ربنا ييسرلو امرو اللي حيساعدني ابغى اقدم على بعثه؟؟؟؟؟؟

عزيزتي التقديم يكون على بعثات السنة القادمة اللي هي المرحلة الثالثة لأن المرحلة الثانية مقفلة خلاص ... و المرحلة الثالثة فيها كندا ... لكن إذا تبغي نصيحتي إذا معدلك عالي جدا و مطمنة لكندا توكلي و قدمي كندا ... أما إذا معدلك مش عالي مرة ( ياليت تفيديني بالمعدل ) ممكن تقدمي أمريكا ليش ؟ لأن المرحلة الثالثة رح تشهد تقدم عدد كبير لكندا نظرا لمحاولة تجنب الطلاب أمريكا لذا فالوزارة رح تاخذ أعلى المعدلات بينما أمريكا أتوقع الضغط عليها رح يخف لكن أيضا يتطلب معدلات عالية .... الخطوات إن شاء الله رح تعرفيها إذا تصفحتي بقسم أخبار الوزارة شوي ... بس تختلف الاجراءات من عام لآخر لذا لا تستعجلي الأمور ... و بالنسبة أيهما أفضل أمريكا أم كندا ؟؟ صعب عمل مقارنة شاملة نظرا لكبر حجم البلدين و تختلف أوجه المقارنة في كل ولاية و كل مدينة ... لكن أمريكا أفضل في الجامعات و أفضل في الجو عموما ... و كندا أفضل في الأسعار و الأمان عموما ... لكن مثل ما قلتلك المقارنة هذي عامة يعني ممكن تكون مدينة أمريكية ءأمن بكثير من مدينة كندية و العكس صحيح لذا إذا كان براسك مدينة معينة أسألي عنها ... و إن شاء الله أكون أفدتك ...

اخي الكريم oim اولا جزاك الله كل خير وفرج همك

وبعد

معدلي 3.75 مو مره عالي

ولكن المتقدمات نسبتهم قليله بالنسبه للمتقدمين الذكور

لذلك اتوقع قبولي بما اني متقدمه للماجستير

فقط اريد توضيح خطوات التقديم لبعثه لو بإختصار

وبعديم مدة الدراسه وايش موضوع برنامج االلغه وكم حتكون مدتو

ويعني ايش وزاره وملحقيه


وايش مرحله تالته ومتى يعني اروح اقدم

وحتكون شامله لاي مدن من فين اعرف هاادا كلووو

ابغى افهممممم بلله فهموني



وجزاكم الله كل خير

فكرتيني قبل حوالي 7 شهور اول ما اتخرجت كنت زيك ماني عارف و لا حاجه عن البعثات !!

بس كنت اسمع انو الناس يطلعو امريكا و كندا و يكملو دراستهم على حساب الدوله !!

و حاولت اسال في كذا منتدى لكن للاسف ماحد فتح عيوني الين ما اتصفحت كل المواضيع عشان افهم !1

المهم راح اقولك بانو كان فيه مرحله اولى و خلصو منها قبل حوالي سنه و بعدها جات المرحله الثانيه فتحوها قبل 5 شهور و البعثات عموما بتكون كل سنه و بانك ما راح تقدري تقدمي الين ما دفعه البرنامج الثاني يخلصو منها .. و احنا قدمنا قبل حوالي 5 شهور و لسا ما طلعت الاسماء النهائيه !!

و البعثات مقدمه من وزاره التعليم العالي في الرياض

و معنى ملحقيه .. انه يوجد في كل بلد في العالم ملحقيه ثقافيه سعوديه تهتم فقط في الطلاب السعوديين الدارسين في الخارج ..

ادخلي موقع الوزاره و تلاقي فيه برنامجين واحد للملك عبدالله و الثاني للمتميزين .. كل برنامج فيه شروط معينه و دول و اقسام معينه .. و على حسب معدلك و رغبتك في الدوله و التخصص راح تسجلي فيها عن طريق النت (طبعا هذا الكلام بعدين ) و تستني الين ما يردو عليكي عن طريق رسائل بالجوال ..

الشروط بكل اختصار ..

ما ينقص المعدل عن 3.75 من 5 او 2.75 من 4

ان يكون المتقدم سعودي الجنسيه

ان لا تزيد مده التخرج عن 5 سنوات

ان لا يكون المتقدم موظف في القطاع العام او الخاص

وجود محرم بالنسبه للطالبات

و البلدان بالنسبه لبرنامج الملك عبدالله كان المطروح منها امريكا و استراليا وماليزيا و الهند و الصين و اليابان و غيرها

اما برنامج المتميزين كان لكندا و بريطانيا و نيزيلندا و هولندا و النمسا و فرنسا و استراليا و غيرها

اما بالنسبه لمده الدراسه هادي على حسب الجامعه و اللغه حوالي سنه في المعهد

و ياليت تكوني فهمتي معايا

و ربنا يوفقك و يوفقني و يوفق الجميع ان شاءالله ..

أختي جواهر !!

بالنسبة للبعثات ... فوزارة التعليم العالي دأبت منذ السنة الماضية على إستحداث برامج إبتعاث وكل سنة يسوون برنامج إبتعاث يشمل عدة .. فمثلا السنة اللي فاتت فتحوا برنامج الإبتعاث الى الولايات المتحدة الأمريكية لعدة تخصصات وبما انه أول مرة يفتحوا باب الإبتعاث منذ فترة علشان كذا يسمونه (( البرنامج الأول )) !!!.!.

السنة هذي فتحوا برنامج خادم الحرمين الشريفين للإبتعاث لدول امريكا وجنوب شرق آسيا واستراليا وبما انه السنة الثانية فيسمى (( البرنامج الثاني )) !.!..!.!

وبمشيئة الله السنة الجاية راح يفتحوا برنامج للإبتعاث لأأمريكا وكندا وجنوب شرق آسيا وراح يتوسعون ليشمل عدة دول اوروبية منها بريطانيا, السويد . ألمانيا . هولندا , فرنسا .... وراح يسمى (( البرنامج الثالث )) ............... هذا ما يخص ببرامج الإبتعاث الخاصة بوزارة التعليم العالي !!

أما من ناحية إيهما افضل الولايات التحدة الأمريكية أم كندا .... فأنا اخالف اخوي o.i.m ...

لانه البون شاااااااااااااااسع بين الدولتين لا من ناحية مستوى الجامعات الأكاديمي .- وهذا ما فيها كلام - بالإضافة إنه خريج امريكا مقدم على خريج كندا ....... غير كذا إذا كانت امريكا تتفوق على بريطانيا ,,,, فحراام نقارن امريكا بكندا بأي وجه من الوجوه !!

فاللي ارى إنه امريكا هي الخيار الأفضل لكي انتي خصوصا .. انك طالبة دراسات عليا
والشهادة راح تفرق معاك كثييير عند التوظيف !!!

صحيح امركيا اجراءتها جدا معقدة ... وتعاملها مع السعوديين جدا سيء ... لكن نأمل إنه الحال يتحسن .. والله المستعان !!

وبالنسبة لشروط الإبتعاث فبإمكانك تحصلينها على ذا الرابط :-

http://www.mohe.gov.sa/kas/info.aspx

طبعا يمكن الشروط تتغير بعض الشي .. لكن هي غالبا ثابتة لطلبة الدراسات العليا!!

طريقة التقديم ... فعذرا اختي الطريقة جدجا طويلة .. لكنها في نفس الوقت ليست متعبة على الإطلاق وبمجرد ما يطلقوون البرنامج الثالث إدخلي موقع وزارة التعليم العالي وكل شي راح يكوون واضح جدا وسهل !!!!

وغير كذا اختي إنتي بما إنك خريجة جامعة عبد العزيز فاللي اعرفه إن جامعة جدة تتبعث طلابها وطالبتها للدراسة بالخارج .. وبعد مايرجع يتوظف بمرتبة معيد .. أو محاضر !!

فاللي أرى إنك خلال الفترة هذي .. - وعلى بال ما يفتح البرنامج الثالث - حاولي إنك تراجعين شطر الطالبات .. شؤوون الخريجيات بعمادة شؤوون الطالبات ... وشوفي وش شروط الإبتعاث من خلال الجامعة . خصوصا إنك معدلك جيد جدا وغير كذا تخصصك حليوة !!!

وأي إستفسار اختي انا حاضر .. وإن شاء الله الأعضاء ماراح يقصروون معاك

وبالتوفــــيـــق @@@@@@

والله يا أختي نصيحه أخوية لك ... أبتعدي عن أمريكا .. لأنه مستقبلك ممكن يضيع بليله وحده بس ..

و يا كثر التجارب اللي حصلت لناس و حكوها لنا هنا بالمنتدى ..

و الله يوفقك إن شاء الله بأي مكان ..

ما عندي شي اقوله غير الله ايسر امووووووورك

وربنا يوفقك ويفرج همك وجزاكا الله كل خير

جزاك الله كل خير وفرج همك يارب ويسرلك كل مستعصي

اخي الكريم ممكن توضح وتذكرلي ايش مساوئ الدراسه فيها


ووجزاك الله كل خير وربنا ييسر امرك