الأعضاء الإشتراك و التسجيل

الملتقيات
ADs

خريج في ورطه مع مدير القسم

خريج في ورطه مع مدير القسم


NOTICE

تنبيه: هذا الموضوع قديم. تم طرحه قبل 2997 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Linguistics
    Linguistics

    مبتعث مستجد Freshman Member

    Linguistics الولايات المتحدة الأمريكية

    Linguistics , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Linguistics , بجامعة KFU
    • KFU
    • Linguistics
    • ذكر
    • HA, Eastern Region
    • السعودية
    • Oct 2009
    المزيدl

    October 5th, 2009, 03:05 PM

    السلام عليكم ورحمة الله وبركاته

    أخواني وأخواتي .. هذه أول مشاركه لي وأتمنى مساعدتكم

    قصتي يا أخواني وأخواتي إني خريج قسم لغه إنجليزية من جامعه سعودية بمعدل 4,85 من 5 ... فقبل التخرج حبيت إني أواصل فورا في مجال اللغه .. اللي حصل إني رحت لمدير القسم عشان يساعدني من ناحية الجامعات وعشان يطلعني أكثر على التخصصات اللي ممكن اتخصص فيها... ولكن لوجود خلاف سابق بيني وبينه _ والله ما سويت شي .. مظلووم _ قالي :" اسمح لي ... ما اقدر أفيدك وخصوصا إنت ... " الله يهديه

    طبعا طلبت توصيات منه ومن كم دكتور ... فأعطوني توصيتين وباقي توصيه من مدير القسم ... ولكن لا حياة لمن تنادي ...

    أخواني وأخواتي ... أنا ما عندي أي معرفة ولا علم بالجامعات الأمريكية إطلاقا ... وأبغى أعرف الجامعات و التخصصات المتاحة اللي ممكن أتخصص فيها ... وهل مجال theoretical linguistics يتيح لي فرصة التوظيف في الجامعه؟


    ودي في جامعات توفر نظام الكورسات بدون اختبار GRE؟؟ وكم أقصى مدة للدراسة؟

    وش الأفضل: Applied Linguistics ولا Tesol ؟؟

    عندي اختبار أيلتس 6,5 بالاضافه لشهادة البكالويوس 4,85

    تكفون يا أخواني ساعدوني ... أنا ما أبغى أرجع وأنزل نفسي لدكتور ما هو بالأساس سعودي وجالس يتحداني... ويعلم الله إني في حاجه لكم ...
    سؤالي يا شباب وشابات

    هل أقدر إني أقدم من غير الجامعه>> لاني احسه صار مستحيل مع مدير القسم ؟؟ يعني أقدم على الوزارة .. لاني سمعت انه تخصص اللغويات لا يشمله الابتعاث

    تحملوني شوي يا أخواني ... مالي بعد الله سبحانه إلا أنتو

    تحياتي لكم
  2. لا يـظهـر لي أن تخصص اللغوّيات من التخصصّات المتاحة في برنامج الإبـتـعـاث ولكن تواصل مع التعليم For Verification

    بالنسبة للقبول فلا تشيل هم , معدلك ودرجة الـIELTS اللي معك راح تجعل مسألة قبولك في الجامعات الأمريكية أمر غاية في السّهولة سواء في تخصص الـLANGIUSTICS - APPLIED LINGUISTICS - TESOL .
    7 "
  3. المشاركة الأصلية كتبت بواسطة ** MaMdOuH **
    لا يـظهـر لي أن تخصص اللغوّيات من التخصصّات المتاحة في برنامج الإبـتـعـاث ولكن تواصل مع التعليم For Verification

    بالنسبة للقبول فلا تشيل هم , معدلك ودرجة الـIELTS اللي معك راح تجعل مسألة قبولك في الجامعات الأمريكية أمر غاية في السّهولة سواء في تخصص الـLANGIUSTICS - APPLIED LINGUISTICS - TESOL .

    مشكور أخوي الغالي على ردك السريع

    يعني بحتاج إني أرجع لمدير القسم عشاان أقدم !!! الله يعينني

    الله يعطيك ألف عافيه يالغالي على ردك

    تحياتي لك
    7 "
  4. المشاركة الأصلية كتبت بواسطة Linguistics
    مشكور أخوي الغالي على ردك السريع
    يعني بحتاج إني أرجع لمدير القسم عشاان أقدم !!! الله يعينني
    الله يعطيك ألف عافيه يالغالي على ردك
    تحياتي لك

    ليش تـرجع له , أنا ما قلت لك أرجع له ؟ ؟ ؟

    أمر ثاني نسيت أكلمك بخصوصه وهو أنت ليش ما تصير مـعـيـد في الجامعة ؟ ؟ ؟

    أنت بلاشك مـؤهّل ويصير تـبـتـعث على حسـب الـجامـعـة في تـخصصك اللي تبـغـاهـ .!.!.!
    7 "
  5. المشاركة الأصلية كتبت بواسطة ** MaMdOuH **
    ليش تـرجع له , أنا ما قلت لك أرجع له ؟ ؟ ؟

    أمر ثاني نسيت أكلمك بخصوصه وهو أنت ليش ما تصير مـعـيـد في الجامعة ؟ ؟ ؟

    أنت بلاشك مـؤهّل ويصير تـبـتـعث على حسـب الـجامـعـة في تـخصصك اللي تبـغـاهـ .!.!.!
    مرااحب يالغالي

    صحيح أخوي انت ما قلت لي .. بس أنا شفت انه الوزاره ما فيها التخصص وعرفت اني لازم ارجع له

    بالنسبة للإعاده في الجامعه تحتاج موافقه رئيس القسم ... وهو أساسا ما رضى يعطيني التوصيه .. فما بالك بأورااق الإعاااده ...

    المشكله أنه الكلمه الأخيره له بعد مجلس الجامعه.. لانه أتوقع هو اللي يحدد يقول الطالب مؤهل او غير مؤهل ... وانا خايف أنه يقول إني غير مؤهل بسبب المشكله اللي ما لي أي دخل فيها

    اذا عندك أي طريقه أخوي .. الله لا يهينك يالغالي

    ومشكور من قلبي على ردك السريع

    تحياتي الخالصه لك
    7 "
  6. المشاركة الأصلية كتبت بواسطة Linguistics
    مرااحب يالغالي
    صحيح أخوي انت ما قلت لي .. بس أنا شفت انه الوزاره ما فيها التخصص وعرفت اني لازم ارجع له
    بالنسبة للإعاده في الجامعه تحتاج موافقه رئيس القسم ... وهو أساسا ما رضى يعطيني التوصيه .. فما بالك بأورااق الإعاااده ...
    المشكله أنه الكلمه الأخيره له بعد مجلس الجامعه.. لانه أتوقع هو اللي يحدد يقول الطالب مؤهل او غير مؤهل ... وانا خايف أنه يقول إني غير مؤهل بسبب المشكله اللي ما لي أي دخل فيها
    اذا عندك أي طريقه أخوي .. الله لا يهينك يالغالي
    ومشكور من قلبي على ردك السريع
    تحياتي الخالصه لك

    حقيقة لو كنت مكانك , بأروح لرئيس القسم وأتناقش معه بخصوص المشكلة اللي تقول مالك فيها أي دخل . . .

    الإبتعاث عن طريق الجامعة أفضل بـمـئة الف مرة من بـعثات الوزارة ,

    أقلّها إنك تضمن وظيفتك بعد ما ترجع وهذا شيء في غـايـة الأهـميّة .!.!.!

    فحاول مرّة ثانية واحتال إذا كان لك حيلة علّ الله يفرجها علينا وعليك ,

    ومثل ما قلتلك مسألة القبول لاتشيل همها الآن , موضوعها غاية في البساطـة .!.!.!
    7 "
  7. المشاركة الأصلية كتبت بواسطة ** MaMdOuH **
    حقيقة لو كنت مكانك , بأروح لرئيس القسم وأتناقش معه بخصوص المشكلة اللي تقول مالك فيها أي دخل . . .

    الإبتعاث عن طريق الجامعة أفضل بـمـئة الف مرة من بـعثات الوزارة ,

    أقلّها إنك تضمن وظيفتك بعد ما ترجع وهذا شيء في غـايـة الأهـميّة .!.!.!

    فحاول مرّة ثانية واحتال إذا كان لك حيلة علّ الله يفرجها علينا وعليك ,

    ومثل ما قلتلك مسألة القبول لاتشيل همها الآن , موضوعها غاية في البساطـة .!.!.!
    كلامك سليم يا غالي ...إن شاء الله هذا اللي بيصير ... أروح وأتناقش معه ..واشوف وش المشكلة

    الله يفرجها يارب

    الله يفرج همومك مثل ما طمنتي يالغالي

    ومشكووور على ردك

    تحياتي لك
    7 "
  8. معليش على الخطمة , أي جامعة أنت ,

    بعدين شف بقول لك نصيحة في الأمور الي تحتاجها تغاضى عن بعض الأمور وحل المسألة ودياً ,

    وشف الدكاترة الي علاقتهم بمدير القسم علاقة قوية فاتحهم في الموضوع واطرح المشكلة الي مالك دخل فيها وأبعادها ,

    وإذا نت مخطي ولو بنسبة 1% قل للدكتور الي بيكلم مدير القسم ,

    لأن ذا الأشكال ما تجيها الا بذا الطريقة الي تحرجهم ,

    وربي يوفقك ,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.