هل حقيقي أن الدراسة في "هارفارد " مستحيلة؟

لا أبدا ماهي مستحيلة. لكنها فعلا صعبة جدا.

معرفتي مخصوصة بكلية البزنس.. يبحثون عن ناس قياديين. ناس تبادر و تشتغل و تلتزم و تنتج. ناس عندها طموحات و أهداف واضحه ناوين عليها.. و راح يدفعون الغالي و الرخيص عشان يحققونها. و هذا ما يكون مجرد كلام.. لازم تقول لهم وش سويت و كم خطوه مشيت لتحقيق أهدافك. و ما يكفي كلامك أنت عن نفسك.. راح يطلبون ثلاث رسائل توصية من مدرائك في العمل.. كل واحد يتكلم عن جهة معينة تتميز فيها (واحد يتكلم عن قدرتك في القيادة، و الثاني يتكلم عن مبادراتك، و الثالث يتكلم عن التزامك بالعمل و حرصك على انجاز المشروع قبل وقته).

و تحتاج طبعا درجات عالية (لكن ماهي مستحيلة) في المعدل و اختبار الجيمات أو الجي آر إي. معدل ال GPA للمقبولين عندهم لآخر دفعه كان تقريبا 3.6 من 4. و معدل الجيمات تقريبا 710.

و زوووووود على كل هذا.. تحتاج لإجادة قوية للغة الانجليزية. التوفل يطلبون على الأقل 109 من 120. و حتى هذا ما يكفي.. راح يعرفون اجادتك للغة الانجليزية في المقابلة. لازم تكون تعرف تتكلم زين. لأن الدراسة (الي تسمى ال Case-Method) عندهم تعتمد بشكل أساسي على الحوار و النقاش في الفصل. لازم تعرف تطرح رأيك.. و تعرف تناقش و تحاج و ترد على الي ما يعجبه رأيك. النقاش هذا الي في الفصل عليه 50% من الدرجة.. يعني لو تنزوي في زاوية و تستمع للفصل بس ترسب.. ما فيه شي اسمه ابشد حيلي في الاختبار. عشان كذا الاجادة العالية للغة شيء أساسي. عندهم. بالإضافة الى انه يكون عندك تجارب و خبرات حلوة في العمل تثري بها النقاش. راح يسألونك في المقابلة: "كيف راح تفيد الكلاس من خبراتك؟".. لازم تكون قادر على الرد على هذا السؤال.

لكن لا تتصور انهم يطلبون خبرات مستحيلة. لو قدرت تنهي الفقر من الرياض مثلا راح يقبلونك و هم مغمضين طبعا حتى لو معدلك صفر.. لكن هذا النوع من الطلاب من الندرة النادرة. تخيل كل سنة يقبلون حول ال 1000 طالب.. مستحييييل كلهم عندهم انجازات خرافية. لكنهم طلاب عندهم اهداف واضحة في بالهم، و عندهم خبرات حلوه بسيطة في مجال الأهداف الي في بالهم.. و عرفوا كيف يعرضون هذي النقاط للمسؤولين عن القبول.

هذي أمثله للخبرات الي ممكن تتوفر عندك:

- ممكن أبوك عنده دكان و اشتغلت معه فترة.. فتقول انه عندك خبرة مباشرة في الأمور المالية و التسويق مثلا.
- ممكن تكون انت و اخوياك سويتوا مقهى. حتى لو فشل المقهى تكون تجربة رائعة.. و تكون تعرف أسباب فشل المقهى.
- ممكن تكون معيد في جامعة و ابتكرت طريقة حلوه بسيطة و جديدة للتدريس ثم لقيت بعض المعيدين او حتى الدكاترة صاروا يقلدونك فيها.
- ممكن تكون عندك مبادرة معينه في جهة العمل و اقنعت الادارة و طبقوها.
- ممكن تكون إمام المسجد و انت المشرف على تنظيفه و تنظيف الحمامات و صيانة السماعات.
- ممكن انت الي تعول عائلتك بعد وفاة أبوك.. و بالرغم من هذا قدرت تتخرج بمعدل حلو.
- ممكن عندك خبرة في الأعمال التطوعية بسواء زيارة بيوت فقراء و أيتام.. او العمل في حملات تبرعات.. أو في تنظيم حلقات تحفيظ القرآن.. أو في حملات الحج مثلا (ممكن تكون قدت حملة بنفسك!).. الخ.

مجال الخبرات جدا واسع. و ممكن لو تشد حيلك في سنة أو سنتين تطلع بكمية كبيرة من الخبرات و التجارب.

==============
بعد هذا كله.. بغيت أقول لكم اني فأر تجارب هالسنة و مقدم انشالله على هارفارد و ستانفورد

أتصور الاحتمال ضئيل، لكن انشالله راح أقدم حتى لو الاحتمال 1%. منها أجرب نفسي هالسنة. و لو لقيت عندي أي نقص.. أحاول أعدله عند التقديم للسنة الي بعدها (السنة الي بعدها عاد راح أقدم على جامعات مستواها أقل شوي.. ما أبي أتأخر في ال MBA أكثر من كذا).

معلوماتي:
- خريج بكالريوس حاسب من أمريكا بمعدل 3.5 من 4.
- درجة الجيمات 690. (ترا ماهي صعبة شباب.. اذا كويس في الرياضيات و الانجليزي.. تحتاج شدة مذاكرة شهرين او ثلاثة و تكسر ال 700 انشالله).
- خبرتي في العمل ثلاث سنوات، و تكون اربع انشالله على بدء الدراسة في سبتمبر 2010.
- التوفل ماهو مطلوب بما أني خريج أمريكا.
- الأعمال اللامنهجية بسيطة للأسف.. اشتغلت بشكل طفيف مع جمعية الطلاب المسلمين في الجامعة و شوي مع النادي السعودي. أما بعد التخرج فأنشأت موقع للجيمات أشرح فيه تفاصيل الاختبار و كيفية التقديم على ال MBA.
- عندي بعض التجارب الحلوة في العمل مع بعض المبادرات لعلها تعجبهم.
- كانت عندي حالة ادمان و طلعت منها الحمدلله.. لعل القصة تدمع عيونهم و تخليهم يقبلوني

توني بديت أعبي معلوماتي في موقعهم. و قريب انشالله أبدأ أجاوب على أسئلتهم. الأسئلة من موقعهم:

عساني اقدر اخنبق زين لهم و يستانسون علي.

على كل حال.. اذا تحس انك كويس في الانجليزي و الرياضيات.. و عندك خبرة حلوة و سوالف تجاوب بها على أسئلتهم.. تهور و قدم شد حيلك بس في الجيمات و حاول تكون قريب من ال 700 او تعديها اذا تقدر.

ابعطيكم خبر انشالله اذا فيه تقدم مع ملفي. و دعواتكم في هالشهر الكريم

عزيزي:

لو تفضلت تعطينا رابط موقعك الخاص بالجيمات

شكرا

اعرف أنه ما تقصدين، لكن لا بد أن ننتبه لألفاظنا، ولانتكلم في كلمات تودينا في داهية.
انتبهوا يا أخوان في الكلام اللي تقولوه، رب كلمة قالت لصاحبها دعني.

طموحك عالي اختي الياسمينة البيضاء

واسال الله العلي القدير ان يحققه لك

وعلى قولتك
اذا الشعب يوما اراد الحياة .. فلا بد ان يستجيب القدر

ظ…ظ†طھط¯ظٹط§طھ ط§ط®طھط¨ط§ط± ط§ظ„ط¬ظٹظ…ط§طھ GMAT • ظ‚ط§ط¦ظ…ط© ط§ظ„ظ…ظ†طھط¯ظٹط§طھ

اذا تحتاج اي مساعدة حنا موجودين انشالله سواء هنا او هناك

انا عن نفسي لو خيروني من بين الجامعات لاخترت mit و من بعدها stanford
هارفارد ممتازة فقط في الطب و البزنس و بدرجة اقل القانون
عدا ذلك فهي عادية جدا في التخصصات الاخري
كما ان هارفارد تشهد نزوح الباحثين و العلماء عنها لسياسة القبول لديها
ففي هارفارد يوجد الكثير من الطلبة الاقل من المتوسطين بل و الفاشلين لان هارفارد تقبل امراء و ابناء رؤساء و اغنياء و كل من له نفوذ
و بالتالي نتج عنه وسط اكاديمي غير صحي

انا كنت افكر فيها والحمد الله درجاتي حلوه بس المشكله قبولها وبعدين العقليات العربيه وخبراتهم ليست اقل من الأجانب بل من الممكن ان يكون هناك عقليات سعوديه عبقريه تقدم اضافه لهارفرد.
وانا عاشرت بعض هذي العقليات وانا أراهن علي مقدرتهم في الدراسه هارفرد لكن مشكلتهم الرغبه في الدراسه هنا في السعوديه
ويعطيك العافيه أخوي على طرح الموضوع

انا شدني الموضوع جامعة هارفارد الكل يحلم انه يدرس فيها لكن للاسف الي الان ماحد ذكر شروط القبول في الجامعه ؟

ههههههههههه يا رجل هي تجي اي وحده منهن بس

أما عادية جدا في التخصصات الثانية؟! صراحة ظلمتها. شوف ترتيبها في التخصصات الثانية.. ما تطلع برا المركز ال 20. و ممتازة جدا في العلوم الثانية.. من أكبر الجامعات الي تحرك العلم البشري في الكيمياء و الفيزياء و غيرهم.

و في الأخير طبعا على حسب التخصص تختار الجامعة.. اذا هو كمبيوتر و تقنية أكيد MIT و انت مغمض. اذا طب او ادارة أعمال.. صراحة أميل الى هارفارد. أسلوب التدريس عندهم يعتمد على النقاش حول تجارب لشركات حقيقية، بعكس ستانفورد الي تميل لأسلوب المحاضرات أكثر.

أما نقطة الأمراء و ابناء اصحاب النفوذ، فما اظن ستانفورد سليمة من هذي النقطة. لكن لاحظ انه ما ينقبل لأنه أمير.. بل لأنه أنجز كذا و كذا. و للأسف صاحب النفوذ و المال أقدر من غيره على الانجاز و التغيير.

عزيزي ما أظن فيها الا شرط واحد رسمي بس.. 109 من 120 في التوفل. (و ال 250 دولار طبعا الي هي تكلفة التقديم)

لكن أنت تنافس 10000 واحد على 1000 مقعد في السنة.. لازم تثبت انك أحق منهم بالمقاعد.

الجيمات تصور ان هالسنة فيه واحد مقبول و درجة الجيمات عنده 490؟!

أكيد هالشخص كان عنده تجربة فريدة من نوعها و عنده الكثير الي يضيفه للكلاس.

على كل حال.. الخطوط العامة للشروط هي كالتالي:

- المعدل 3.6 من 4.
- الجيمات 700.
- الخبرة 4 سنوات.

اذا شفت نفسك قريب من هذي الأرقام و عندك خبرات حلوه ممكن تثير اهتمامهم.. جرب. كل الي تخسره هو شوية جهد على التقديم و ال 1000 ريال تكلفة التقديم