وش يسوي اللي يبي يجيب زوجته لامريكا؟؟
سلام عليكم
ياليت اللي عنده فكره يفيدني للضروره...
انا طالب مبتعث في السنه الثانيه بالجامعه وقررت اني اتزوج في اجازه الكرسمس الجاي.. بس ما اعرف وش الخطوات عشان اجيب زوجتي معاي هنا بأمريكا.. علما انها لا ترغب في الدراسه.. ماهي الخطوات؟ الاوراق المطلوبه؟ هل يجب عليها الدراسه؟ كيف اسوي اذا ما اقدر احصل على كرت العايله الا قبل الزواج بفتره بسيطه؟
الله يعطيكم العافيه مقدما... افيدوني
تحياتي
رد: وش يسوي اللي يبي يجيب زوجته لامريكا؟؟
اخي الكريم
اتوقع لازم بطاقة العائلة وتقدم لها على موعد في السفارة وتروح الوزارة تأخذ التذاكر منهم .
ما اعرف بالضبط بس هذا اللي اعرفه
رد: وش يسوي اللي يبي يجيب زوجته لامريكا؟؟
الله لا يسفهنا :(
وين الناس ما احد رد علي.. يعني ما فيه متزوجين مشاركين بالمنتدى .. او مافيه احد عنده خبره.. ما يصير
رد: وش يسوي اللي يبي يجيب زوجته لامريكا؟؟
اخيرا لقيت احد يدرس في امريكا
ودي اسألك ياخوي كيف الدراسه في امريكا وكيف نظامهم وكيف الاختبارات يعني الكتاب يكون معاك من الجلده للجلده مثل السعوديه واسأله الاختبارات تكتب في الاختبار لين تنكسر يدك ولا كييييييييييييييف النظام
انا كتبت موضوع وسألت فيه بس مافي احد جاوبني وانت دامك درست اكيد راح تجاوبني
وبالنسبه لموضوعك ماهو لازم زوجتك تدرس واكيد انه المكافئه حقتها بتكون اقل منك هذا اللي اقدر افيدك فيه
والف مبروك ونتمنى لك حياة زوجيه سعيده وذريه صالحه
رد: وش يسوي اللي يبي يجيب زوجته لامريكا؟؟
امريكا تعتبر من افضل الاماكن اللي يتعلم فيها الواحد اللغه .. بالنسبه للمعاهد فتختلف بالمستويات ولكن مهما كانت ردائتها فتعتبر افضل من دراسة اللغه في السعوديه. الاغلبيه تعتبر متوسطه يعني لا هي صعبه ولا سهله ولا يحتاج تحفظ الكتاب من الجلده للجلده .. يعني تعرف الاشياء الرئيسيه فيه.. وكل ما تعمقت وحفظت اكثر يكون فيه فايده لك مو بشرط يكون عليها درجات. اذا انت مفكر تجي امريكا فهذا يعتبر قرار سليم ميه بالميه. وعسى الله يوفقك!!
رد: وش يسوي اللي يبي يجيب زوجته لامريكا؟؟
اخوي المترك
اولا مبروك عليك الزواج...والله يوفقك
ثانيا كل اللي عليك...تروح تطلع لها آي توني مرافق من الجامعه..ثم تحجز لها موعد بالسفاره لإصدار الفيزا
ثم إذا وصلت السعوديه بالسلامه وطلعت كرت العائله والفيزا تروح الوزاره حي الغدير وتطلع لها امر إركاب وتقص التذاكر
ثم إذا وصلت أمريكا بالسلامه ترسل صورة I_94 ,وصورة كرت العائله وصورة الفيزا للملحقيه عشان يتم إضافتها وينزل لها راتب ويرسلوا لك كرت التأمين الصحي مضاف فيه زوجتك
مع العلم إنه ما يحتاج كرت عائله لإصدار الفيزا..فقط تحتاج الآي توني
هذا كل اللي أعرفه
تحياتي لك
دعواتك.......
أخوك
رد: وش يسوي اللي يبي يجيب زوجته لامريكا؟؟
اخوي اعتقد الاخ ميموني كفى ووفى باجابته
تقدر تجيب زوجتك ومو شرط تكون تدرس الحين اول شي تسويه قبل ماترجع السعوديه تجيب لها I-20
وانشالله تحصل لها موعد بالسفاره باسرع وقت
ثم من موقع الملحقيه تعبي ابليكشن طلب اضافة مرافق او فرد من العايله عشان ينزل لها راتب
ومبروك مقدما