وش الحل مع الكريدت كارد ؟ أي أفكار ؟
السلام عليكم،
المبتعثين اللي بأمريكا ، أول شئ مبارك عليكم رمضان و الله يعيننا عليه .. يا الربع ، أنا توني واصل أمريكا مالي كم أسبوع .. و وقفت لي سالفة الكريدت كارد، ما فيه أي طريقة ممكن يحصل فيها الشخص على كريدت كارد بدون SSN " سوشال سيكرتي نمبر " ..؟
أنا حسابي في Bank of America ورحت لهم قبل يومين، و سألتهم و قالوا ما فيه طريقة ممكن تحصل فيها على كريدت كارد بدون SSN ( ولو إني شاك في الموظف إنه يبغى يصرفني بس ) ..!
أنا أحتاج الكريدت كارد أكثر شئ في التسوق عن طريقة الإنترنت ، و برضو أحتاجها في شغلات ثانية .. أدري أن الديبت كارد تنفع ، لكن المشكلة إذا صار عندك أوفردرافت يأخذون الظاهر على كل عملية 35 دولار ، و كل خمس أيام يأخذون مدري كم .. يعني يقصون ظهرك! .. بينما الكريدت كارد تصدر لك فواتير .. أحسن بكثير خاصةً أوقات الطفرة!
أنا أقدر أصدر كريدت كارد على حسابي بالسعودية ، من بنك سامبا .. لكن ( سمعت ) أن بعض مواقع الإنترنت ما تأخذ إلا ببطاقات مصدرها أمريكا " مثل Apple store " .. أما مواقع مثل Amazon أو eBay تطلب منك أنك تربط حسابك بـ PayPal أو شئ زي كذا ، المهم أنها شغلة طويلة عريضة، هالكلام صدق ؟
والله يعطيكم العافية مقدماً ..!
رد: وش الحل مع الكريدت كارد ؟ أي أفكار ؟
شيل كاش وريح راسك صراحه حتى انا هالسالفه طفشتني
رد: وش الحل مع الكريدت كارد ؟ أي أفكار ؟
افضل لك انك تربط حسابك بالاي بي افضل لك من ناحية امنية وهي ببلاش
رد: وش الحل مع الكريدت كارد ؟ أي أفكار ؟
الكاش مهوب متعارف عليه بأمريكا..
لكن انا ابي اعرف الفرق بين الكريديت كارد والديبت كارد؟
رد: وش الحل مع الكريدت كارد ؟ أي أفكار ؟
يا حبيبي انت البطاقة الي اعطوك ايها اذا فيها كلمة فيزا على اولها وفيها بالخلف 3 ارقام تحت الرشيط الممغنط اعتقد انها تعمل عمل الكريديت كارد
والله اعلم
اذا مافيه افتح حساب في بنك فرست ناشونال ويعطونك البطاقة هي كريديت وهي دبيت وشكرا
رد: وش الحل مع الكريدت كارد ؟ أي أفكار ؟
من جد هالمشكله عويصه الله ييسر امرك يارب
رد: وش الحل مع الكريدت كارد ؟ أي أفكار ؟
والله انها شوي حوسه هالسالفة
انا بشيل معي كاش والباقي بخليه في حسابي في البنك الفرنسي وبسحب من هناك
الحين اذا بطاقة الصراف مكتوب عليها فيزا وورا اربع ارقام تعمل عمل الكريدت كارد
وهل كل الصرافات في امريكا فيها السحب بالبطاقة الدوليه
رد: وش الحل مع الكريدت كارد ؟ أي أفكار ؟
اقتباس:
المشاركة الأصلية كتبت بواسطة واتسبداه
الكاش مهوب متعارف عليه بأمريكا..
لكن انا ابي اعرف الفرق بين الكريديت كارد والديبت كارد؟
ديبت كارد :: هي بطاقة الصراف العادية
كريدت كارد :: هي البطاقة الإئتمانية مثل الفيزا والماستركارد وأميركان اكسبريس وغيرها
طبعا ميزة الكريدت كارد انك انك تقدر تشتري فيها وما تنقص القيمه من حسابك الا بعد شهر او مدة معينه 45 يوم
وميزتها انك تقدر تشتري من النت وتحجز في فنادق واذا تبي تستأجر سيارة تقدر تدفع قيمة تأمين عن طريق الكريدت
وفي أمريكا تقدر تشحن جوالك عن طريق مكالمه بالتلفون وتستخدم رقم الكريدت وما ياخذون عليها رسوم اضافيه
وأهم ميزه فيها بالنسبه لي الحجز بالفنادق
لأنك تقدر تستاجر في فندق بأمريكا وانت توك في السعوديه طبعا عن طريق موقعهم ويحجزون مبلغ Deposit عليك
لأنك اذا جيت تسكن في فندق يطلبون منك دفع Deposit بقيمة دبل قيمة الايجار
وهنا اذا بتدفع كاش راح يحجزون عليك مبالغ انت تكون محتاجها في سفرتك
لكن اذا معك كريدت كارد تقدر تخليهم يحجزون على Deposit ولما تنتهي فترة اقامتك يكنسلون الديبوزت من الكريدت وتدفع لهم بس قيمة السكن كاش او عن طريق الكريدت
ومشكلتها انهم لو جو يسحبون المبلغ بعد مدة معينه وما حصلو في حسابك المبلغ اللي يبونه. يزودون عليك القيمه :: يعني تدخل في الربـا : وطبعا نزل عليها حكم من الشرع بعد ما شافو ضرورة البطاقة خارج المملكة
وطبعا ديبت كارد اكثر أمان لأنها بطاقه عادية برقم سري
اتمنى اجابتي لك واضحه وما دوخت راسك من كثرة الكلام :)
بالتوفيق لك :)
رد: وش الحل مع الكريدت كارد ؟ أي أفكار ؟
أعرف كثير من الشباب مسجلين في PayPal ورابطينها في بطاقات مصدرة من السعودية
رد: وش الحل مع الكريدت كارد ؟ أي أفكار ؟
فيه بعض الشباب هنا يحسبوني اتكلم عن كيف اشيل فلوس معي وانا مسافر، هاذي مشكلة اللي مطفي انواره ويرد عالعنوان!
عموما، معقولة ما فيه احد يعطينا خبر اكيد؟