قرايب
بعد 4 اسابيع حقت الفيزا اشوف الناس كلهم طاقين فيزهم و ماشين قريب واخواياي اللي اقنعتهم طلعت لهم فيزهم الا انا , انا قلت عادي باقي لي اسبوعين وتطلع لكن للأسف مرت 6 اسابيع ولا جاني شي وقال موظف ارامكو المسوؤل عن الابتعاث .. يبو عزوز معليش وآسفين أمريكا خلاص صعبه انك تروح لها << سبحان الله كلهم يعرفون اني ابو عزوز حتى في السفارة ما نادوني الا بو عزوز هههه

وانا أحاول فيه يمين يسار تكفى قال طيب بعد اسبوع اذا ما جاك شي بتروح بريطانيا وانا أقول لأخوياي اللي أقنعتهم بأمريكا شكلي بروح بريطانيا وانا من القهر كل ما أمر من عند السفارة الامريكيه بالظهران يدقتي قلبي << مرهف
ومر الاسبوع ذا واخوياي سافروا وانا ما جاني شي دق علي ذا حق ارامكو الامريكي وقال خلاص ارتحت مر الوقت ولا جاك شي ما لك الا بريطانيا !!
وانا أقول امري لله خلاص !
وبريطانيا لو بسافر يبي لي شهرين في السعودية فشغلت الموتر وعلى ديار العز ( الجنوب) مسكت خط الى الباحه وقلت يا رجال اللي فيها فيها
وانا قاعد أحاول في ارامكو اقول لهم لو جت ولو ما جت قال لك 6 ايام اذا جتك والا خلاص ( لأن ال I- 20 ينتهي بعد 9 ايام )
ومر 15 اسبوع من التقديم على الفيزا وتجيني رساله من السفارة الامريكيه يقولون ارسل جوازك عشان نطبع لك الفيزا . بغيت انجن لأنه لو جت قبلها بيومين بس كان قدرت أسافر لحلمي أمريكا !! بس للأسف ما أقدر لأن الأي تونتي منتهي قبل كم يوم.
وعلى طول حولت الرساله الى ارامكو وقالو لي وينك وانا أقول قي الجنوب قال تعال ونتفاهم لكن صعبه لأن الI 20 ينتهي قريب وما تقدر تدخل أمريكا بدونه !! انا نقزت له اقول له يعني باقي ما اتنهى .. قال الا بس جبنا لك رسالة تمديد لمدة 6 أيام ثانية
بس عشان تكونون على بينه ( انا الحين جتني الرساله اللي تقول ارسل جوازك بس اذا ارسلت الجواز يبي له اسبوعين ثانية في السفارة عشان يطبعون الفيزا) وقال لي الامريكي ترى الامل ضعيف جدا والاغلب انك مانت برايح امريكا ل3 اسباب :
1- الاي توني بينتهي
2- الدراسة تبدأ بعد 8 أيام
3- والجواز بيطول في السفارة الامريكية

ولكن اذا واذا فقط توفر الاتي بحاول اسفرك:
1- يطلع جوازك قبل انتهاء الاي تونتي بيومين ( شبه مستحيل)
2- القبول باقي موجود حق الجامعه
3 وعندك سكن هناك

انا قلت كله تمام بس باقي ارسل الجواز
والله وادور حجز من مطار غامد الدولي ببلجرشي وأدور عن طريق الطايف .. ما فيه ابدا .. انا أبي اسافر عشان اعطيهم الجواز لأن الجواز في الشرقية لحاله مسكين
استخرت ودعيت ربي و بعدها قاعد ادور و ادور وادور واذا أبي الحق لازم اسافر بنفس اليوم للشرقيه عشان الحق و اعطيهم الجواز عشان يرجع بدري قبل انتهاء الاي تونتي اللي بينتهي في 6 أيام

العلم وسلامتك . وانا أدور كذا فجـأه ينقز لي حجز مباشر الباحه- الدمام صباح اليوم الثاني << معجزة نادر ما تصير تلقى حجز ومباشر بعد . انا ما صدقت على الله خذته على طول


سافرت والا ما سافرت ووش صار قريبآآآ

اسمع لك عندي بسنس مية مية ايش رايك تكتب قصتك في كتاب وبيعها على مكتبت جرير بس المكسب انص بنص

ما شاء الله عليك فللللللللللللللللللة مع انك فيك شوية دلاخحححححححة هههههههههههههههههههه