تحذير للطلاب القادمون الى الولايات المتحده
السلام
اخواني انا من زمان مادخلت مبتعث
تعرفون قرب السفر ونشغلت مرره
لازم اقولكم وحذركم
انتبهوا
انتبهوا
انتبهوا
ونتم جايين لمطار نيويورك او اي مطار
خلوكم نظامينن
في حوالي 20 طالب احتجزوهم لمدة يومين تقريبا
وبعضهم مُنع من دخول امريكا
وبعضهم مُنع من دخول امريكا لمدة خمس سنين
والمصيبه المرمطه اللي صارت لهم
الطلاب المحتجزين يقولون انهم لم يفعلو اي شي غير نظامي
الاف بي اي تحفظوا على الاسباب وقالو:
من ضمن المخالفات
*الدخول بــI-20 ملغي: وهذا يعتبر تحايل او تزوير
لازم تتاكد قبل ماتسافر انو الاي توني حقك ساري المفعول ((لاحظ ممكن يكون تاريخه لم ينتهي لكن قد تكون جامعتك الغت الاي توني حقك ونت ماتدري))
*بعض الشباب الله يهداهم كنه مسافر الى موريتانيا: يجيب معه خرابيط واجد ويثير الشبهه
مثل علاقات الملابس-واشياء ثانيه موجوده بامريكا ويستغربون لما الطالب يجيبها معه
*البرامج المنسوخه:والحمدلله اني تداركت نفسي
لان فيه عقوبات بالاف الدولارات وممكن عقوبة سجن للي يهرب برامج منسوخه
لازم تنتبهون من هالاشياء
خلك نظامي وماعليك من احد
وطبعا جريدة المدينه طلعت مقال عن الطلاب
لكنها لم توضح اسباب توقيفهم
الله معكم
رد: تحذير للطلاب القادمون الى الولايات المتحده
جزاك الله خير أخوي محمد و بارك الله فيك
مشاركة: تحذير للطلاب القادمون الى الولايات المتحده
الله يعطيك العافية عالتحذير .
رد: تحذير للطلاب القادمون الى الولايات المتحده
الله يعطيك العافيه ويبارك فيك
والله أمريكا هاذي امرها غريب!!!
والاكثر غرابه ان اخوي ملقبينه بـ "ملك الكراك"<<لأن كل برامجه غير أصليه
وراح وماعندك أحد, ماأحد درى عنه, ولاأحد فتشه, ولاأحد كلمه
رد: تحذير للطلاب القادمون الى الولايات المتحده
ما أزال أجهل كيفية إلغاء الأي توني للطالب ؟
ما الأسباب ؟
و لم لا يتم تحذير الطالب ؟
و جزاك الله خير كاتب الموضوع و يجعل فائدتك لنا في موازين حسناتك
رد: تحذير للطلاب القادمون الى الولايات المتحده
يعطيك الف عافية على التحذير
لكن انا ابغى افهمك شغله
اغلب الي منعوهم مثل ما تفضلت وقلت ان الايتونتي مو مجدد
لذالك انبه ان كل شخص يبغى يطلع من امريكا وبيزور اهله يراجع المعهد ويجدد الايتوني
علشان وهو راجع راح يطلبونه منه
-----------
ثانياً
نصيحة لوجه الله
الي جاي من السعودية سواء راجع يكمل دراسة - او لساته جديد
ياليت تضبطون رحلاتكم على انكم ما تنزلون في نيويورك
ترى المفتشين هناك مرة مرة زفت
وكم طالب منعوه بدون سبب
لحد يقول لي مافيه
دبر نفسك شوف لك حل
اخذ لك رحلة على واشنطن طوالي
والي محتار انا بعلمكم على خطوط يحبها قلبكم بنفس الطريقة
اطلع بطيارة الى مطار الدمام
ومن الدمام تركب على الــ KLM الخطوط الهولندية الملكية
ومن الدمام غلى امستردام
ومن امستردام إلى واشنطن على طول
وربي يوفقكم
رد: تحذير للطلاب القادمون الى الولايات المتحده
والله مشكله ذا الأمريكان والله أمرهم جدا عجيـــــــــــــــــــــــــب .الله يغضب عليهم .....بس ضحكتني هالجمله ((بعض الشباب الله يهداهم كنه مسافر الى موريتانيا: يجيب معه خرابيط واجد ويثير الشبهه
مثل علاقات الملابس-واشياء ثانيه موجوده بامريكا ويستغربون لما الطالب يجيبها معه))هههههههههههههه والله إنك صادق يحسبون أمريكا أي دوله.مادرو أنها العولمه...!!
مشاركة: تحذير للطلاب القادمون الى الولايات المتحده
سنعود اسياد الأخرين كما كنا اسياد الأولين
رد: تحذير للطلاب القادمون الى الولايات المتحده
فعلا حسن النوايا و الجهل بتفاصيل دقيقة و مهمه عن قوانين المرور للبلاد هو يجعل شبابنا فريسة للمتربصين.
كمان عندي ملاحظة و هي إثبات قوة شخصية المسلم له عدة أوجه,أنصح بتحري الدقة في اختيار الوجه المناسب بلا تهور
و لنتذكر المثل القائل ..يا غريب كن أديب
كي لا يصبح لدينا أكثر من حميدان
اللهم فك أسر حميدان التركي.. و لنتذكره بدعو كلما تذكرناه.
مشاركة: تحذير للطلاب القادمون الى الولايات المتحده
طيب ألحين هما يفحصوا الملفات اللي بالكمبيوتر
يعني لو عندي صور يمكن ما تعجبهم وفلاشات وكذا
أيش راي الشباب ؟؟؟؟