" تخرجي من الثتوي" الى "وصولي لأمريكا" قصص ومواقف !!

رجاء يا فله انت واياه لا حد يغلط بس انا اقول عن نفسي دلخ مفهوم هههه لا من جد يا فله
المهم خذو جزء خفيف تصبيرة << يقلد لوزين

وصل خويكم الى البوابه الصح والموظف بس شاف الجواز الاخضر من بعيد قام يرحب ويهلي و قال جيت والله جابك يا أعز الناااااااس وقامو كل اللي في المطار يرقصون خخخخ << نصاب شوي
والله وتقابلني موظفة المطار الهنديه << حتى هم عندهم هنود بس من الجنس الناعم .. لكنهم أرجل من بعض اللي الشباب اللي عندنا
عالعموم وتمسكني ام هنود ذي وتقول سفط يا عسل وانا أقلها عسلك برص هههههه مدري وش هي
وقاعده تحقق معي وتقول وين رايح وانا أقولها امريكا << بالله خخخ
قالت لا تستظرف جاوب على قدر السؤال وقلت لها طيب وقلت لها بروح ستيت كولج بدرس في جامعه بنسلفانيا ستيت قالت عطني الI 20 وعطيتها وتقول ذا أول مره ونادت وحده ثانيه و حطت لي الجواز استكر صغير وقعدت تسجل معلومات الزبدة انا خفت وودتني غرفه في المطار و فتشوني من الى حتى الجزمه الله يكرمكم فتشوها و قعد يحقق معي شوي وسجل معلومات في ورقه وانا يوم قريتها لقيت مكتوب فتشوه في امريكا ومدري وشو ..
المهم قال لي رح هناك وعطاني أوراقي واثره ابن الكلب ارسلني لبوابه ثانية مو حقتي ( مدري نذاله والا ما درى )
عالعموم وانا اشوف المكان فاااااضي وسألت الموظفه قالت ترة طيارتك شوي وتقلع في البوابة الفلانية وانا اركض للبوابه الثانيه وانا حاقد مليون على الوصخ ذاك .. لكن ما باليد حيله
الزبدة دخلت و انا زي ما تعرفون سعودي ولا حول نظام والقى طابور وادخل من جنب وتصيدني بنت اللذين .. وتقول ارجع لآخر الصف .. وانا أتأسف وأقول لها مادريت وقالت خلاص بس لا تعودها خخخ
ركبت الطيارة الامريكية .. المراتب مريحه بس ما فيها لا شاشات ولا شي يعني زههههق لكن بجانبي واحد بريطاني غريب في البداية حسبت انه انا .ههههه.. يشبه لي ولابس نفس ملابسي وكل ما أطلب شي يقلدني والله عجيييييييييييييييييب بس فلاوي وسوالف الى امريكا
بس كانت أطول رحله في حياتي يلعنهم 9 ساعات الى فيلادلفيا عالعموم نزلنا فيلادلفيا أمريكا و دخلنا قاعه كبيييييييييييييييره وفيها 70 مسار 20 للأمريكين .. و 40 للأجانب و 10 مقفله. والله كل الصفوف مليانه مسكت أقصر واحد وصفيت ووقف وكل الناس تعدوني رحت واحد ثاني سريع ويوم جيته وقف والصفوف الثانيه تمشي رحت واحد ثالث ونفس الحركه << اقلكم منحوووووووووووس
والله اني من آخر 10 اللي دخلو
ورحت عند الموظف شاف اوراقي وقال رح غرفه التفتيش الثانويه وانا أقول شكلي مانيب لاحق على رحلت ستيت كولج لأنه بس 4 ساعات
رحت غرفه التفتيش وعطيتم الملف الاحمر اللي عطوني اياه الامقريشن وقالو رح جيب عفشك وتعال .. رحت جبته وانتظرت (الغرفه ذي مليانه كل الجنسيات بس أكثرهم مكسيكان وفيه واحد لفت نظري اوروبي اسمه مجاهد خخخخخ نشبو له نشبه خخخ وفيه بعض الهنود)
الزبدة خلصو كل اللي بالغرفه ما بقى الا انا ووحده سمرا كنديه . الكندية قبلي دخلت واسمعو وش صار لها عشان يكون تحذير مهم للجميع ( سألتها شرطيه الهجره وش سويت آخر مره كنتي في أمريكا .. هي طالبه قالت أدرس .. قالت طيب سويتي شي ثاني قالت ايه صح كنت أحضن اطفال baby sitter و قالت لها هات جوازك و تختم عالفيزا - مرفووووضه - وتقول لها ارجعي بلدك والله هذا اللي صار ,, --انا قمت ارجف واقول والله شكلي برجع حتى انا -- و قامت تحاول الكنديه وتقول لا بس كانت خدمه مو وظيفه قالت كم يعطونك فلوس قالت 10 دولار الساعه قالت لها خلاص انت الحين اخذتي فرصه واحد امريكي انه يتوظف ووالله رجعتها لكندا وقعدت تبكيي) الطلاب ممنوع يشتغلون ولا شي مفهوم يا شباب لا تشتغل الى حتى وتتأكد من الجامعه والقانون
المهم جاء دوري وقال وش تبي ووين رايح ولييش متى بترجع وش بتدرس وش اسم امك وانا أقول اش دخلك اهلك في أمي قال لا هذي اجراءات تذكرت اني في امريكا وقلت ايه عادي ههههه
عالعموم شوي ودخلو كلب يشم كل شي ويدور يلعن ابوه مو كلب ذاك الا أسد خخخ
الزبدة عطاني فورمات بيسطه أعبيها وقال ترى ذي بس عشان انت أول مره تدخل امريكا بعدين خلاص ما يحتاج تسويها خلصت كل شي في ساعتين ورحت للجمارك شافو جوازي من بعيد وقالو انت من اسرائيل صح ؟؟ وانا أقول لا السعودية .. قالت أهم شي انكم في نفس الدوله هههه والله وقفت شوي وقلت يلعن ام الرحله تروح ما تروح لازم افهم ذي الحمارة
قعدت 10 دقايق افهمها ان اسرائيل والسعودية مو دوله وحده خخخ والله شعب على نياته
الزبدة خلصت كل اموري و رحت للباص اللي يوصلني للرحلات الداخليه وصلت وباقي نص ساعه عالرحله واطالع مع الدريشه حقت المطار الا والسماء قلبت سوداء وقامت الامطار والبروق وانا في حياتي ما قد شفت زيهاا وشوي ويقولن اركبو الطيارة وانا اطالع واقول طيب والمطر وجلسو يظحكون .. والله لو جاء مثل المطر ذاك في الشرقيه كان حتى البيوت تقفل..
ووالله شغل الطيارة الذيب وعطاه اول وانا أول ما عشق نمت نووومه والله ما قمت الا والطيارة فااااااااااضيه والمظيفه تقول قم انقلع خلاص هههه
نزلت في المطار ولقيت واحد أسمرررر تكسي قلت ما عندي الا انت توكلت على الله وركبت معه قلت ميده يوصلني الى الفندق اللي حجز لي فيه ابو توم وانا في التكسي سألني من وين انا وقال انتم هناك عندكم تغسلون سيارتاكم بالبنزين وقعد يضحك .. يلعنه والله خوفني ههه .. رحت وشريت ببسي الله يقلعهم الببسي هنا ب 7 ريال الصغير وانا مدمن ببسي .. والله صرت اشري بالجمله كراتين ههههه << ما فيه امل أترك الببسي
عالعموم دخلت الغرفه والله انها أفخم من السعوديه كلها خخخ
تسبحت وطلبت بيتزا الساعه 1 الليل وجاني الطلب بعد 25 دقيقة وقال 16 دولار عطيته 20 ومشى ابن الكلب نادتيه تعال يبو باقي 4 دولار قال اكراميه وانا في بالي اقول يلعن ام الاكريميه ال4 دولار لكن فدى راسك روح بس

أكلت البيتزا و أرسلت رساله بالجوال الى الادفايزر حقتي ما أتذكر شي بعدها نمت مدري مت الزبده قمت الصبح الا والتلفون يدق رديت الا وحده سعوديه قمة في الادب والاحترام تقول انا بمرك بعد شوي نظبط امورك بالجامعه ووالله وصلتني هي وخويتها الى الجامعه وخدمه 7 نجوم طلعو لي البطاقه الجامعيه و فتحو لي البنك وسو لي السكن و نزلوني عند واحد من الشباب وراحو ( الله يعطيهم العافيه)

هذي هي قصتي الى وصولي امريكا عندي مواقف ثانية صارت لي في أول أسبوع بأمريكا فيه الحزييين وفيه اللي يظحك
ونا ترى توني ما كملت اسبوع كامل .. رمضان كان باقي له يومين والدراسه بعد 4 ايام كانت
اليوم 4 رمضان وثاني يوم دراسي

الجزء القادم (ما بعد الوصول .. مواقف ومشااااااااااااااااااااااااااااااااااااااااااااااا اااااااكل )