مساعدة الله يخليكم احنا في العشر الاواااخر
السلام عليكم و رحمة الله و بركاته
كل سنة و انتو طيبين و يارب تكونو بخير
لو سمحتو أحتاج مساعدة منكم الله يخليكم الي يقدر يساعدني لا يبخل عليا
ممكن يكون موضوعي مكرر مدري بس أنا جديدة في المنتدى و جديدة برضو على حكاية الابتعاث
و زي الاطرش في الزفة :sticktongue:
المهم الي أبغاه باختصار انو تفهموني ببساطة كيف أعرف الجامعات المعترف بها و الي غير موقفة الموجودة في الولاية و المدينة الي اخترتها لأن مستشارة الوزارة وقت التدقيق قالتلي لو تبغي تجيبي انتي القبول فخلاص من دحين تختاري ولاية و تدوري جامعة و تراسليهم على اساس اذا طلعت الموافقة النهائية ان شاء الله يكون القبول معاكي
دخلت موقع الوزارة في الجامعات الموصى بها بس دخت و ما عرفت كيف ادور و لا كيف اعرف الجامعة دي تنفع و لا ما تنفع
انا اخترت ولاية أوهايو أي مدينة بس أتمنى مدينة كليفلاند
الي يقدر ينصحني بالنسبة للجامعة أو حتى للولاية او المدينة لا يبخل
الله يخليكم ريحو بالي ان شاء الله ربي يريح بالكم و يحققلكم امنياتكم و يسهل اموركم في العشر الاواخر ياااااارب
أستنى ردودكم و انتو بخير ان شاء الله
رد: مساعدة الله يخليكم احنا في العشر الاواااخر
بأمكانك البحث في موقع الوزارة ..هنا
http://ru.mohe.gov.sa/
وتحطي الدوله والتخصص وتطلع لك قائمه بالجامعات المعترف فيها
وحاولي تجربين اكثر من صيغة للتخصص يعني مثلا حاسب الي ,,, او هندسه حاسب ... او علوم حاسب ... او هندسة كومبيوتر .. لان قاعدة البيانات تبع الوزاره تحتوى على اكثر من صيغة لاسم التخصص ومحرك البحث اللي في الموقع لايتمتع بالذكاء الكافي لسرد جميع التخصصات المطابقة او مشابهه لكلمة ما.
واذا ماعرفتي كيف .. قولي ايش تخصصك وانشوف لك ايش الجامعات .. مع العلم ان الملحقية في امريكا لديها قائمه محدثه غير قائمه الوزاره
وبالتوفيق
رد: مساعدة الله يخليكم احنا في العشر الاواااخر
الله يعطيك العافية أبو عمر
مشكور على مجرد ردك بس
أنا ما كتبت الا و انا والله ما كتبت الا بعد ما احترت في موقع الوزارة و ما عرفت اتصرف معاه
أنا اخترت تخصص تسويق
إذا تقدر تفيدني أكون شاكرة لك
1 مرفق
رد: مساعدة الله يخليكم احنا في العشر الاواااخر
بالنسبة للتسويق فالجامعات المعترف بها كثيره جدا.
ادخلي على الصفحه تبع الجامعات الموصى بها وحطي بيانات البحث مثل ما انا حطيت في الصوره المرفقة تحت واضغطي على بحث. وبيطلع لك صفحات كثيره فيها اسم كل جامعة وموقعها
وبالتوفيق
رد: مساعدة الله يخليكم احنا في العشر الاواااخر
يعطيك ألف عافية بس معلش والله اسفة على الازعاج بس عندي سؤال تاني
انا تخصصي في البكالوريوس كان لغة انجليزية بس لما جيت اسجل في البعثة ما لقيت تخصص له علاقة بدراستي فنصحوني اختار تسويق
سؤالي هل ممكن لما اروح هناك اغير تخصصي و هل الموضوع سهل ؟
انا نفسي ادرس شي من المواد الي كنت اخدها
و مشكوووور و ما قصرت و هاحاول ما اسال تاني
رد: مساعدة الله يخليكم احنا في العشر الاواااخر
لا ياختي مافي ازعاج الله يبارك فيكي.
والله حسب علمي ماتقدرين تغيرين التخصص الى لواحد من التخصصات الموجوده في اللابتعاث. انا اتكلم عن النظام المعلن عنه بس اذا في استثناءات الله اعلم.
وكل عام وانتم بخير.
بالتوفيق
رد: مساعدة الله يخليكم احنا في العشر الاواااخر