استفسار سريع قبل السفر باااكر

يعطيكم العافيه و كل عام وانتوا بخير

يا شباب طيارتي باكررر و عندي كذا استفسار اتمنى الرد بسرعه:gr_907:

راح اخذ معي اللاب تووووب و طبعااا مثل ما انتوا عارفين عندي مليووووون الف برنامج و كراك و سيريال نمبر.... السؤال هل الجمارك :92:: بمطار جي اف كيندي راح يشيكوووون على اللاب توووب والبرامج الي فيه؟؟؟؟؟؟؟؟ و هل فيه اشكال على اغاني الام بي 3 المخزنه بالهارديسك عندي :122: ؟؟؟؟ هل تنصحووون بالفورمات قبل السفر؟؟؟؟؟

و حبيت اسئل عن اجراءات الجمارك بمطار كيندي .... يطولوووون ولا على السريع؟؟؟؟؟:100:



و شاكررررر لكم و دمتم :004:

عزيزي اولاً كل عام و انت بخير وتوصل بالسلامه ان شاء الله
بالنسبه للاب توب ابداً ما يتفتش و لا عندك اي مشكله فيه ولكن للاحطياط لو حبيت تفرمته و ماعندك اي مشاكل من الفرمته سويله فرمات
اما بالنسبه للجمارك انت اصلا ماتشعر بالتفتيش الا من خلال التفتيش على اوراقك فقط لكن بالنسبه للعفش فيمر على اجهزه فقط
الله يوفقك عزيزي و ييسر لك امرك و توصل بالسلامه...........دمت بود

أخي العزيز
انت الحين سيبك من الجهاز مو وقتة تروح تخربة ولا شي
وأدعي ان شاء الله تتيسر وهم عموماً مايهتمو كثير يعني بيكون مسح عادي
توصل بالسلامة

كلام مشرفتنا كافي ووافي يعني ما يحتاج تقلق او تخاف من محتويات الكمبيوتر لكن لازم تنتبة انه لا يكون فيها مواد سياسية او ملفات تتعلق بالامن القومي الامريكي...وافهمها يافهيم
احب اقولك معلومة مهمة وخارجة عن الموضوع خلي جميع المواد السائلة مثل الاطياب ومزيل الروائح ومعجون الاسنان والادويه وغيرها .... في حقيبة الشحن لانها ممنوعة تكون في حقيبة اليد وراح تصادر لك في احد المطارات حسب مزاج الي راح يفتشك...
بالتوفيق

اخوي انتبه لا تاخذ معك برامج منسوخه لان بعض المطارات هنا يدققون على هالاشياء وبالمناسبة في واحد من الطلبة المبتعثين عندنا في دينفر/ ولاية كلورادو صار له مشكلة مع الجمارك الاسبوع الماضي لأنه كان جايب معه برامج منسوخه وقالوا له يا تدفع عشرة الآف دولار غرامة او تلغى فيزتك وترجع للسعودية وبصراحة اخونا فضل ان فيزته تلغى لان ماعنده هالمبلغ!!

علشان كذا اخوي لا تجازف وتعرض نفسك للمشاكل وانت في غنى عنها... تمنياتي لك بالتوفيق والله يسهل لك امورك...

حبيبي انا أقول لك زي كلام المشرف العزيز أمين ترى أي شي سائل زي العطور وغيرها حطوا في الشنطه الكبيره حقت الشحن وترى على فكره الجو برد البس شي يدفي من المطار هههه :115:

المهم الله يوفقك وتوصل بالسلامه ويسهل عليك كل الأمور يارب

نصيحة عشان لاتتعقد امورك فرمت جهازك لانك انت عارف ملفات ام بي 3 ممنوعة لانها تعتبر ماخوذة بشكل غير نظامي وترى اذا كشفوك فيها غرامة وسجن .
واحب اقولك شي ابعد عن الشر وغنيله .
وانا ما ابغى اخوفك لاكن لازم تاخذ الحيطة .
وترى لحد الان ما اعرف احد مسكوة لاكن مو كل مرة تسلم الجرة .
وان شاء الله توصل بالسلامة .

شكراااااااااااا على الردوووود الوافيه :86:

وبصراااااااااااحه ماقصرتوا على هالردووود الطيبه وجزاكم الله خيررررر


واتمنى لكم التوفيق و المزيد من التقدم والازدهااار
:gr_922:

أخوي الله يوفقك ويسهل السفر

خلك حريص زيادة عن اللأزم في الكمبيوتر وافهم يافهيم زي ماقال مشرفنا الرائع أمين

وأبشرك أخوي الأن مطار جون كيندي تغيرت صالة الخطوط السعودية صارت مطورة جدا والأجراءات أسرع بكثير
وأهم شي الموظفين تغيروا لأنه كانوا الموظفين الأولين تعبانيين مره وتحس أنه حاقد

على العموم الله يسهل لك سفر سعيد انشأ الله