الأعضاء الإشتراك و التسجيل

الملتقيات
ADs

" تخرجي من الثتوي" الى "وصولي لأمريكا" قصص ومواقف !!

" تخرجي من الثتوي" الى "وصولي لأمريكا" قصص ومواقف !!


NOTICE

تنبيه: هذا الموضوع قديم. تم طرحه قبل 3037 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الكنق707
    الكنق707

    مبتعث مجتهد Senior Member

    الكنق707 الولايات المتحدة الأمريكية

    الكنق707 , ذكر. مبتعث مجتهد Senior Member. من الولايات المتحدة الأمريكية , مبتعث فى الولايات المتحدة الأمريكية , تخصصى طالب , بجامعة ــ
    • ــ
    • طالب
    • ذكر
    • ــ, PA
    • الولايات المتحدة الأمريكية
    • Aug 2008
    المزيدl

    August 23rd, 2009, 09:18 AM

    بسم الله الرحمن الرحيم

    السلام عليكم ورحمة الله وبركاته ,
    أخواني أعضاء منتدى مبتعث وزائريه , هذا الموضوع راح أذكر فيه قصة حيااتي , اذا مستعد للرحلة ملئية بالتشويق والمرح كمل معنا اما اذا مشغول الله يستر عليك

    أولا ودي أوضح بعض النقاط
    1- توني شاري الابتوب وما فيه حروف عربيه وماشي على البركه .. يعني أعذروني على الاخطاء الاملائية وكل شي << بدا التصريف
    2- الموضوع ذا عشان نرجع الامل الى اللي فقدوه .. بتشوفون وش أقصد قداااام ..
    3- عشان نشيل الرهيه و الفكره اللي الناس مآخذينها عن أمريكا
    4- مدري بس وناسه ان شاء الله


    الجزء الأول :

    خويكم ابو عزوز تخرج من الثنوي العام اللي قبل .. وقدم على برنامح ارامكو للأبتعاث اختبرت اختبار ارامكو و حسيت اني حليت حل مو زين << دايم كل شي يمشي عكس توقعه

    الزبدة انا كان عندي قبول في البترول فما كنت مره مهتم لأرامكو << تكفى هم اللي ميتين عليك
    يعد فترة كذا جتني رساله من ارامكو يقولون انت في قائمة الاتنظار , ما أعطيتها بال , وكملت حياتي على اني رايح البترول , بس الصدمة انه في قبل رمضان بيوم جتني رسالة يقولون فيها " تعال يا عسل سوي الفحص الطبي حق ارامكو " فسويت الفخص وانا باقي ما كنت مره حاط ارامكو في بالي
    .. لكن بعد الفحص بكم يوم وانا نايم بظهر رمضان رقم غريب دق علي , سحبت عليه قلت من ذا الفاضي .. وبعد ما قمت وبديت أفكر , حسيت اني المفروض رديت. خويكم مطفر فدقيت وقفلت على الرقم , بعدها دق علي وقال اخوي بو عزوز وصلنا فحصك الطبي ونبيك معنا بأرامكو والتخصص المتوفر جيولوجيا . يوم قال جيولوجيا بغيت أقفل في وجهه . لكن قلت له عطني مهله أفكر قال لك الى بكرة الصباح يا تجي وتوقع العقد والا يروح عليك وانا أقول ايه ايه على زينكم وتخصصكم ذا << طبعا في بالي ما صرحت بشي
    بعد ما سألت الوالد وناس ذوي خبره وناس بالسي بي سي ذا
    صملت على قرار ..

    اذا لقيت تفاعل بكمل واذا ما فيه حماس أعتذر من ألحين .. ترى القصة طويييييييييييييييله لين أمريكا !!
  2. السلام عليكم ورحمة الله وبركاته ,

    موضوع رائع أخوي كنج وأتمنى نشوف الأجزاء المتبقية لهذه القصة الممتعة

    وأنا رح أكون متآبع لك لكي أستفيد من خبرتك في أمريكا بحكم أنني محتار حالياً بين الدراسة في أمريكا أو البقاء في السعودية وإكمال البكالوريوس ..؟!

    وتقبل تحيآتي ودمت بخير , ورمضآن كريم لجميع الأخوآن المبتعثين
    7 "
  3. كفو والله فيه شوية حماس..

    __الجزء الثاني__

    على العموم على ما قالوا .أستخر واستشر سويت كل اللي علي و صار شي ما كنت أتوقعه. انا رحت مكتب ارامكو ووقعت العقد يلعن ابليسهم يسحرون . عالعموم كانت خطتي كالآتي :
    1- ابدأ البرنامج
    2- أغير التخصص بأي طريقة
    3- اني آخذ البرنامج كسنة تحضيرية و بعدين أروح للبترول

    مالكم بالطويلة, بديت البرنامج في رمضان ومتأخر عن الطلاب بأسبوعين و لا أعرف ابن امه , حالتي أقسم بالله كانت ولا بريال
    تعبان نفسيا ظغط ابن كلب وكرف ملعون .. وكله انجلش وانا متأخر ولا أدبرها
    مع الوقت تسهلت الامور لكن جاني هم المعدل شروط النجاح من البرنامج انك تجيب معدل 2.5 من 4.00 وانا ما أدري وش السالفة
    تصدقون كان فيه غلط بالجدول عندي كلاسين ماث << لطلاب الثنوي حصتين رياضيات ههه
    والكلاسين كانت نفس الشي بس المدرس يختلف . والله العظيم من الدجه اني ما دريت قاعد اسبوعين اداوم هنا وهناك وهي نفس الشي واستلم الكتب هنا ويعطوني الكتب نفسها هناك, وانا ما غير احضر وأهز رأسي والله مدري وش السالفه

    بديت أشك انه في شي غلط كلمت المشرف علينا وسألته وفقع ظحك ابن اللذين .. يقول يا دلخ تدوام مرتين في اليوم نفس الكلاس هههههه
    وانا أظحك معه وأصلن مدري وش يقول بس فهمت اني انا دلخخخ
    الزبدة عدل جدولي وحط لي كورس كمبيوتر وصرت متأخر في الكورس ذا 4 اسابيع ( اسبوعين لأني متأخر بالقبول و اسبوعين دلاخه )
    ومع مرور الايام قدرت أتكيف مع الوضع لكن هم المعدل باقي وجاء وقت الاختبارات النصفيه . المد تيرمز وانا أصم الكتاب صم << كان عندي كلاسين ماث يعني المفروض سهاله
    قمت صباح الاختبار وانا ساكن بالسكن حق الطلاب وسويت لي حليب . ونسيته وانحرق و قامت العمارة تصايح وصفارات الانذار قامت.. يا ليل.. وانا ادري انه الحليب حقي وتشوف الناس طالعين خوف من العمارة ما درو انه انا خخخخ
    وانا أخلص اغراضي وآخذ الحليب المحروق واشربه << العزوبية شيييينه
    لبست ملابسي وادعس والقى الدفاع المدني وصل و زحمه , انا مشيت ما كأني سويت شي هههه
    رحت للأختبار وجاني أختبااار موووووووووووووت صعب << كله من الحليب ودعاوي الناس
    بس ولو انا قلت في أقصى الحالات ناجح ان شاء الله لكن يوم طلعت النتايج باليوم الثاني ( هم مرتبين الاسماء من الافضل الى الاسواء ) انا قاعد ادور من الافضل متعود على الثنوي, ادور ادور مو موجود
    ادور تحت ال B مو موجود و تحت c و D مو موجود والقى اسمى3 واحد من الاخير F كذا باصمينه بصمه الله لا يوريكم
    واشوف الدرجه وطلعت 31 من 100 تخيلو يعني ولا حتى النص
    وقفلت أخلاقي وكل واحد يفتي من عنده وش بيصير لي
    انا رجعت أقول ما أبي ارامكو ابي البتروووول ومشيته على انه سنه تحضيرية لكن كنت خايف أضيع سنه من عمري
    مشت الامور وجا الكيمياء وجبت فيها 50 وانا طاير من الفرح نااااااااااااااااااااااجح على الحفه وأخذتها كدفعه معنوية وقمت أذاكر قبل الاختبار بأسبوع لكل المواد والله جهودي أثمرت << متعوب عليها " اثمرت " ذي
    وبعد ما انتهى الترم الاول رحت استلم الشهايد وانا خايف ونسيت أقول انه جاني قبول في بعثة الخطوط وقاعدين يشحذوني بو عزوز يرحم والديك تعال وانا أقول عطوني مهله , انتظر نتايح الترم الاول اذا نجحت بسحب على الخطوط واذا رسبت بعثة الخطوط يا شنب خخخ
    واستلم الشهادة واشوف المعدل 2.7 والله ما كنت مصدق
    ومر الترم الثاني وجبت 3.1
    وقلت بس الثالث في جيبي <<الCPC ثلاث اترام والترم الثالث قسمين
    وجاء الترم الثالث وجبت ام ام ام العيد في القسم الاول جاني العن مدرسين السي بي سي
    والمعدل طلع 2.3 يعني طرررررررد اذا ما عوضت وفي ذيك الاثناء قدمت على الفيزا الامريكية وسويت المقابلة وفي المقابله وحده عسل امريكيه قابلتني وتقول وين بتروح بأمريكا وزي كذا .. بعدها قلب وجهها وقالت وش كنت تسوي في افغانستان يوم سافرت وانا أقول ما عمري طلعت الا البحرين وانا صغير بعدين قالت الا شفتك انا هناك واقولها يا بنت الحلال والله ما طبيتها , قامت تظحك وتطلع الورقه الحمراء وتقول ان شاء الله تطلع لك الفيزا في غضون 6 اسابيع << اشرايكم في " غضون "
    نسيت عن الفيزا وانا حامل هم المعدل كلموني وقالو لازم تعوض بأي طريقه اذا تبي تكمل , والحمد لله بعد دعاء الوالدة والجهد اللي بذلته قدرت أعوض ورسييت في الاخير على 2.6 الحمد لله نجحت..

    ترقبو ماذا حدث بعد ذالك .. جزء قادم مشوق جدا ..
    7 "
  4. HYLALY
    ابشر يا بطل يا هلالي .. وانا أشهد الصوم هنا 15 ساعه

    دموع الشوق
    يعطيم العافية وابشرو باللي يرضيكم واي سؤال انا حاضر

    طالب ثالث ثانوي
    طيب طيب

    Messi


    أبشر يا مسي بكمل ان شاء الله

    killed forever الله يوفقك ويختار لك اللي فيه خير .. اي سؤال وخدمه انا حاضر

    arabboi
    وش دراك اني باقي جيولوجي هههه يعطيك العافية وابشر بالخير

    samha01

    تأمر أمر

    HaveFun

    لا تكفى لا تجيب طاري السيفون لأن له قصص قادمه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.