الأعضاء الإشتراك و التسجيل

الملتقيات
ADs

سؤال بخصوص مستحقات المرافق المبتعث

سؤال بخصوص مستحقات المرافق المبتعث


NOTICE

تنبيه: هذا الموضوع قديم. تم طرحه قبل 2991 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية a7lahom
    a7lahom

    مبتعث جديد New Member

    a7lahom غير معرف

    a7lahom , ذكر. مبتعث جديد New Member. , تخصصى هندسة ميكانيكية , بجامعة Saginaw Vally
    • Saginaw Vally
    • هندسة ميكانيكية
    • ذكر
    • Saginaw, MI
    • غير معرف
    • Oct 2009
    المزيدl

    October 4th, 2009, 04:55 AM

    السلام عليكم

    عفوا اخواني انا عندي سؤال للاخوان الذين عندهم خبرة في هذي المواضيع او ممن مر بتجربتها

    انا مرافق لزوجتي والحمدلله تم الحاقي بالبعثة في جلسة 173 اللي ابي اعرفه من اي وقت تتغير مستحقات المرافق من ناحية المكافأة مع العلم اني مازلت في مرحلة اللغة باقي علي هذا السميستر واخلص باذن الله وادخل الجامعة
    ياليت من لديه المعرفة الكافية في هذا الموضوع يخبرني
    مع انو انا سمعت لا يتغير اي شي الا اذا اخذت مواد في الجامعة هل هذي المعلومة صحيحة
  2. طيب أخوي طالما فتحت الموضوع...خبرنا الله يعطيك العافية عن إجراءات التحاقك بالبعثه؟ الأوراق و المستندات و متى و كيف؟؟؟ و قبول الجامعه الغير مشروط؟ ولا مشروط؟و هل انت مرافق زوج؟ أخ؟ و ايش القصة بالضببببببببببط...
    والله تهم كل المبتعثات اللي هنا و محد لاقي الإجابة الشافية اللي من تجربه..

    و نكون لك من الشاكرين...
    7 "
  3. هلا اختي
    انا مرافق لزوجتي زوجتي ماجستير وانا باكلريوس
    انا عندي قبول مشروط اخلص اللغة وبعدين ادخل الجامعة وكلمت الملحقية وعاد هنا اللي يسكرها بوجهك يقولك المرافقين صعب انضمامهم ومن هذا الكلام ذاك الوقت تحطمت شوي ولكن بعد اسبوعين من هذا الكلام رجعت وكلمت الملحقية وكلمت وحدة اسمها ليندا هي المسؤولة عن المرافقين وقالت لي عندك قبول قلت لها اي عندي قالت لي ارسل لي اوراقك الشهادات والقبول حق الجامعة وطلب الالحاق تعبيه من موقع الملحقية
    وارسلتهم لها وهي رفعتهم الى الوزارة والوزارة حددو لي موعد الجلسة 169 وهنا المصيبة الكبرى وانعقدت الجلسة وجى الخبر لي بالرفض وذلك لعدم وجود قبول صريح على قولتهم يعني غير مشروط والسبب الثاني اني ما اتوافق مع زوجتي في المدة يعني لازم اكمل 75% من الدراسة
    وبعدها انا رجعت الى السعودية اجازة الصيف واخذت عمري وطرت على الوزارة وقابلت الدكتور ناصر الفوزان وحكيت له قصتي كلها وكان متعاون معي بعدين قالي روح اكتب خطاب لي باسمي موجه الى الدكتور ناصر الفوزان واكتب في بداية الخطاب اعادة نظر في الموضوع
    وكتب له الخطاب وقراه كامل ووقع عليه وقالي وديه الى قسم الاتصالات وديته هناك والشباب قالو لي الاسبوع القادم شيك على موقع الوزارة وجى الاسبوع اللي بعده ومر شهر وشهرين ولا شي في الموقع
    وصدفة قبل اسبوع اشيك على موقع الوزارة الى كاتبين الحق بالبعثة ماصدقت عيوني قمت اسكر في الموقع وادخله مرة ثانية قلت يمكن غلط في الموضوع لا وطلع صحيح
    وهذي قصتي مع الالحاق وانا انصحكم لا احد ييأس ابدا حاولوا مرة مرتين 3 حطو لكم هدف معين لازم توصلون له وبتمشي اموركم
    واي استفسار ثاني انا حاضر
    7 "
  4. المشاركة الأصلية كتبت بواسطة kw-nono
    اخوي كيف المصروفات على المرافق لان انا ماستر واخوي بكلوريوس معاي كم يصرفون له بشهر وهل يقدر يسجل اول مايروح معاي يلتحق واشلون وكم طول؟
    تقريبا
    هلا اختي
    يصرف للمرافق 970 دولار تقريبا

    نعم يقدر يسجل في الملحقية ويفتح له ملف بس اهم شي يكون عنده قبول من المعهد او الجامعة منشان يفتحون له ملف ويعطونه ضمان مالي للمعهد او الجامعة طبعا المرافق يصرفون عليه بالنسبة للغة سنة وستة شهور هذا اكثر شي اذا تأخر مايصرفون عليه يقولون ادرس على حسابك واذا خلصت اللغة تعال طبعا هذا الكلام موجه للمبتعث بعد مو بس المرافق
    انتو تقدرون تقدمون اوراق المرافق عن طريق الملحقية ويرفعونا للوزارة بخصوص الانضمام للبعثة
    7 "
  5. ما شاءالله تبارك الله...أول شي مبروك عل إلتحاق و ثاني شي كويس انك ذكرت قصتك عشان تذكرنا انو الواحد ما ييأس من الوزارة و يحاول معهم مرات و مرات إلين ما تزبط...عموما مشكور و الله يوفقك يا رب و كل المبتعثين و المرافقين يا رب
    7 "
  6. المشاركة الأصلية كتبت بواسطة a7lahom
    هلا اختي
    انا مرافق لزوجتي زوجتي ماجستير وانا باكلريوس
    انا عندي قبول مشروط اخلص اللغة وبعدين ادخل الجامعة وكلمت الملحقية وعاد هنا اللي يسكرها بوجهك يقولك المرافقين صعب انضمامهم ومن هذا الكلام ذاك الوقت تحطمت شوي ولكن بعد اسبوعين من هذا الكلام رجعت وكلمت الملحقية وكلمت وحدة اسمها ليندا هي المسؤولة عن المرافقين وقالت لي عندك قبول قلت لها اي عندي قالت لي ارسل لي اوراقك الشهادات والقبول حق الجامعة وطلب الالحاق تعبيه من موقع الملحقية
    وارسلتهم لها وهي رفعتهم الى الوزارة والوزارة حددو لي موعد الجلسة 169 وهنا المصيبة الكبرى وانعقدت الجلسة وجى الخبر لي بالرفض وذلك لعدم وجود قبول صريح على قولتهم يعني غير مشروط والسبب الثاني اني ما اتوافق مع زوجتي في المدة يعني لازم اكمل 75% من الدراسة
    وبعدها انا رجعت الى السعودية اجازة الصيف واخذت عمري وطرت على الوزارة وقابلت الدكتور ناصر الفوزان وحكيت له قصتي كلها وكان متعاون معي بعدين قالي روح اكتب خطاب لي باسمي موجه الى الدكتور ناصر الفوزان واكتب في بداية الخطاب اعادة نظر في الموضوع
    وكتب له الخطاب وقراه كامل ووقع عليه وقالي وديه الى قسم الاتصالات وديته هناك والشباب قالو لي الاسبوع القادم شيك على موقع الوزارة وجى الاسبوع اللي بعده ومر شهر وشهرين ولا شي في الموقع
    وصدفة قبل اسبوع اشيك على موقع الوزارة الى كاتبين الحق بالبعثة ماصدقت عيوني قمت اسكر في الموقع وادخله مرة ثانية قلت يمكن غلط في الموضوع لا وطلع صحيح
    وهذي قصتي مع الالحاق وانا انصحكم لا احد ييأس ابدا حاولوا مرة مرتين 3 حطو لكم هدف معين لازم توصلون له وبتمشي اموركم
    واي استفسار ثاني انا حاضر

    حبيت أسأل :
    أنا قدمت على البعثة ماستر وزوجي هو المرافق وبرغب بدراسة بكالويوس والالتحاق بالبعثة _ مثل حالتك _ هل من الأفضل أنه يآخذ قبول من الجامعة الحين ويذهب الى الوزارة قبل السفر ليسمح له بالالتحاق في البعثة قبل ما نسافر حتى يستفيد من الوقت؟ وهل اذا انتهيت أنا من الماستر وزوجي لم ينتهي نستطيع البقاء الى أن ينتهي؟
    "علما بأنه ممتاز في الانجليزي ولايحتاج الا فترة قصيرة لدراسة اللغة بعكسي فأنا ضعيفة فيها وأحتاج وقت أكثر"
    7 "
  7. المشاركة الأصلية كتبت بواسطة فارسة الهيجى
    حبيت أسأل :
    أنا قدمت على البعثة ماستر وزوجي هو المرافق وبرغب بدراسة بكالويوس والالتحاق بالبعثة _ مثل حالتك _ هل من الأفضل أنه يآخذ قبول من الجامعة الحين ويذهب الى الوزارة قبل السفر ليسمح له بالالتحاق في البعثة قبل ما نسافر حتى يستفيد من الوقت؟ وهل اذا انتهيت أنا من الماستر وزوجي لم ينتهي نستطيع البقاء الى أن ينتهي؟
    "علما بأنه ممتاز في الانجليزي ولايحتاج الا فترة قصيرة لدراسة اللغة بعكسي فأنا ضعيفة فيها وأحتاج وقت أكثر"

    هلا اختي
    والله اختي اذا يقدر يجيب له قبول من الان افضل ولكن اللي اعرفه اذا راح للوزارة بيقولون له الوزارة انت اول روح امريكا وخلي الملحقية ترفع اوراقك لنا
    واذا انه ممتاز في اللغة شي جيد لانه بيساعده الحصول على قبول سريع من الجامعة والملحقية تدفع له انه ياخذذ كلاسات في الجامعة ماعنده اي مشكلة بس هو يروح للوزارة ويحاول اذا مشت اموره كان بها ما مشت اسمه انه راح وحاول بعدها انتون تحاولون عن طريق الملحقية
    بس اختي اللي بيروح مرافق ويبي يدرس ويكمل في دراسته اي ياخذ مواد في الجامعة يطلع له فيزا F1 لان لو راح بفيزا F2 بيدرس دوام جزئي يعني ماهو فل تايم ويحذر انه ياخذ كلاسات فل تايم وهو فيزة مرافق لانه بيصير غير قانوني ويبعدونه عن امريكا على طول عن طريق ادارة الهجر اذا علمت بذلك وحدثت هذي القصة لا احد اخواننا في احدى الولايات
    7 "
  8. المشاركة الأصلية كتبت بواسطة arroori
    ما شاءالله تبارك الله...أول شي مبروك عل إلتحاق و ثاني شي كويس انك ذكرت قصتك عشان تذكرنا انو الواحد ما ييأس من الوزارة و يحاول معهم مرات و مرات إلين ما تزبط...عموما مشكور و الله يوفقك يا رب و كل المبتعثين و المرافقين يا رب

    مشكوووور اخوي وماقصرت وعسى الله يوفق الجميع ويوفقنا معاكم

    نعم اكرر لا احد ييأس لا من الملحقية ولا من الوزارة ترى كثر الطق يفك اللحام اذا كانت عندك معاملة او اي شي حاول قدر المستطاع ونصيحة لوجه الله لا احد ياخذ كلام فلان وعلان انت حاول بنفسك ولا عليك من اللي جاي يقولك لاتعب حالك ولاتروح واذا رحت بتطلع بفول بلا حمص .. ماعليكم منهم انت حاول بنفسك ولاتقول ما اعرف لو متعرف ماجيت امريكا وهذي نصيحتي للجميع وشكرا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.