الأعضاء الإشتراك و التسجيل

الملتقيات
ADs

معاهد ELS من ينصفني ؟؟ من يرد كرامتي ؟؟؟؟؟؟؟

معاهد ELS من ينصفني ؟؟ من يرد كرامتي ؟؟؟؟؟؟؟


NOTICE

تنبيه: هذا الموضوع قديم. تم طرحه قبل 3014 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مصرقع 13
    مصرقع 13

    مبتعث مستجد Freshman Member

    مصرقع 13 الولايات المتحدة الأمريكية

    مصرقع 13 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ادارة , بجامعة -
    • -
    • ادارة
    • ذكر
    • امريكا فلوريدا, فلوريدا
    • السعودية
    • Mar 2007
    المزيدl

    September 12th, 2009, 05:19 AM

    السلام عليكم ورحمة الله وبركاته ...

    معاهد ELS الكل يعرفها والكل يعرف سياستهم في التدريس والترسيب للطلاب المبتعثين والكل من الطلاب تقدموا بشكاوي ضد المعهد لكن لا تزال الوزاره معتمدتها ...

    انا اليوم انهت صرت مثل الحيوان والله اول مره احس اني حيوان بمعنى الكلمه ...

    لكم الحكم يااخواني وياليت احد يصفني لاني والله ثم والله مقهور وتعباان من القهر ونفسيتي زفت

    اليوم كان تسليم النتايج كما جرت العاده كل نهاية شهر ..المهم بعد عناء ومشقه وحضور واجتهاد ومثابره ..

    لم اغيب ابدا في يوم ولم اتأخر في يوم والله يشهد على كلامي وواجبااتي كامله ..واشارك في الكلاسات ..

    لكن للاسف سياسة المعهد الترسيب للطلاب للاستفاده بأكبر قدر ممكن من الضمان المالي الي عند الطالب طبعا وكلما زاد عندهم الايردات زاد التقييم للعهد والتصنيف بين معاهد ELS >>> المهم

    ذهبت اليوم وكل امل وفرحه اخذ نتيجتي لكن للاسف انصدمت اني راسب ...؟؟؟؟؟رااااسب

    تكلمت من المدرسات الي بالمعهد والله العظيم ماعطوني وجه وقالوا عندك كلام روح للمديره ...رحت للمديره وياليتني مارحت والله العظيم..شرحت لها الي صار لي قالت مااقدر اسويلك شيء هذه علاماتك ...انا متأكد اني حليت كويس ...بالفاينل ..عموما مدرسة SSP والريدنق لهم طريقة بالتصحيح الاختبار الكويز وهي السعوديين غير والاجانب غير والله ..عشان كذه علاماتي زفت ...طيب قالت مديرة المعهد ممكن انجحك اذا كتبت لي موضوع الحين يقنعني اني انجحك اشرح لي فيه كل شي وانا بقيم موضوعك وبشوف...قلت لها ليه انا ابي حقي ..مثلي مثل غيري اجتهدت ..قالت لا تبي اكتب ...المهم كتبت الموضوع وانا بعبره وخنقه بحلقي والله والعرق يتصبب مني من القهر ..وحاولت استجمع قواي واني استجمع ذاكرتي لكي اعبر ..وبعد جده استمر نصف ساعه تقريبا اعطيتها الورقه .وقرأتها وجلست تضحك وتستهزء بي وتقول هذه الموضوع حق واحد في المستوى المبتدى 104 ..لو اقدر كان رجعتك الى 104 ...قلت لها ليه انا حاليا في المستوى 106 قالت موضوع كل الكلام فيه غلط ...وجلست تضحك علي وصرت اضحوكه بين المدرسين الي بالاداره ..اهذا هو التعامل .؟؟ اهذا هو الاسلوب التربوي للتعامل مع الطلبه ..؟؟؟

    للاسف خرجت من مكتبها وجلست بره اتنفس لكي اهدء من نفسي لاني انهت وصرت اضحوكه ..والله اني كاتب كويس لكن هي تعجزني عمدا ..خرجت المديره من الاداراه ورمقتني بعينها وهي تضحك ضحك...ليه انا حيوان ؟؟؟
    لم اقدر اتمالك نفسي واتصلت على الملحقيه استنجد منهم لعل الله يكتب لي خير ...لكن للاسف لم احد يرد على التلفونات ابد كما جرت العاده ...

    للاسف الكثير اشتكو الملحقيه عن معاهد ELS لكن دون فائده...لا اعرف من المستفيد الاول منها


    راسلت مدير معاهد ELS بأمريكا وللاسف هزئني بأيميل وقال الكلام الي قلته مو صحيح انا كلمت المديره وتقول ماضحكت ووووو وكلام كثير وقال لي لا تهددنا بالملحقيه لان علاقتنا متينه معهم ..واذا تبي تنقل انقل ..وارجوا منك انا ماتتهم احد ؟؟؟ ,,,,تخيلوا الشكوه الي بعثتها له صارت اتهامات ؟؟؟؟ وقال لي انا ارسلت ايميل الى الادفايزر عنك وللمسؤول بالمحلقيه

    خاف من رسالتي وسبقني بمراسلتهم عشان مايطلعون غلطانين


    وينكم ياملحقيه وانا ولد بو متعب
  2. والله ماعندي اي خبره ياخوي وماسبق وخضت التجربه
    بس والله اني حاس فيك ومقدر وضعك والي تمر فيه
    وصدقني انا متأكد ان كل الي راحوا وسافروا تغربوا واجهوا صعوبات ولاكن ماوقفوا عندها
    قدروايتجاوزونها عشان كذا هم وصولوا وصاروا ناجحين

    انا اقولك شوف اذا المعهد انت ماخذه تبع الجامعه يعني اذا المعهد يغنيك عن التوفل .. الخ حاول بقدر الإمكان انك تتجمل وتصبر وتتحمل
    لانك لو بتطلع من المعهد راح يكون الوضع عليه اصعب في الحصول على التوفل مثلا

    اما اذا والله المعهد منفصل عن الجامعه او انه انت بس رايح اساس تاخذ لغه وفي نفس الوقت مو قادر تصبر وتتحمل او زي مايقولون طفح الكيل , خلاص مالك إلا تغير المعهد .. وان شاء الله الشباب اصحاب الخبره يدورون لك معهد انما ايه يحبه قلبك

    اهم شيء توسع صدرك وتخلي ايمانك بالله قوي .. وماعليك خوف ان شاء الله
    7 "
  3. انا درست بمعهد ELS الخايس وكلامك 100% صحيح المعهد سيء ومااااادي بالدرجه االاولى وفعلا انا كنت كل شهر بحرب معاهم لين ربي نجاني معاهم ورحت للجامعه بس الحين باقي زوجي يعاني معاهم..

    واللي يحرق دمك محد حولك لاملحقيه ولامشرف والمديره ممكن تطلعك وتنزلك فوق وانت ماتقدر تسوي شي...

    والله ياخوي حاسه فيك وصراحه شي يرفع الضغط ودي الغي معاهد ال اس من الخريطه كلها

    ولعلمك كل الشباب اللي هنا مضايقين منها بس ماباليد حيله ...

    مره صارت معايه مشكله كبيره زي كدا واشتكيتهم للادفايسور فسوى بيننا جلسة صلح وتسويه والمثل يقول اذا كان عند الكلب عازه...


    حاول تسايسهم وتشد حيلك معاهم واعطي خبر للمشرف حقك عن كل شي لاتسكت

    الله يعينك
    7 "
  4. اقترح عليك تكلم د/العيسي شخصيا او موضي الخلف وتشرح لهم الوضع كامل حتى لوكلفك الموضوع تروح تقابلهم شخصيا واى احد متضرر معك خله يروح معك ويشتكى وخلهم يعرفون ان الله حق وغير المعهد اذا تقدر والله يسهل امورك ويكفيك شر كل ذى شر
    دائما ادعى هالدعوة (اللهم اكفينيهم بما شئت)دعوة عظيمة جدآ لانك تطلب من الله ان يكفيك منهم ويكفيك شرهم ....
    بعنى كفيلك هو الله ومن اقوى هم ولا الله اكيد ربك....
    الله يسهل امرك ويفرج همك وابناء المسلمين اجمعين......
    7 "
  5. اي والله المعهد els تعبان جدا جدا اخوي صارت له مشكله قبل سنه مع مديره المعهد els تام في المعهد اكثر من سنه وسته شهور ونفسي زاقه وفي الاخير ما نجحته مديره المعهد . ما اخفيكم انه الوالد عنده علاقات في الوزاره والملحقيه واخوي بس جمع 5 تواقيع من طلاب ورفع شكوى للوالد والوالد تكلم مع للملحقيه بعد تقريبا 10 ايام انطردت المديره من المعهد والمدرسين نجحوا جميع طلاب من الخوف . شوف اذا تعرف احد في ملحقيه على طول يقدر يرفع تقرير شكوى ضد معهد .
    7 "
  6. من اسوء المعاهد بامريكا وللاسف اغلب الطلاب يتجهون له خاصه اللي ماعندهم خبره وياخذون قبول لغه من مكاتب النصب اللي هنا

    (شكل الدعوه فيها مصالح مشتركه ولا مااستمر التعليم العالي في الاعتراف به الى الان)

    رغم كثر الشكاوي عليه اللي اشوفها واسمعها من الشباب بشكل يومي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.