الأعضاء الإشتراك و التسجيل

الملتقيات
ADs

حــلم وقـد يصبـح حقيقة ..~ أتمنى مسـآعدتي لتكون واحداً من الذين ساهموا بتحقيق حلمي

حــلم وقـد يصبـح حقيقة ..~ أتمنى مسـآعدتي لتكون واحداً من الذين ساهموا بتحقيق حلمي


NOTICE

تنبيه: هذا الموضوع قديم. تم طرحه قبل 3056 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MeSh3L-Q
    MeSh3L-Q

    مبتعث جديد New Member

    MeSh3L-Q غير معرف

    MeSh3L-Q , ذكر. مبتعث جديد New Member. , تخصصى ثانوي , بجامعة جامعه الملك سعود
    • جامعه الملك سعود
    • ثانوي
    • ذكر
    • الرياض, الرياض
    • غير معرف
    • Sep 2009
    المزيدl

    September 8th, 2009, 10:48 AM

    السلام عليكم ورحمة الله وبركاته

    صبـآح \ مسـآء ..~ النور والسرور للجمـيع ..

    شخبـآركم إن شاء الله اموركم كلهـآ بخير ؟

    قبل ان تقرأ الموضوع إذا كنت شخص تريد مساعدتي بشكل سريع فأتمنى انك تنزل الى اخر الموضوع وتساعدني بالاسئله الي لونهـآ احمر ..
    قد تكون شخص مشغول ووقتك ثمين ,, فلذلك انا لا اريد ان اضيع القليل من وقتك الثمين ..


    \
    /
    \

    قصتي قصـه

    وقد يكون الكثير مر بتجربتي وتعثر بالكثير من الخطوات حتى وصل الى مبتغاهـ ..

    الصراحه انا تعبت كثيـــر حتى اقتربت من تحقيق حلمي وهو الابتعـآث إلى أمريكـآ ..

    وما تدرون وش كثر انتظرت لحظه تخرجي من الثـآنويه لألتحق بالابتعـآث خارج المملكه ..

    ولكن تعثرت ببعض المراحل ..

    من ضمن هذه المراحل .. إني كنت حاط أمل بأني اكون واحد من طلاب الابتعاث في بعثه خادم الحرمين الشريفين ..

    ولكن ..!! للاسف فقد اصبحت البعثه هذهـ السنه فقط للاقسـآم الطبيه ..

    لـم استسلم ..!! بل اني ثابرت وحاولت اني اقدم على اكثر من اتجـآهـ للإبتعاث ..

    مثل .. سابك للابتعاث الخارجي وأرامكو وغيرهـآ ..

    ولكن للاسف لم يتم قبولي في اي واحدهـ من سبل الابتعاث فيهـآ ..

    وفقدت الامل ..!!

    وقررت اني ادرس هنـآ ..

    وقدمت على جامعة الملك سعود ولله الحمد انقبلت فيهـآ هندسة ..

    وحسب دراستي الكثيفة عن خريجي الهندسة بالسنوات الماضية الذين يحملون شهادات من الجامعات السعودية .. نسبة توظيفهم جدا قليلة ..

    وسالت كثير نصحوني بالدراسة خارج المملكة لان شهادتهـآ اقوى ومنهـآ انا اكون استفدت لغة ..

    تكلمت مع الوالد وقلت له الصراحة انا ارغب بالدراسة خارج المملكة ولكني فقدت الامل لاني ما انقبلت في الابتعاث وكل ابواب الابتعاث تقريبا تقفلت بوجهي وما لقيت لي حل غير الدراسة هنـآ ..
    وأبوي الله يطول بعمرهـ ما قصر معي وقف معي وساندني .. وفيه مرهـ من المرات
    قال لي الوالد طيب انـآ راح ارسلك على حسـآبي وانت ان شاء الله قدهـآ وراح تشد حيلك وتنظم للملحقية ..

    طبعـآ انا ما صدقت .. فرحت فررررحه مو طبيعية وكان احلى واروع خبر تقريبا سمعته من بعد تخرجي ..

    حسيت ان الفرصة قربت كثير ..

    كسرت حزني بجبروت ابتسامتي وأملي ..

    وتحمست للموضوع وطلعت جواز منفرد وسجلت موعد بالسفـآرهـ الامريكية ..

    والحين عندي فرصة شهر ونصف لين موعد المقابله مع السفارهـ الامريكية ..

    وحسب متطلبات المقابلة .. لازم اكون جايب معاي قبول الجامعة والرسوم وكل شئ ..

    وعشـآن كذا انا صرت احط كل تركيزي بالجامعة والمدينة وأني لازم اجيب كل المتطلبات بسرعة قبل يجي موعدي بالسفـآرة ..

    كـآن طموحي اني القى الجامعة المناسبة لي وبنفس الوقت تكون بالمدينة المناسبة لي ..

    دورت ودورت ودورت .. وأحترت بالكثير من المدن ..

    وعشـآن كذا ابي اخذ شوركم بأشيـآء كثيرهـ وعندي استفسار عن اشياء كثيرهـ ..



    أولآ

    انا شخص ارغب بدراسه قسم [ إدارة مشاريع ] >> [Project Management]

    درست عن القسم كثير وفهمت منه اشياء كثيرهـ طبعـآ القسم عاجبني واتوقع انه راح يكون مناسب لي ..

    أول شئ احب اخذ رايكم بهذا القسم .. يعني خصوصا من اصحاب الخبرهـ المبتعثين او الي عارفين اي شئ عن القسم ؟؟؟

    ....

    ثـآنيـآ

    اقدر اخذ هذا القسم بكالوريوس ؟
    أو هذا القسم خاص للي يبغون يكملون للمـآجستير ؟

    .....

    ثـآلثـآ

    قسم [ إدارة المشاريع ] هل شهادته معترف فيهـآ بالسعوديه او لا ؟؟

    وهل هذا القسم معترف عند وزارهـ التعليم العالي ؟

    .....

    وفي الاخير ابيك انت شخصيـآ يـآ قارء الموضوع تضع نفسك بموقفي .. وتخيل انك قررت دراسه هذا القسم ..

    اقدر اعرف الجامعه الي راح تختارهـآ وليش ؟

    وهل هناك جامعات بأمريكـآ تدرّس هذا القسم باحترافيه ؟


    ...

    وفي الاخير اتمنى ان جميع الجامعات الي راح تفيدوني فيهـآ تكون معترف فيهـآ عند وزارهـ التعليم العالي


    ...

    والله يعطيكم الف الف الف الف عافية

    أعذروني على الإطالة .. بس صدقوني ان اي شخص راح يخدمني ما راح انسى معروفة ..

    والدال على الخير كفاعلة ..

    فيكم الخير والبركة يا اعضاء منتدى مبتعث

    وبإذن الله اذا اخذت شهادهـ البكالوريوس فتأكدوا ان هذا بفضل رب العالمين ثم مساندتكم لي ,,

    بالتوفيق للجميع ..

    أخوكم ومحبكم

    مشعـل ..
  2. آآآآآآآآآخوي قسسم بالله مووضوعك واسلوبك رووعه ..

    ماهنالي بال اطلع ولا ارد عليك بس والله يااخوك انا من جنبها : )

    ههههههههههههههههههههههههه

    عسى ربي يوفقك وين ماكنت وعسى يحقق الله طموحك وطموحي وطموح اي واحد يسآآآعدك ..

    صدقني ودي ارد عليك وافيدك بس والله ماادري مع وين هابه : (
    7 "
  3. أهلين أخوي..
    أنا بجاوبك باللي أقدر عليه..
    بالنسبة لسؤالك الثاني أعتقد أن القسم موجود فقط للدراسات العليا وهالكلام جبته من موقع وزارة التعليم العالي
    أنت إدخل على موقع الوزارة ثم الجامعات الموصى بها ثم حدد الدولة أمريكا ووضع الجامعة غير موقفة وأكتب التخصص في المكان المناسب وأختار بكالوريوس بتلاحظ إنه ما يطلع لك شي<<معناه لا يوجد أ غير معترف في
    لكن لما تغير الدرجة العلمية إلى الكل بتلاحظ يطلع لك عشرات الجامعات..
    أعتقد بردي على هالسؤال ما تحتاج رد للأسئلة الثانية..دور لك على قسم آخر..أعتقد حاسب أ إدارة أقرب تخصصين لهالتخصص
    إستخر أولا وأخيرا
    موفق
    7 "
  4. المشاركة الأصلية كتبت بواسطة آحسآس
    آآآآآآآآآخوي قسسم بالله مووضوعك واسلوبك رووعه ..

    ماهنالي بال اطلع ولا ارد عليك بس والله يااخوك انا من جنبها : )

    ههههههههههههههههههههههههه

    عسى ربي يوفقك وين ماكنت وعسى يحقق الله طموحك وطموحي وطموح اي واحد يسآآآعدك ..

    صدقني ودي ارد عليك وافيدك بس والله ماادري مع وين هابه : (

    هـلآ وغلا اخوي آحسـآس ..

    لا عـآدي حتى لو ما قدرت تساعدني بشئ

    فمروركـ شرف كبير لي .. وردك بحد ذاته كافي لإنارهـ موضوعي ..

    والله يوفقنـآ ويـآكـ بمـآ تحبه وترضـآهـ ..
    7 "
  5. المشاركة الأصلية كتبت بواسطة الطامحة إلى الإبتعاث
    أهلين أخوي..
    أنا بجاوبك باللي أقدر عليه..
    بالنسبة لسؤالك الثاني أعتقد أن القسم موجود فقط للدراسات العليا وهالكلام جبته من موقع وزارة التعليم العالي
    أنت إدخل على موقع الوزارة ثم الجامعات الموصى بها ثم حدد الدولة أمريكا ووضع الجامعة غير موقفة وأكتب التخصص في المكان المناسب وأختار بكالوريوس بتلاحظ إنه ما يطلع لك شي<<معناه لا يوجد أ غير معترف في
    لكن لما تغير الدرجة العلمية إلى الكل بتلاحظ يطلع لك عشرات الجامعات..
    أعتقد بردي على هالسؤال ما تحتاج رد للأسئلة الثانية..دور لك على قسم آخر..أعتقد حاسب أ إدارة أقرب تخصصين لهالتخصص
    إستخر أولا وأخيرا
    موفق
    وعليكم السلام ورحمة الله وبركاته

    أهلين اختي طامحة إلى الابتعـآث ..

    والله مادري وش اقول لكـ .. صراحه كلامك ضيق خلقي شوي خصوصا اني جلست وقت طويل وانا ادرس هذا القسم وكنت حاط امل كبير بأني راح ادرس هذا القسم بس على العموم انا ما راح افقد الأمل .. فلذلك انا بحاجه الى التأكيد من باقي الاعضـآء ..

    ممكن كلامك يكون صحيح ولكن للإحتيـآط فأنا بحاجه إلى آرآء بعض الاعضاء ..

    مشكـــورهـ اختي وما قصرتي .. والله يجعله بموازين حسناتكـ ..

    والله يوفقنـآ فيه طموحآتنـآ وعقبال ما توصلين لطموحك بكل جدارهـ وامل ..

    بإنتظار باقي الردود للتأكيد على رد الاخت طامحة إلى الابتعاث

    مع السلامة ..~
    7 "
  6. مرحبا

    انت جيب لك قبول لغه بمعهد مبدئيا عشان موعدك بالسفاره بما انه قريب عشان تطلع فيزة طالب عليه وطبعا لما تختار لك معهد

    شوف معهد تبع جامعه مثلا لان اغلب المعاهد الي تبع جامعه اذا وصلت الى ليفل معين عندهم وترغب بالدراسه بجامعتهم يعطونك قبول بسهوله

    كلنا او اغلبنا الي ببرنامج الملك عبدالله للابتعاث على امريكا طالعين بقبولات لغه وهنا ان شاءالله راح نجيب قبولات الجامعه

    بس تأكد انه الجامعه الي بتدرس بمعهدها فيها التخصص الي تبيه

    انت اول شي حدد الجامعات الي فيها تخصصك (من خلال موقع الوزاره mohe.gov.sa سوي بحث بالتخصص )

    بعدين اختار الولايه والمدينه الانسب لك من جميع النواحي

    بعدها راسل المعهد وجيب لك قبول منه او تقدر من خلال مكتب igec اعتقد ياخذون الف على قبول اللغه

    الله يوفقك ان شاءالله


    7 "
  7. هلابك يالغالي


    اداره المشاريع ليس تخصص مستقل بل هو تخصص فرعي من اقسام الهندسه المدنيه


    ولكن يمكنك اختيار تخصص ادراه وتحليل نظم هذا التخصص يدمج الاداره مع الحاسب وتقدر تقول انه استخدام الحاسب وتطبيقاته في الامور الاداريه

    والله يوفقك


    اخوك
    7 "
  8. أخوي. أنت بس حدد لي اذا كان تخصصك من أقسام الهندسة ولا الإدارة و أنا أقول لك جامعتك ومعهدك
    و ولايتك ومدينتك و موعدك فالسفارة والاوراق المطلوبة في السفارة والاسئلة في السفارة و طريقة مراسلة
    الجامعه علي.
    تبي شي أكثر من كذا أنا حاضر.
    لأني سويت كل شي بنفسي و طيارتي في عشرة أكتوبر..و الكلام هذا لك و لباقي أعضاء المنتدى*

    و تقبلوا تحياتي
    7 "
  9. أخوي...

    أبي أنبهك على نقطه مهمه للغايه...


    ادارة المشاريع تخصص علمي عالي يتم تدريسة بشكل دبلوم عالي أو رسالة ماجستير او دكتوراة...

    هذا التخصص لا يدرس لطلبة البكالوريوس...

    خالص دعواتي لك بالتوفيــــق وتحقيق الأماني...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.