I coming Dream Land

الله يوفقكم ويوصلكم بالسلامة ويوفق الجميع

بالنسبة لي بنصحكم بنفس النصايح اللي نصحتها اخوي قبل ما يروح امريكا

مع ان الوضع مطمئن والحمدلله ومو زي ما ينقله الإعلام لكن الإحتياط واجب
اشتري من الصيدلية معقم ديتول يكون في شنطتك .. بعد ما تستخدم دورة المياه
في الطيارة لازم تعقم ايدينك لأنه مساكة الباب اللي لمستها لمسها ملايين الناس قبلك, والله اعلم من المريض فيهم!
وأي شي تلمسه في الطيارة .. عقم ايدينك بعده بالمعقم.. ترى الطيارات من اقوى اسباب انتقال العدوى

لا تنسى تشتري كمامة بفضل انك تدخل المطار وانت لابس كمامة.

لا تنسى تطعم ضد الإنفلونزا العادية من السعودية .. فصل الشتى على الأبواب وراح تختلط بطلبة فمن الأفضل ان
تكون مناعتك عالية.... والله سبحانه هو خير حافظ.

في الصيدلية بتلاقي حلاقة شعر رجالية تشتغل بالحجر فيها درجات طول الشعر اللي تبيه
هذي مهمة للإستخدام المنزلي ممكن ترتب فيها شعرك أو دقنك او سوالفك بأي طول تبي في الحالات اللي
ما يكون فيها حلاق او الصباح بدري راح تنفعك كثير.

لا تنسى كتيبات اذكار الصباح والمساء وأذكار الخروج من المنزل داوم عليها كل يوم .

إذا لابتوبك يحتاج فورمات أو صيانه سويها في السعودية قبل لا تروح.

خذ معاك كوبس كهرب محول لجميع الأشكال عشان لو بغيت تشحن جوالك اول ما توصل لسكنك أو تشبك اللابتوب مهما كان شكل فيش الكهرب.

طبعا لازم تصرف دولارات كاش اذا انت رايح امريكا تكفيك الين ترتب امورك

اذا وصلت لسكنك اللي بتقيم فيه لا تنسى تغير المخدة وغطاء المخدة وغطاء السرير لأنها لو كان فيها سكان ساكنين قبلك
بيكونو نامو عليها (خصوصا ان المخدة مهما كان شكلها نظيف فهي افضل مكان لتجمع جميع انواع
الجراثيم) ونفس الشي غطاء السرير والغطاء اللي بتتغطى فيه اذا نمت...اول ما توصل اسأل عن ايكيا أو اي مكان لبيع اثاث منزلي واشتر لك مخدة جديدة خاصة فيك.

اذا رحت للسوبرماركت واستعملت الترولي(عربية التسوق) امسحها بالديتول قبل ما تلمسها
وحتى بعد ما تخلص من التسوق عقم ايدك بعدها ترى اكثر شي ينقل المرض
هي عربانات التسوق لأنها تمر بيد ملايين البشر!

وفي أي وقت تلمس فيه الأوراق المالية والمعدنية برضه عقم ايدك بعدها لأنها كانت في يد مليارات البشر قبل توصل لك

ونفس الشي لو رحت لإنترنت كافيه عقم ايدك بعد الكي بورد! وبعد لمس الابواب في المجمعات
والاماكن العامة بدون استثناء

ابتعد عن الأماكن المكتومة واللي يكون فيها ناس كثير وأنفاس.. وإذا ركبت الباص او القطار من الأفضل انك تقعد جنب شباك ويكون مفتوح

اذا صادف انه مر من جنبك احد وعطس او كح لا تستنشق الهواء اكتم نفسك ثواني وابعد عن المكان وبعدين خذ نفس عميق في جو نقي ..

فيه شيء ثاني مهم .. لما تروح ستار بكس او كوفي كوستا او او او وتطلب تيك اويي بتشوف الموضف
يسوي لك قهوتك وبعدين يجيب الغطاء الابيض البلاستيك ويحطه فوق الكب
ويضغط عليه باصابعه من جميع النواحي عشان يسكره
ومن ضمنها طبعا الجهة اللي بتلامس فمك عشان تشرب القهوة!
يعني من اصابع الموضفين الى فمك مباشرة!!
مو مشكلة افتح الغطاء لو حبيت تضيف سكر او شيء وارميه واطلب من الموضف غطاء جديد انت تسكره بمعرفتك.

صحيح ان الامور هذي دقيقة وقد يراها البعض مبالغ فيها لكن الإنسان لازم ياخذ حذره والباقي على الله سبحانه.

هذا اللي يحضرني حاليا.. وإذا ذكرت شي ثاني راح اضيفه إن شاء الله

الزعيم لامبارد
الله يعافيك اخوي

اعتقد ان اللي يعتبرونها مبالغة يحسبون انه الديتول السائل اللي لونه عسلي

لو عرفو انها هذي الصغيرة اللي في الصورة جهة اليمين يمكن يغيرون رأيهم