نذر علي الي يساعدني بطلبي لتصدق عن ذمته ل 15 مسكين من فقراء الحرم وانا من مكة

بسم الله الرحمن الرحيم

يا اخوان انا زوجتي محاضرة بالجامعة واكلت راسي وانتم تعرفون نق الحريم :crazy:

تبغا قبول لغة ودكتوراة في امريكا وانا ميح ما اعرف شئ رحت لمكتب ونصب على وله 7 اشهر حتى ماجاب لي قبول لغة

الله لايهينكم الى يقدر يساعدني لا يقصر لو يجيب لي بس قبول لغة اطلع فيه البعثه والباقي بعدين وانا عند وعدي

حتى لو يبي اتعابه وسلامتكم جميعاً

قبول اللغة سهل جدا والاعضاء فيهم الخير والبركة حدد الولاية اوالمعهد بتحصل الكثير يقدر يساعدك ، الاشكالية تكمن فقط في قبول الدكتوراة

حدد الولايه اللي تبيها والمعهد المناسب لها وابشر من عيوني ولا اريد منك الا الدعاء

المعهد من يومين الي اسبوع وهو موجود عندها بإذن الله تعالى

وش تخصصها وياليت تراسلني بالخاص بمعلومات عن التخصص .

الله يجزاكم بالخير مثل ابديتو من حب مساعدتي

أخوي مداوي انا والله ما اعرف وش الولاية المناسبة لكن اانا لدي 4 اطفال احدهم رضيع بعمر 4 اشهر وثلاثة في سن التمهيدي تقريباً
انت اختار الولاية المناسبة لي الي تشوف اقدر اعيش فيها ويكون الوضع الاقتصادي متوسط

طبعا انا لدي كل الاوراق جاهزه ساحبها على الاسكنر ومستعد ارسلها على بريدك لكن انت ارسل لي بريدك لانني ما اقدر ارسل رسائل خاصة لان مشاركاتي في المنتدى اقل من 30 والله يجزاك خير

اخوي طالب مجد ارجو ارسال بريدك لي على الخاص علماً ان التخصص المطلوب اما تغذية اكلينكية او تغذية علاجية او فود ساينس

الله يرحم والديكم ويجزاكم بالخير

الله يوفقكم وسهل اموركم واكور المسلمين يارب

حبيبي مساء الخـير.!

انا بس بعطيك فكره عن مدينه هيوستن وانا متأكد رح تعجبكم كـعائله! هذا اللي اقدر اقولك عليه.. اما عن الـدكتوراة ف رح يطلبون منها اختبارات ومدري وشو الله يعينها بس!
المهم..
مدينه هيوستن بقول لك عيوبها قبل.. زحمه!! جوها خايس.. رطووووبه وحر ف الصيف وبررد في الشتاء.. واتوقع ماعندك مشكله دامك من الغربيه!

حلاة هيوستن إن فيه قنصلية سعوديه.. فرع سابك .. فرع أرامكو.. كثـير العوائل السعوديه هناك.. ومدينه رخيصه نوعا ما.. تناسب العائله لـ زي ماقلت كثرة العوائل السعوديه والعربية عموما...
إذا تبغى قبول لغة سريع أنصحك بـ جامعه هيوستن
كل اللي يطلبون منها شهاده مترجمه (يمكن حتى الثانوي تمشي معهم) ومبلغ 150 دولار حق رسوم تعبئه النموذج .. وأظن لما توصل هنا يطلبون منك 60 دولار (إذا ارسلو لك القبول عالسعوديه)
ومارح تاخذ منك وقت!
هذا رابطهم http://www.lcc.uh.edu

الله يوفقك

شوف مودو حبيبي انا بولاية ميني سوتا ولايه هاديه وحلوة ابروح اسالك الجامعه واشوف ايش ردهم عن الدكتوراة

الله ييسر امرك اخوي ويبلغك مرادك..

لو اقدر اساعدك ماراح ابخل لكن ما املك غير الدعاء..

ربي يوفقك..

أخوي أمريكا دولة كبيرة جدا جدا جدا، ومن الولايات الرخيصة والمعروفة بذلك، اذا تبغى قبول من المعهد اللي انا فيه ابشر من عيوني، ويعتبر المعهد من افضل المعاهد في امريكا معهد جامعة اكرون - مدينة اكرون - اوهايو - الولايات المتحدة الأمريكية

فيه مو ضوع في المنتدى عن هذا المعهد، والعيب اللي فيه انه فيه سعوديين كثير، وهذا العيب في أغلب معاهد امريكا
بالنسبة للابتعاث بدون قبول، في جامعة الملك سعود انا ما طلعت الا وقبول الماجستير معاي، ممكن الدكتوراه يختلف، اما بالنسبة لجامعة جامعة الملك عبدالعزيز فاعتقد مسموح تطلع بقبول اللغه وهذا اللي حصل لزملائي المعيدين والمبتعثين لدراسة الماجستير في امريكا
اذا انت متشجع راسلني على الخاص، لانه من فترة لفترة افتح المنتدى

وشكرا